JOHN 17:3 - LEKHARABU INTHENG (BSI)

³ Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 17:3 ပူးပေါင်းရင်းမြစ်များ

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

THUHMINGHEI INHNINA 15:3

Pha kasôttak Israel in akadik Pathen kasea, an-inthei sik thempu kasea, khana dân kasea leika-om jo hei.

HLAHEI 9:10

Rōngpu, nang inhret mihei khan antaksen sik che; nahnenga akahong tûte dahlon mak che.

ṬONGCHÎK-HEI 8:35

Kei ani kachen khan hringna achen, khana Rōngpu’n anchunga amalung katlâi sik.

ISAIAH 48:16

“Tûn kahnenga heihnai ruh khana heimo kahri rangei ruh. A’nphutbia inphut ke’n inphôngtak a kahrisōt jo, khana kaṭonghei hi ahei tik a hui kamanthlung hei.” (Tûn Chunghnung Rōngpu’n kei arathahrat apek enga atir jo eng.)

ISAIAH 53:11

Inrengna hringkhō kha a’nchaisōa, avea hōina kha achen sik; hnemna kasea ama’n inrengna athōk changmak ti kha ama’n ahong manhret sik. A’npek sōt kasōkpa chunga kamalung katlai, mi katamtak hei karâkna chen sik kha arôn pek sik hei khana ama jâra anmani kha karangei mandam sik hei.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

JEREMIAH 10:10

Tâk-kha Rōngpu nang chu akadiktak Pathen che kae, akahring Pathen che kae, kumleikōa reng che kae. Nang nahnuk anat pha, raleichung hi innok; jât he’n nahnuknat kha detor mak hei. (

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

MARK 9:37

“Tu achang inum kei rahminga hinghiva naipang inkhat inhlâng mi khan kei arahlâng eng kae, khana tu achang inum kei inhlâng mi khan, kei rōk arahlâng eng changloa, anijōng katirpa kha’m arahlâng kae.”

LUKE 9:48

khana anhnenga ati, “Tu enum karahminga hiva naipang inhlâng mi khan kei arahlâng eng kae; tu enum kei inhlâng mi khan ani heikatirpa kha arahlâng kae. Ajârchu nangni kâra akasinpen kha akalenpen kae.”

JOHN 10:36

Pa khan kei akadei enga raleichunga ajōngtir eng kae. Ke’n Pathen Sapa eng kae kati jâra Pathen hnōi nase heikhong mo nantati eng?

JOHN 11:42

Ke’n kaderna rakip nathei pek eng kamanhret, tâk hinna mi ka-om hei hin najōngtir eng kachangna hi antaksen theina sik kader che,” ati.

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 17:18

Nang in kei raleichunga najōngtir eng kapōa, ke’n anmani vânhnōi raleichunga katir jo hei.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

JOHN 17:23

Anmani pui katluk a pumkhat rōk anchang theina sik, kei najōngtir eng leh kei nalungset eng kapōa anmani nalungset hei kha vânhnōi in anmanhret theina sik kei anmania ka-om eng khana nang keia ka-om che.

JOHN 17:25

Nunchen kadik Apa! Vânhnōi ralei in nang manhret mak hei che, tâk ke’nchu kamanhret che, khana anmani’num nang in najōngtir eng hi anmanhret.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 3:17

Ajârchu Pathen in ralei ṭong katan sik a asapa ajōngtir changmak; tâk akahuk inhring sik a ajōngtir kae.

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

JOHN 5:44

Nangni inkhat leh inkhat a inphut inchoi inshâng sik nanmadu, tâk Pathen inkhat rōk a inphut choimanshângna chen sik khachu madu mak chei; khava jâra nangni’n heikhong mo nanta taksen tor sik?

JOHN 6:57

Akahring ṭhak Pa khan ajōngtir eng, khana kei um ama jâra akahring eng kae. Khava kapōa khan tu achang inum kei anikasâk mi kha kei jâra kahring sik.

JOHN 7:29

tâk ke’nchu kamanhret, ajârchu ahnenga inphut akajōng eng kae khana ama tajōngtir eng kae.”

JOHN 8:19

Anmani’n, ander, “Napa kha khon mo aka-om?” Jesu’n amasôn hei, “Nangni’nchu ke’m khana kapa’m amanhret mak chei, Nangni’n kei nanmanhret eng inchu kapa kha’m nantamanhret sik kae.”

CORINTHIANHEI INKHATNA 15:34

Malung dikna tinga he’nle ruh, khana setna hlam dahlon ruh. Hivahi nan-inzakna sik a kahri kae, ti chu nangni kâra mi ṭhahrep in Pathen manhret phâkmak cheia kae.

CORINTHIANHEI INKHATNA 8:4

Khava jâra, limsyem kamukna thlaisâk chungchânga: eini’n nimanhret khachu limsyem inkhat hi kadiktak a akahringmak heikhat sik a akangir kae; eini’n Pathen inkhat rōk kha ka-om ti nimanhret.

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

PHILIPPIANHEI 3:10

Kei tamadupen khachu Christa manhret sik khana athōisōt nôkna ratha hratna manhret sik khana a’nrengna kha thōkpuia ama kapōa thi sik hi kae,

PHILIPPIANHEI 3:8

Khavahei rōk kha’m changmak; ka-Rōngpu Jesu Christa manhretna kha aman atamchet jâra, khahei rakip kha hnemna kase kamanchang pet jo hei. Ama jâra heirakip kahlonsōt pet jo; Christa kha kachen theina sik a leh

THESSALONIANHEI INKHATNA 1:9

Hiva mi rakip hei hin heikhonga mo keini nanta rahlâng ung, nanhnenga kanhonglai akadik leh akahring ṭhak Pathen Sapa razenna sik a heikhonga mo limsyemhei nantahong dahlon,

THESSALONIANHEI INHNINA 1:8

Pathen kahlonsōt hei leh, ni-Rōngpu Jesu Christa Ṭong kaṭha kajuimak hei kha ama’n hmeimale vâng karâkna anei sik hei.

HEBREWHEI 3:1

Pathen tabek jo ka-Christian sōpuihei! Eini’n nihrisōt taksenna chunga Thempu Kalen kachang sik a Pathen tajōngtir Jesu kha mandon ruh.

PETER INHNINA 1:2

Pathen leh ni-Rōngpu Jesu nanmanhretna inphut a, maritna leh lung mōngna kha pui katluk a nanta chang rasoh.

PETER INHNINA 1:3

Aṭhat leh alûrna kachen sik a anikabekpa nimanhretna khan, kadik a beklang hringkhōa nihringna sik, nirangei rakip kha Pathen ratha hratna khan apek jo me.

PETER INHNINA 1:8

Hivahei seng hi nantatlo sik a madu hei kae, nangni’n hivahei hi pui katluk a nannei inchu, ni-Rōngpu Jesu Christa manhretnating ratha hrokna leh tlo manhnakna nantanei sik kae.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JOHN INKHATNA 1:3

Apa leh asapa Jesu Christa leh inṭhōia kan-inloikhômna shunga hin nangni’m nanhong hlutna sik, kantahmu leh kantathei hei kha kantahri pek chei kae.

JOHN INKHATNA 2:23

Ajârchu Sapa kahnōm mak mi khan Pa kha’m ahnōm mak kae, Sapa inhlâng mi khan Pa kha’m arahlâng kae.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.