JOHN 17:22 - LEKHARABU INTHENG (BSI)

²² Nang leh kei pumkhat nichang kapōa, anmani pumkhat anchangna sik napek eng lûrna mama kha ke’n anmani kapek jo hei.

JOHN 17:22 ပူးပေါင်းရင်းမြစ်များ

MARK 6:7

Ama’n sonle 12 hei kha abek manchun heia, mi inhni-hnia atirsōt hei. Rathla kaṭhamak-hei chunga torna ratha apek hei,

LUKE 22:30

Karengrama kadokhâng chunga nansâk sik nan-in sik khana Israel phung 12 chunga vai karôn sik a reng in-ongna in-ong sik chei.”

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 1:16

Ama, maritna kasip phet achangna inphut mahâmṭhatna inkhat bânna inkhat eini nikhenga apek me.

JOHN 14:20

Khava kani kha ajōng tlung pha leh kei kapa a ka-omje, nangni keia nan-omje, khana nangnia kei ka-omje kha nangni’n nanmanhret sik jo.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

ṬŌNTLOHEI 5:41

Sonlehei kha Sehmang-pachong inn andahlona, Pathen in Jesu sik jâra hinghiva hmumasitak a suk manrimna kachen sik rahōi kasōk inkhat a anihnōmpek jo ung antia, le’npâk hêr hei.

ROMANHEI 8:30

Khana Pathen in ahlop a adasōt hei kha abek hei; ama’n abek hei kha, ama leh inṭhōia kadik a adasap hei; khana alûrna kha anmani achanpui sap hei.

CORINTHIANHEI INHNINA 3:18

Eini seng chu hmai makhu loa, Rōngpu lûrna kha nimalâra kae; khava lûrna Rōngpua inphut akajōng rathla khet khan ama kapōhrep a ahei tik a akalenpen lûrna a, nihme kha athleng pek jo mea kae.

CORINTHIANHEI INHNINA 5:20

Hinahin Pathen in keinia inphut ṭong ahri kapōa, keini’n Christa sik a kantahri kae. Christa kahlâng kathlenga kantangek chei kae. A’nrepui nanchangna inphut Pathen in aṭhōn manchang chei rasoh.

CORINTHIANHEI INHNINA 6:1

Pathen leh inṭhōia kanṭōn tlona shunga khan tûnchu Pathen maritna kanchen jo, nangni’n khavakha ahnemna kase manchang mak ruh tia kantangek chei kae.

EPHESIANHEI 2:20

Sânkathemhei leh sonle he’n innhmun anta leideng chunga nangni’m a’nsak inn chei kha kae, khava inn karônpen arakir hlung kha Christa Jesu kae.

PHILIPPIANHEI 1:29

Ajârchu nangni’n ama nantaksen jâr rōk a changloa, ama sik khōdeng nanthei jâra, Christa razenna sik pha kaṭha kha nangni a’npek jo chei kae.

COLOSSIANHEI 1:24

Tûn ke’n nangni sik jâra khōdeng kathei hi inpâk eng, ajârchu kataksa khōdeng theina vâng hin ataksa kachang bekrup kahlanga Christa khōdeng theina sik alaka-om kha pui mathlukna sik ka’nthōpui kae.

JOHN INKHATNA 1:3

Apa leh asapa Jesu Christa leh inṭhōia kan-inloikhômna shunga hin nangni’m nanhong hlutna sik, kantahmu leh kantathei hei kha kantahri pek chei kae.

JOHN INKHATNA 3:24

Tu achang inum Pathen ṭongpek kajui mi kha Pathen leh inchun a ka-oma kae, khana Pathen kha ama leh inchunna shunga ka-oma kae. Khana Pathen tapek me Rathla vâng hin Pathen in eini leh inchun a a-om hi nimanhret a kae.

JOHN INKHATNA 4:17

Ṭongtan ning khan inngamna nineina sik nishunga lungsetna kha pui amathlukpek me, khana vânhnōia nihringkhō hi Christa kapōhrep nichang jo jâra khavakha eini’n ninei sik.

ṬONGPHÔNG 21:14

Khōpui kurbang kha hlung innhmun 12 chunga intung, khava hlunghmunhei chunga khan kemōngte sonlehei rahming 12 inzet a kae.