JOHN 15:2 - LEKHARABU INTHENG (BSI)

² Ama’n keia ka-om abâk a’nramak rakip kha atuk mathlâk hei, khana kara kanei abâk seng kha a’nthengna sik leh akara atam chetna sik amanhleng heia kae.

JOHN 15:2 ပူးပေါင်းရင်းမြစ်များ

JOB LEKHARABU 17:9

Kajathei ung kati hei khan anmani kadik ung tia indon chet-chet jo hei.

HLAHEI 92:14

khahei khan anter katlunga inra ṭhak heia anbō in-êm ṭhak a kangar tak a aka-om kapō hei kha kae.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 27:9

Tâk-kha Israelhei setna khachu, Khōvelhei maichâm kha ansuk mandi sōa, marim katui maichâm an-om mak jo pha khana Asherah pathennu limhei an-om mak jo pha rōk khan rangei mandam kachang sik.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

DANIEL 11:35

Mikasing ṭhahrep chu anthat sik hei, tâk khana inphut mipuihei inthengsōt sik hei. Hivahi Pathen in atupsa pha inchaina ahong mak hma senga akasōk injom sik kha kae.

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

MALACHI 3:3

Dangka kakheng intheng inkhat kapōa ṭong katan sik a ama kahong sik. Sana dangka kakheng ṭōnkatlo mi kapōa Rōngpu ṭong karônpa khan thempuhei kha Rōngpu hnenga akadik neinâk anheitōkna sik a asuk mantheng sik hei.

MATTHEW 13:12

Ajârchu akanei mi kha inhleia aneisana sik a’npesa sik kae; tâk heite kaneimak mia inphut ajingte anei kapha kha losōt sik kae.

MATTHEW 13:33

Jesu’n tekâk hlop inkhat ahri pek nôk hei: “Marvân Rengram kha hiva kapō kae. Nuhmei inkhat in chê ajing aloa jâm litre 40 leh akachep a asem manpōrmak kârseng aphi kapō kha kae.”

MATTHEW 15:13

Jesu’n amasôn hei, “Marvâna kapa talingmak thingkung rakip kha phoisōt sik kae.

MATTHEW 21:19

Khana hlampanga khan ama’n theichangkung inkhat ahmua akunga khan vakase, tâk achunga abō teilo heite leihmu mak. Khava jâra theichangkung hneng, “Avea nang kara nei hêrmak jo tin che!” ati. Khava laitak khan theichangkung kha kachâr jo.

MATTHEW 25:29

Ajârchu tu achang inum ṭhahrep akanei kha, akakhea inpeksa sik, ama akatamtak anei sik jo; tâk heite kaneimak kha, anei tete kha kasut sik kae.

MATTHEW 3:10

Thingkunghei kha phûrna sik hreicha mantluksa ka-om jo; akaṭha a’nramak thingkung rakip khachu akung beret a phûr mathlûk a hmeishunga ti sik kae.

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

MATTHEW 7:19

Khana kara kaṭha a’nramak thingkung rakip kha anphûr heia hmeishunga hlon manhlut sik hei kae.

MARK 4:20

Tâk milak-hei khan ralei ṭhatna a’nvor hmuchi kapō hei kae. Anmani’n ṭong kha anthei, anrahlâng, khana kara annei: ṭhahrep in aja 30, 60, khana 100 inra heia kae.”

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

JOHN 15:1

“Kei vomhrui kadiktak eng kae, khana kapa’n arahōn kathlō kha kae.

JOHN 15:16

Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.

JOHN 15:3

Nangni chu ke’n mantheina kaleinei jo chei khana amanthengsa jo chei kae.

JOHN 15:6

Tu achang inum keia aka-om ṭhak mak khachu abâk inkhat kapōa hlonsōt a ka-om khana kachâr ri jo; khang khava bâk-hei kha chom mantûp a hmeishunga anhlon manhlut ri hei khana khan kakâng jo hei.

JOHN 15:8

Kara katamtak nannei jâra kapa lûrna kha a’nlâr kae; khang’khan nangni kei sonle akachang chei kae.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

ROMANHEI 11:17

Rahōna Olive bâk ṭhahrep khat anmathlek jo hei, khana ram a Olive bâk-hei anmanjōm jo. Nangni Jât-hlop chei, khava ram a Olive bâk a’njōm inmat kapō chei kha kae, tûnchu nangni’n akahnet Jehudihei rathla hringkhō kha nantachenpui hei kae.

ROMANHEI 11:22

Hinahin eini’n Pathen kha heituk a lungsetna anei khana heituk a kakhôk mo ti nihmusōt a kae. A’npai inthlûk hei chunga khôk sakna anei; tâk nangni alungsetna shunga nan-om ṭhak inchu, alungset ṭhak sik chei. Tâk-kha khanga achangmak inchu, nangni’m amathlek sik cheia kae.

ROMANHEI 8:28

Ajârchu Pathen mantlukna dungjuia abek hei, ama inlungset mihei ṭhatna sik, heirakip a ṭōn atlo ti hi eini’n nimanhret.

CORINTHIANHEI INKHATNA 13:1

Ke’n mihring ṭonghei leh marvân ngevahei ṭong kajômthei inum, lungsetna kaneimak inchu, kaṭong kha dâr mahring leh sumkutben mahring kapōhrep kha kae.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 12:15

Pathen maritna inphut hnung inle makna sik insing thei ruh. Tûte inkhat kahar kakha kapōa ahong kakeksōt a atûr khan bōina katamtak insō kha changmak rasoh.

JOHN INKHATNA 2:19

Hiva mihei hi eini inloikhômna mi changmak hei, khava jâra andahlon jo me; eini rup-mi anleichang inchu nihnenga aleika-om sik hei kae. Tâk-kha anmani inkhatbek eini rup-mi changmak hei ti hi a’nchên theina sik a anmani kasesōt jo hei.

ṬONGPHÔNG 3:19

Ke’n kamalungset seng kamanse heia, karâkna kapek hei. Khava jâra malung kahluttak a nasetna inphut namalung thleng roh.