JOHN 14:24 - LEKHARABU INTHENG (BSI)

²⁴ Tu achang inum kei ani’nlungset mak mi khan kaṭong mantheina hi juimak. Khana nangni’n nantathei jo mantheina hi kei ṭong changmak, tâk anijōng katir kapa hnenga inphut akajōng kae.

JOHN 14:24 ပူးပေါင်းရင်းမြစ်များ

MATTHEW 19:21

Jesu’n ahnenga, “Pui mathluk sik namadu’n chu, se ina nanei rakip vajōr roh, sêr kha sara khōdeng katheihei vasempek hei roh, khana marvâna karōi nanei sik; khava sōa hong inna kakahnung ajui roh,” atipek.

JOHN 14:10

Kei Pa a ka-om eng, khana Pa kha keia ka-om ti hi nalataksen mak mo? Ke’n nanhnenga kahri hei hi, keia inphut ajōng kasōk changmak hei. Keia ka-om Pa khan aṭōn kha a’ntlo kae.

JOHN 14:15

“Nangni’n kei nanilungset a achang inchu, kaṭong pek chei jui ruh.

JOHN 14:25

“Kei nangni leh nila-omlai hivahi kahri pek jo chei kae.

JOHN 3:11

Kadiktak a kahri pek che kae. Keini’n kanta manhret kha kanmanthei chei, kantahmu kha kanhri pek chei, tâk nangni inkhatbek in kanṭong hri lohnōm mak chei.

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

JOHN 5:19

Khava jâra Jesu’n anmani amasôn hei, “Akadiktak kahri pek chei kae, Sapa khan abing rachama heite tlotor mak; apa tatlo ahmu hei rōk kha atlo kae. Apa tatlo kha, Sapa kha’num atlo kae.

JOHN 5:38

khava jâra aṭong nanshunga om mak, ajârchu ama’n ajōng tirpa kha nangni’n taksen mak cheia kae.

JOHN 7:16

Jesu’n amasôn hei, “Ke’n kamanthei chei hi keita changmak, tâk anijōng katirpa a inphut akajōng kae.

JOHN 7:28

Jesu’n Bek-inna amanthei lai hei khan rasa inhnaktak a ahri, “Nangni’n kei khona inphut akajōng eng inchêntak a nantamanhret mo? Kei kabing rachama akajōng eng changmak. Hei-achang inum anijōng katirpa kha akadik kae. Nangni’n manhret mak chei,

JOHN 8:26

Nanchungchâng ṭonghri sik ka-tamtak kanei khana maset sik chei katamtak ka-om, achang inum anijōng katir ama kha akadik kae, khana ke’n ama inphut a kathei kha vânhnōi kamanthei kae.”

JOHN 8:28

Khava jâra Jesu’n anhnenga ati, “Nangni’n Mihring Sapa kha nanmakhei manshâng pha leh, ‘Kei hi kei eng kae,’ tia nanmanhret sik eng, khava sōa ke’n kabing ratha neina heite tlomak eng, tâk Pa’n hri sik a amanthei eng rōk kha kahri kae ti hi nanhong manhret sik jo.

JOHN 8:38

Ke’n ka-Pa tamanhmu eng kha kahri, tâk nangni’nchu nanpa tamanthei chei kha nantlo.”

JOHN 8:42

Jesu’n anhnenga ahri, “Takkhet a Pathen kha nanpa achang inchu, kei nanlungset sik eng, ajârchu kei Pathen hnenga inphut a kajōng enga tûnhin ka-om eng. Kei kabing rachama akajōng eng changmak, tâk ama’n ajōngtir eng kae.