JOHN 14:27 - LEKHARABU INTHENG (BSI)

²⁷ “Ke’n kadahlon pek chei khachu mōngna hi kae, kapek chei hi kei khet mōngna kha kae. Vânhnōi tapek chei kapōa kapek chei changmak. Nanmalung mandong mak ruh, ṭi’m ṭimak ruh.

JOHN 14:27 ပူးပေါင်းရင်းမြစ်များ

THUHMINGHEI INHNINA 20:30

hiva jâra hin Jehoshaphat kha kamōng tak a vai arôn tor a kae, khana Pathen in ramkei rakip a inhukna apek a kae.

JOB LEKHARABU 34:29

Pathen in heite tlomak sik a amadu’num, tûte inkhat in manṭhe tor mak hei. Ama’n ahmaisō kha athup inchu, eini atloje manhret mak mi’n.

HLAHEI 11:1

Inhukna sik a Rōngpu kha kataksen. Kahnenga hinga anikati nangni heituk a akamo jo chei mo, “Va kapōa tlâng ting jōngsōt jo ruh,

HLAHEI 112:7

Ṭongse thei sik kha ama’n heite ṭitna neimak; ataksenna kangar, Rōngpu ataksen.

HLAHEI 27:1

Rōngpu hi kavâr leh kakahuk inhring kae; ke’n tûte ṭitmak ning. Thinathei rakip a inphut Rōngpu’n asan eng, kei heitik che’num ṭimak ning.

HLAHEI 28:3

Malung kaṭhamak-hei leh ṭhatmak katlohei, anbeisō chu ṭim leh re ṭong kahrihei, tâk anshunga chu enkadana kasip hei kha leh maset aman chensap mak roh.

HLAHEI 29:11

Rōngpu’n amihei ratha ngarna apek hei, khana mōngna leh inṭhōia vângṭhat apek hei.

HLAHEI 56:11

Ama kha kataksen, khana ṭitna neimak ning. Mihring mâr he’n kei heimo antamanlo tor sik eng?

HLAHEI 56:3

Eh Chunghnung Rōngpu, ṭitna kanei pha leh nahnenga kataksenna kha kada a kae.

HLAHEI 72:2

kha achang inchu namihei chunga kadiktak a vai arôn sik, khana mi inrenghei kha’m kadiktak a a-en manhōi tor sik hei.

HLAHEI 72:7

Ahringkhō shunga dikna kha khang ṭhak rasoh, khana thla’n avârlai seng nei leh hao pung rasoh.

HLAHEI 85:10

Lungset leh taksen kha hong inmat sik hei; akadik leh lungmōng kha hong inchun sik hei.

HLAHEI 91:5

Jân a insukset theinahei naṭit sik rangei mak a-emak leh manhret theiloa sûna nakabuhlu hei,

ṬONGCHÎK-HEI 3:25

Mikaṭhamak-hei chunga inrengna khan thlipui kahrâng kapōa manhret manloa ahong katlung hei kha namalung mandong sik changmak.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 41:10

Nangni ṭimak ruh – ke’n ka-ompui chei! Kei nan-Pathen eng kae — heite inkhatbek in maṭhitmak chei rasoh! Ke’n ka’nṭangpui sik chei khana kamanhrat sik chei; Ke’n kahrung sik chei khana kahuk sik chei.

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

ISAIAH 54:13

“Kei khet in namihei kamanthei sik hei, khana neina leh lung mōngna kapek sik hei.

ISAIAH 55:12

“Nangni’n inpâktak a Babylon nandahlon sik; khōpuia inphut nangni kamōng tak a anṭhōisōt sik chei. Tlâng leh hmebung he’n hla ansak a kapeng sik hei, khana thingkung he’n inpâk a ka-ông sik hei.

ISAIAH 57:19

Ke’n akahla leh akahnaia aka-om hei seng hneng lung mōngna kapek hei! Kamihei kaman dam sik hei.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

JEREMIAH 1:8

Anmani kha ṭitmak hei roh, ajârchu nakahrung sik a ke’n ka-ompui che. Rōngpu ke’n kahri jo hi kae!”

ṬAJAISUINA 3:17

Taksa kaṭha leh mōngna khana inpâkna hei kha heimo kae manhret mak jo eng,

EZEKIEL 2:6

“Tâk-kha akathithei mihring, anmani leh anmani’n heikhat antahri kha naṭitmak sik kae. Anmani’n nang hnōm mak hei tin khana anhnōise sik che; aipui tûr kaneihei kâra aka-om ka-ang sik che. Kha’num, sova rahe kasehei leh heikhat antahrina chunga ṭitna neimak roh.

DANIEL 4:1

Rn Nebuchadnezzar in raleichunga phung, jât, ṭong rakip hneng hiva ṭong hi aleimanrôn hei: “Marimna chibei!

DANIEL 6:25

Khava pha Reng Darius in raleichunga ka-om phung leh jât, ṭong rakip hnenga lekha aleimanrôn hei: “Marimna chibei!

ZECHARIAH 6:13

Khava kasak sik leh reng inkhat changna kajana kachen sik kha ama kha kae, khana ama’n amihei vai arôn sik hei. Ama reng in-ongna hnenga thempu inkhat kangir sik, khana anmani kamōnga injentak a ṭōn antlosōm sik.’

MIJAHEI 6:26

Rōngpu’n lumlo chei rasoh, lungmōng pek chei rasoh.

MATTHEW 10:26

“Khava jâra mihei ṭitmak hei ruh. Tûna makhu sia aka-om hei kha ala’nhlângpet sik kae, khana a’nthup rakip hei kha’m ala’nphông sōt pet sik kae.

LUKE 1:79

khana thina daihlim thōia ka-om rakip hei chunga marvâna inphut ajōngsat manvâr sik, lung mōngna hlam a nikethon ensuina atlo sik.”

LUKE 10:5

Khova hmun achang inum, nanhlutna inna, hma inkeitak a ‘Hiva inna lung mōngna om rasoh,’ ti ruh.

LUKE 12:4

“Kaṭhōnhei, kahri pek chei kae, taksa kathat tor, abânchu heite katlo tor mak hei kha ṭitmak hei ruh.

LUKE 2:14

“Marvân chung inshângpena Pathen kha lûr rasoh, khana raleia amalung tlaina mihei chunga lung mōngna kha om rasoh!”

JOHN 14:1

Jesu’n ahnenga ati, “Nanmalung manrim mak ruh: Pathen taksen ruh, khana ke’m ataksen ruh.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

JOHN 20:19

Khava Pathen kani ninga khōhlei ting khan, sonle he’n Jehudi Sehmang-Pachonghei anṭit hei jâra kot ankama le’ntûp hei. Khava pha Jesu kahonga ankâra hong kangira, “Mōngna’n ompui chei rasoh,” ati hei.

JOHN 20:21

Khava sōa Jesu’n anhnenga ahri nôk a, “Mōngna’n ompui chei rasoh, Pa’n kei atir eng kapōa, ke’n nangni katir chei kae,” ati hei.

JOHN 20:26

Kani vekhat sōa sonlehei kha Thomas inveina innshunga intûp nôk jo heia kae. Kot-hei ankirpet, tâk Jesu ankâra hong kangira anhnenga, “Malung mōngna’n ompui chei rasoh,” ati hei.

ṬŌNTLOHEI 10:36

Heirakip Rōngpu, Jesu Christa a inphut mōngna ṭong kaṭha Israelhei hnenga a’nphôngsōt kha nangni’n nanmanhret jo.

ṬŌNTLOHEI 18:9

Jân khat hin Paul in hmangtalâr inkhat aneia, ahnenga Rōngpu’n hing’hin aleihri pek, “Ṭitna neimak roh, khang’khan bângloa ṭong kha hri ṭhak roh,

ROMANHEI 1:7

Khava jâra Pathen talungset, ami kachang sik a abek Rome a ka-om nangnihei seng hnenga kaheimazet kae: Nipa Pathen leh Rōngpu Jesu Christa’n maritna leh lung mōngna kha pek chei rasoh.

ROMANHEI 15:13

Rathla Intheng hratna vâng nan-inhōrna kha akhangchet thei ṭhakna sik, ama nantaksenna vâng mōngna leh inpâkna rakip kha inhōrna kung kachang Pathen in mansip chei rasoh.

ROMANHEI 5:1

Tûnchu eini taksen jâra Pathen leh akadiksap kachang jo me, ei-ni’n Rōngpu Jesu Christa jâra Pathen leh inchamna ninei jo.

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

ROMANHEI 8:6

Mihring ngai tamadu vairôn khan thina kha amansōk; Rathla tamadu vairônna khan chu hringna leh mōngna kha amansōk.

CORINTHIANHEI INKHATNA 1:3

Nipa Pathen leh ni-Rōngpu Jesu Christa’n maritna leh lung mōngna pek chei rasoh.

GALATIANHEI 1:3

Ni-Pa Pathen leh Rōngpu Jesu Christa’n maritna leh lung mōngna kha pek chei rasoh.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

GALATIANHEI 6:16

Ajârchu hiva chôndân kajuia anhringkhō kahmang hei kha, Pathen mihei seng kha leh inṭhōia, lung mōngna leh maritna’n ompui hei rasoh!

PHILIPPIANHEI 4:7

Mihring tamandon phâk tor mak, Pathen lung mōngna khan Jesu Christa leh inchunna shunga nanmalung leh nanmandonna kha amanmōng pek sik chei.

COLOSSIANHEI 1:2

Colossaea Pathen mihei Christa leh inchunna shunga taksen ka-om sōpuihei hneng kantahei mazet kae: Ni-Pa Pathen in maritna leh lung mōngna pek chei rasoh.

COLOSSIANHEI 1:20

Khana Sapa jâra vânhnōi ralei pumpui ahnenga aṭhōi male nôk sik hi Pathen manṭhatna kae. Thingrake chunga Asapa thisen vâng khan Pathen in malung daina asyema khana marvân chunga leh raleichunga heirakip ahnenga aṭhōi male nôk heia kae.

COLOSSIANHEI 3:15

Christa tapek chei mōngna kha ṭong mathlakna chunga nanhlam kakei sik kae; ajârchu Pathen in taksa pumkhat a abek manchun chei kha hiva mōngna hin kae. Khana manpâk them ruh.

THESSALONIANHEI INHNINA 1:2

Pa Pathen leh Rōngpu Jesu Christa khan maritna leh malung mōngna pek chei rasoh.

THESSALONIANHEI INHNINA 3:16

Nimalung mōngna kung kachang, Rōngpu ama khet in ahlam rakip a leh apha rakip a, malung mōngna pek chei rasoh. Rōngpu’n nankhenga ompui chei rasoh.

TIMOTHY INHNINA 1:7

Ajârchu Pathen tapek me rathla khan niṭit manse mak; khava kanek a, rathla khan eini ratha hratna, lungsetna leh binga insur theina vâng amansip jôk mea kae.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 7:2

khana Abraham in aleichom rakip sôma inkhat ama hneng aleipek. (Melchizedek inti rahming hi inkhat changna, “Omchen kadik Reng,” tina kae; khana ama Salem reng achang jâra, “Chamna Reng,” tina’m kae).

ṬONGPHÔNG 1:4

Johna inphut Asia ram bekrup 7 hei hneng: Aka-om, aleika-om, alaka-om sik Pathena inphut leh alen in-ongna hmaikunga ka-om rathla 7 heia inphut,

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”