JOHN 16:22 - LEKHARABU INTHENG (BSI)

²² Khang’khan nangni’m kati sik cheia kae: tûn nangni inrim chei, tâk ke’n nangni ka’nhmupui nôk sik chei, khana nanmalung shunga inpâkna kasip sik, nangnia inphut tûte’n antalosōt tor mak sik jo inpâkna kae.

JOHN 16:22 ပူးပေါင်းရင်းမြစ်များ

JOB LEKHARABU 34:29

Pathen in heite tlomak sik a amadu’num, tûte inkhat in manṭhe tor mak hei. Ama’n ahmaisō kha athup inchu, eini atloje manhret mak mi’n.

HLAHEI 146:2

Kahring lai seng ama kha kachoi ka-ân sik; kahring shunga ka-Pathen hla kha kasak sik.

HLAHEI 33:21

Eini ama jâra kahōi me; eini’n arahming intheng kha nitaksen.

ISAIAH 25:9

Hiva omchen hi asōk pha, mi rakip in anti sik, “Ama hi ni-Pathen kae! Eini’n ahnenga taksenna ninei. Ama hi Rōngpu kae ahnenga taksenna ninei, khan chu eini inpâk me, kahōi me, ajârchu ama’n ahuk mea kae.”

JEREMIAH 31:12

Anmani kahong sik hei Zion tlâng chunga inpâkna hla ansak sik, kakutchoi pek hei chunga anmani katlâi sik hei sâng, ju, olive thai, kemōnghei leh sehei seng chunga. Anmani tui kaṭhatak a a’nchap rahōn kapō inkhat kachang sik hei; anmani’n antamadu rakip annei sik.

MATTHEW 28:8

Khava jâra inrangtak a thlân kha andahlon jo, kaṭi jo hei, tâk inpâk na’n kasip hei, khana asonlehei inthei sik a katlân jo hei.

LUKE 10:42

tâk madu rangeipen inkhat ka-om. Mary in akadik kha akadeisōt jo, ama a inphut inlosōt mak jo ning.”

LUKE 16:25

“Tâk-kha Abraham in ati, ‘Eh sapa, mandon roh, nang hringkhōa neinâk kaṭha rakip le’npek jo che, Lazarus in akaṭhamak rakip aleichen jo. Tâk-kha tûnchu ama kahōia hin ka-om jo, nang in khōdeng nathei joa kae.

LUKE 19:26

Ama’n amasôn hei, ‘Ke’n kahri pek chei kae tu achang inum akanei mi kha a’npesa sik kae, tâk akaneimak mi kha ajingte anei kapha kha’m a’nlosōt pek sik kae.

LUKE 24:41

Khava katlunga hlamrin tor mak hei, anṭong theia le’npâk hêr hei khana andet-hla hêr; khava jâra ama’n anhnenga ader hei, “Hiva hmun a hin sâk thei heikhat nantanei mo?”

JOHN 14:1

Jesu’n ahnenga ati, “Nanmalung manrim mak ruh: Pathen taksen ruh, khana ke’m ataksen ruh.

JOHN 14:19

Pha bongkhat shunga vânhnōi in kei ahmu mak jo ning, tâk nangni’nchu nanhmu sik eng; ajârchu kei kahring jâra nangni’m akahring sik chei kae.

JOHN 14:27

“Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 16:16

“Pha bongkhat nangni’n kei ahmu nôk mak jo chei ning; khana khava sōa pha bongkhat sō leh nanhmu sik eng,” ati.

JOHN 16:20

Akadik kha kahri pek chei kae: nangni ka-ônga kaṭap sik chei; tâk vânhnōi chu a’npâk sik hei kae; nangni chu inrim sik chei, tâk nan-inrimna kha inpâkna ahong kachang sik kae.

JOHN 16:6

Khana tûnchu kamanthei jo chei, khana nanmalung châmna kasip jo.

JOHN 21:7

Jesu talungset sonle khan Peter hneng, “Ama hi Rōngpu kae!” ati. Peter in ama Rōngpu kae ti ṭong athei pha, ama’n azakkō kalen kha a’nneia (ajârchu Peter kha apōn ader aleisōt pet a leika-om,) tui shunga inchôm jo.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

ṬŌNTLOHEI 13:52

Antioch a taksenna kaneihei kha inpâkna leh Rathla Intheng leikasiptak heia kae.

ṬŌNTLOHEI 16:25

Jân ṭhangṭim vena Paul leh Silas khan derna anneia Pathen manpâkna hla anleisak, khana alak khum mihei khan anleirangei hei.

ṬŌNTLOHEI 2:46

Ani tina arup-rup a Bek-inna le’nhmu hei, khana katlai leh insinsak tak a an-innheia thlai anleisâksap,

ṬŌNTLOHEI 5:41

Sonlehei kha Sehmang-pachong inn andahlona, Pathen in Jesu sik jâra hinghiva hmumasitak a suk manrimna kachen sik rahōi kasōk inkhat a anihnōmpek jo ung antia, le’npâk hêr hei.

CORINTHIANHEI INHNINA 6:10

kanmalung inrim ravâng, ahei tik a keini inpâk ung; sara kachang kanpō, tâk mi katamtak kanmanhao hei; heite kaneimak kanpō, kha’num kadiktak a chu heirakip kannei.

THESSALONIANHEI INHNINA 2:16

Ani’nlungset leh amaritna vâng akatlasam mak ratha hrokna leh inhōrna kahnet anikapek ni-Pa Pathen leh ni-Rōngpu Jesu Christa khet khan,

HEBREWHEI 10:34

Kurkhum a ka-om hei kha chen nanneipui hei, nannei rakip ankasut jo chei pha inpâk a nandetor, ajârchu ahei tik a aka-omsôt sik akaṭhachet heikhat nantalanei kha nan-inhret a kae.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

PETER INKHATNA 1:8

Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,