JOHN 14:17 - LEKHARABU INTHENG (BSI)

¹⁷ Ama kha Pathen chungchânga akadik kaphôngsōt Rathla kha kae. Ama kha vânhnōi in chentor mak, ajârchu hmu um hmutor mak khana manhret um manhret tor mak a kae. Tâk-kha ama’n nangni a-ompui cheia nanshunga a-om jâra, nanmanhret a kae.

JOHN 14:17 ပူးပေါင်းရင်းမြစ်များ

ṬONGCHÎK-HEI 14:10

Na’npâkna kha nata kae; nachâmna kha’m nata kae. Tûte’num khahei kha chenpui theimak hei che ning.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

ISAIAH 59:21

Khana ke’n nangni leh intepna inkhat kasyem: ke’n karathahrat leh kaman theina ahei tik a nangni sik a kapek jo chei, khana tuna inphut nangni’n kaṭong nantajui sik khana akahong sik pha rakip a kei juina sik a nansahei leh nansōn nanpâr hei nanta manthei sik hei kae.”

EZEKIEL 36:27

Nanshunga kei ratha kada sik khana nangni’n kei dân nanjuia ke’n kapek chei ṭongpek rakip nannit ti kha ka-en sik.

MATTHEW 10:20

Ajârchu nanta hri sik ṭong kha nangni ta changmak nangnia inphut ṭongkahri nan-Pa Rathla khana inphut akahong sik kae.

JOHN 14:16

Ke’n Pa hneng nangni inthōpui ahlop inkhat akadiktak Rathla kha nanka-ompui ṭhak sik a ajōng pekna sik chei kader sik.

JOHN 14:23

Jesu’n amasôn, “Tu achang inum kei inlungset mi khan kaṭong hri ajuia kae. Kapa’n amalungset sik, khana kapa leh kei ahnenga kajōng sik unga kha ama leh ka-omsap sik ung.

JOHN 15:26

“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.

JOHN 16:13

Achang ravâng Pathen chungchânga akadik inlârpa Rathla kha ajōng pha, ama’n akadik rakip a hlam akei sik jo chei. Ama’n abing ratha neina ṭong hrimak ning, tâk aṭong thei kha ahri sik khana ajōng katlung sik kha amanthei sik chei.

JOHN 6:40

Ajârchu Sapa kahmua akataksen rakip in kumsôt hringna anneina sik a kae. Khana a’nchai ning kani khan anmani kahringa kamathōi sik hei.”

CORINTHIANHEI INKHATNA 14:15

Khan chu ke’n heimo katlo sik jo? Karathla vâng kader kha kamalung vâng um kader sik kae; karathla vâng hla kasak kha kamalung vâng um kasak sik kae.

CORINTHIANHEI INKHATNA 2:14

Tu achang inum rathla kaneimak mi’n Pathen Rathla a inphut akajōng kutchoi kha chenthei mak. Khang khava mi’n kutchoi kha inchênna manhret tor mak; anmani sik a ajâr kase kae, ajârchu khava kutchoi pek hnemna kha Rathlating rōk a manhret ṭhentor kae.

CORINTHIANHEI INKHATNA 3:16

Nangni Pathen Bek-inn nanchangna leh nanshunga Pathen Rathla a-om kha nanmanhret khet.

CORINTHIANHEI INKHATNA 6:19

Nantaksa kha nanshunga aka-om Pathen tapek chei Rathla Intheng bek-inn kae ti hi manhret mak chei mo? Nangni nanbing ta changmak jo chei, Pathen ta jo chei kae;

CORINTHIANHEI INHNINA 13:5

Nangni nantaksenna chunga khan akahring chei mo ti jongsōtna sik a, nanbinga in-ensui ruh. Christa kha nanshunga takkhet a aka-om inchên nâk mo? Kha achangmak inchu nantaṭhe hêr jo kae.

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

GALATIANHEI 4:6

Nangni asa nuhngâk leh pase nanchang malârna sik, Pathen in Sapa Rathla kha nimalung shunga ajōng tira, khava rathla khan, “Apa, kapa” tia abek a kae.

EPHESIANHEI 2:22

Pathen in Rathla a a-omna hmun inkhat a ahlop-hei leh nankhenga, ama leh inchunna shunga nangni’m a’nsak jo inn chei kha kae.

EPHESIANHEI 3:17

khan chu taksen jâra nanmalung shunga Christa’n a-inn asakna sik ke’n Pathen kader. Nangni lungsetna khan innhmun nanneia, rajung nanṭhōna sik a kader,

COLOSSIANHEI 1:27

Mi rakip sik a akanei akahao leh akalûr ṭong in-ip hi, amihei tamanhret sik a Pathen ṭōnmantluk kae. Khava ṭong in-ip khachu Christa kha nanshunga ka-om ti kha kae, hivahi Pathen lûrna nanchen sappui sik tina kae.

TIMOTHY INHNINA 1:14

Eini shunga ka-om Rathla Intheng ratha hratna vâng khan akaṭha neinâk ngansena che kha kaṭha inda roh.

JOHN INKHATNA 2:27

Tâk-kha nangni sik a chu Christa’n arathla Intheng kha nanchunga ajōng bun mathlâk jo. Arathla khan nanmalunga a-omlai seng, nan-inthei sik tûte rangei mak. Ajârchu arathla khan heirakip amanthei sik jo chei, khana ama tamanthei chei kha akadik kae, akadik mak changmak. Rathla mantheina chei kha jui una Christa leh inchun a omṭhak ruh.

JOHN INKHATNA 3:24

Tu achang inum Pathen ṭongpek kajui mi kha Pathen leh inchun a ka-oma kae, khana Pathen kha ama leh inchunna shunga ka-oma kae. Khana Pathen tapek me Rathla vâng hin Pathen in eini leh inchun a a-om hi nimanhret a kae.

JOHN INKHATNA 4:4

Tâk-kha kasahei, nangni Pathen ta chei kae, khana sânkathem kadikmak hei kha nantator jo hei kae; ajârchu nanshunga ka-om Rathla khan ralei ta kachang rathlahei kanek a ratha aneichet a kae.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INKHATNA 5:7

Hinahin sâkhi 3 ka-om hei:

ṬONGPHÔNG 2:17

“Khava jâra nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei kha ke’n a’nthup manna kapek sik hei. Khana akachenpa tei loa tûte taman hretmak rahming ther inzet hlungvâr inkhat et um kapeksa sik hei.