JOHN 14:19 - LEKHARABU INTHENG (BSI)

¹⁹ Pha bongkhat shunga vânhnōi in kei ahmu mak jo ning, tâk nangni’nchu nanhmu sik eng; ajârchu kei kahring jâra nangni’m akahring sik chei kae.

JOHN 14:19 ပူးပေါင်းရင်းမြစ်များ

JOHN 11:25

Jesu’n amanu hneng, “Kei thōi nôkna leh hringna eng kha kae; tu achang inum anikataksen mi kha akathi achang inum akahring sik kae.

JOHN 12:35

Jesu’n amasôn hei, “Vâr kha nankâra pha bongkhat rōkte ka-om sik. Nanchunga khō inthim kha ajōng makna sik nangni’n vâr nanneilai hin nanhlam hro kha manjôn ruh; ajârchu khō inthima ka-om mi khan khonting ajōna akase manhret mak.

JOHN 13:33

Kasahei, nangni leh omsôt mak jo min. Nangni’n nanjong sik eng; Jehudi hlamkakeihei hneng kaleihri kapōa, nanhnenga kahri pek chei kae, ‘Kei sena sik hmun a khan nangni setor mak chei ning,’

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 16:16

“Pha bongkhat nangni’n kei ahmu nôk mak jo chei ning; khana khava sōa pha bongkhat sō leh nanhmu sik eng,” ati.

JOHN 16:22

Khang’khan nangni’m kati sik cheia kae: tûn nangni inrim chei, tâk ke’n nangni ka’nhmupui nôk sik chei, khana nanmalung shunga inpâkna kasip sik, nangnia inphut tûte’n antalosōt tor mak sik jo inpâkna kae.

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

JOHN 7:33

Jesu’n ati, “Pha bongkhat rōk ke’n nangni ka’nṭhōipui sik jo chei kae, khava sō leh chu anijōng katirpa hneng akase sik jo eng kae.

JOHN 8:21

Jesu’n anhnenga avea, “Kei akasesōt sik jo eng kae; kei nanjong sik eng, tâk nansetna khan nangni kathi sik chei. Kei sena hmun a khan setor mak tin chei,” ati.

ṬŌNTLOHEI 10:41

amirōkchu mi rakip hneng changloa asâkhi kachang sik a Pathen in akadeisōt, keini hei hneng aleimalâr, thina inphut athōisōt sōa khan bu leh thlai kanleisâksap pui jo.

ROMANHEI 5:10

Eini hi Pathen kadōi leikachang me; tâk asapa thi jâra khan ama’n aṭhōn amanchang jo me. Tûnchu eini Pathen ṭhōn kha kachang jo me, khan chu Christa hringkhō khan heituk ahukchet sik jo me mo!

ROMANHEI 8:34

Khan chu tu’n mo anmani masetna apek sik hei? Akathi jo Christa Jesu khana Pathen changting a’n-onga eini sik akaderpa kha’num tlomak ning.

CORINTHIANHEI INKHATNA 15:20

Tâk-kha akadiktak khachu Christa kha thina inphut kathōi jo, hivahi akathia akaje hei kha’m kathōisōt sik heitina manchênna kha kae.

CORINTHIANHEI INKHATNA 15:45

Ajârchu ṭong intheng in, “Mihring hma-inkei Adam khachu, akahring inkhat a a’nsyem kae,” ati; tâk hnung kakhôr Adam khachu, hringna kapek Rathla kha kae.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.