JOHN 16:2 - LEKHARABU INTHENG (BSI)

² Anmani’n nangni intûpna inna inphut anhnongsōt sik chei. Khana nangni kathat mi khan aṭōntlo kha Pathen karazen kae tia anmandonna pha alakahong sik kae.

JOHN 16:2 ပူးပေါင်းရင်းမြစ်များ

ISAIAH 65:5

Khava sōa anmani’n milak hneng anhri, ‘Ahnai mak ruh, keini a’ntheng hêr ung kae, atôn mak ruh!’ anti. Kei khang khava mihei hneng ngir tor mak eng, anmani dōina kahnuknat kha hmei kasûk akathi hêrmak kapō kha ka-ang.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

DANIEL 11:33

Mipuihei hlamkakei kasinghei khan chu ansingna kha mi katamtak hnenga ansempek sik hei. Tâk-kha pha bongkhat re shunga ṭhahrep chu anthat sik hei a-emak leh hmeia anro hlon sik hei, ṭhahrep chu anchom heia ankhum sik hei.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 24:9

“Khan chu nangni karâkna sik leh that sik a mihe’n ansur sik chei khana mikut chunga anpek sōt sik chei. Kei jâra jât rakip in anhōt sik chei.

LUKE 6:22

“Mihring sapa sik jâra, nangni mi’n anhōt cheia, anhnōm mak cheia, inzak anpek chei pha, khana mikaṭhamak anti chei pha, nanmahâm kaṭha!

JOHN 12:42

Kha achang ravâng, ratha kanei Jehudi katamtak in Jesu antaksena kae; tâk Pharisee he’n anmani kha intûpna inna inphut anhnongsōt makna sik hei inphôngtak a achungchâng ṭong leihrisōt mak hei.

JOHN 16:25

“Ke’n hihei hi tekâk vâng kamanthei jo chei. Tâk-kha Pa chungchâng ṭong kha inthengtak a tekâk loa kahri pekna sik chei pha kha alajōng katlung sik kae.

JOHN 16:32

Nangni nankhenga inchek sik cheia kha nan-inn et a kase sik chei, khana kei kabing rōk a nandahlon sik eng, apha kha hong katlung jo, hinahin hong katlungdek jo. Tâk-kha kadik khet a chu kei kabing rōk a changmak eng ajârchu Pa khan a-ompui eng.

JOHN 4:21

Jesu’n amanu hneng ati, “Eh nuhmei, ataksen roh! Mihe’n hiva hmun a achanga, Jerusalema achang inum Pa kha antakamuk makna sik pha kha alajōng katlung sik kae.

JOHN 4:23

Tâk-kha pha kha katluk jo, tûn jo hi kae. Kadiktak a inmuk hei khan Pa kha kadiktak a leh Rathla a antakamuk sik hi Pa tamadu kae.

JOHN 9:22

Anu leh apa’n hinga antati hi Jehudihei anṭit jâra kae; ajârchu Jesu hi Messiah kae kati mi kha an-intûpna inna inphut hnongsōt sik a Jehudi he’n inhnōmtōna anta leinei dek jo kae.

JOHN 9:34

Anmani’n anmasôn, “Nang setna chunga a’nte hrep che’n, keini manthei sik nalarei ung mo?” antia, intûpna inna inphut anhei namsōt jo.

ṬŌNTLOHEI 5:33

Intûpna a’ntûp mihe’n hiva ṭong hi anthei pha anhnuk kana hêr joa sonlehei kha anthat hnōm jo hei.

ṬŌNTLOHEI 7:56

Ama’n, “Enruh! Ke’n marvân kot a’nhlânga, Mihring sapa kha Pathen changtinga angir kahmu!” aleiti.

CORINTHIANHEI INKHATNA 4:13

Anmanzak ung pha, keini’n ṭong kahōi vâng kanmasôn hei. Keini hi hiva vânhnōi tahnōm mak ung kha kae; tûntak hin keini a’nthengmak ramhnōk inbukna ung kha kae.

PHILIPPIANHEI 3:6

khana khangtuk hrep thangset kanei kachang dungjuia ke’n bekrup kaleisuk manrima kae. Dân ṭongpek juina mikadik inkhat changna ting niti’nchu, kei ṭhenakase eng kae.

ṬONGPHÔNG 6:9

Khava sōa kemōngte khan 5 tlukna achîkna intat kha asuk khōia amahlang. Pathen ṭongkahri inthanglele, ansâkhi tlona chunga taksenthei kachang, anta leithat jo hei rathlahei maichâm thōia an-om kha ke’n kahmu.

ṬONGKATANHEI 6:30

Khava pha Joas hneng anti, “Nasapa heitirsōt roh, ama that sik kae! Ama’n Baal maichâm leh khava hnenga aka-om Asherah lim târna kha atuk kachamsō jo.”