JOHN 16:17 - LEKHARABU INTHENG (BSI)

¹⁷ Asonlehei kâra ṭhahrep anbinga inder heia, “Hivahi heitina mo? Pha bongkhat eini’n ama nihmu mak sik khana pha bongkhat sō leh eini’n ama nihmu nôk sik, tia amanthei me; khan chu ama’n ahri nôk a, ‘Hivahi kapa hneng kei kase sik jâra kae,’ ati.

JOHN 16:17 ပူးပေါင်းရင်းမြစ်များ

MARK 9:10

Anmani’n aṭongpek-hei kha anjui, tâk anmani rōk kâra ṭong kha inbekna anneia, “‘Thina inphut ṭhōisōt,’ ti hi heitina mo?” anti.

MARK 9:32

Tâk hiva mantheina hi heitina mo manhret tor mak hei, khan chu ama der sik um leikaṭi hei.

LUKE 18:34

Sonlehei khan hihei seng hi heite leimanhret mak hei; khava ṭong inhri kha anmani hneng a’n-ip achang jâra, Jesu’n ahri ṭong kha anmani’n leilothei mak hei.

LUKE 9:45

Tâk-kha sonle he’n hivahi leimanhret phâkmak hei. Khavakha anmanhret makna sik ale’n-ip inkhat kae, khana anmani’n antader sik um kaṭi heia kae.

JOHN 12:16

Khava phatak a khan chu Asonle he’n hivahi leimanhret mak hei; tâk Jesu kalûra mathōisōt achang pha khan chu ṭong intheng in achungchânga aleihri dungjuia anmani’n khanga anta leitlo kae tia anmandonsōt jo.

JOHN 14:22

Judas (Judas Iscariot kachangmak) khan ader, “Rōngpu, heikhong mo vânhnōia changloa kanhnenga nabingkhet a a’nlârthei sik che?”

JOHN 14:5

Thomas in ahnenga, “Rōngpu, keini’n nasena sik hmun kha manhret mak ung; khava hmun jōnna sik hlam kha heikhong mo kanta manhret sik?” ati.

JOHN 16:1

“Nangni nantaksenna kha nanmasō makna sik hivahi kahri pek chei kae.

JOHN 16:16

“Pha bongkhat nangni’n kei ahmu nôk mak jo chei ning; khana khava sōa pha bongkhat sō leh nanhmu sik eng,” ati.

JOHN 16:18

Hiva ‘pha bongkhat’ hi heitina mo? Ama’n heimo ahrina eini’n manhret mak me!”

JOHN 16:19

Anmani’n ahnenga antader hnōm kha Jesu’n amanhret a anhnenga, “Ke’n kahrisōt, ‘Pha bongkhat nangni’n ahmu mak chei ning, khava sōa pha bongkhat sō leh nangni’n nanhmu sik eng,’ tina chungchânga nangni nanbinga a’nder chei mo?

JOHN 16:5

Tâk-kha tûnchu anijōng katirpa hnenga akase sik jo eng kae; achang ravâng tûte’n, ‘Khon mo akase sik che?’ tia adermak chei.