JOHN 13:34 - LEKHARABU INTHENG (BSI)

³⁴ Khana tûn ke’n nangni ṭongpek ther kapek chei kae: khat leh khat inlungset ruh. Ajârchu ke’n nangni kalungset chei kapōa, nangni khat leh khat a’nlungset nger sik chei kae.

JOHN 13:34 ပူးပေါင်းရင်းမြစ်များ

HLAHEI 119:63

Nang inzen rakip leh, nadân kajui rakip hei kha kaṭhōnhei kae.

HLAHEI 16:3

Rōngpu’n ataksen mihei kha heituk-hrep a akaṭha jo hei mo! Kei hōinapen khachu anmani leh inthlop sik hi kae.

LEVI-DÂN 19:18

Tu inkhat chunga phu hlōmak ruh khana enkada ṭhak mak ruh, tâk nabinga na’nlungset kapōa nanvenhei lungset ruh. Kei Rōngpu eng kha kae.

LEVI-DÂN 19:34

Nanloi Israel inkhat kapōa razen hei ruh, khana nanbinga nan-inlungset kapōa lungset hei ruh. Nangni’m pha khat a Egypt ram a khōhme aleikachang chei kae mandon ruh. Kei nan-Pathen Rōngpu eng kha kae.

MATTHEW 5:44

Tâk tûn kahri pek chei kae: nakadōihei lungset hei roh khana nakasuk inrim hei sik derpek hei roh,

JOHN 15:17

Khava jâra hivahi kaṭong pek chei kae: khat leh khat inlungset ruh.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

ROMANHEI 12:10

Christa a inkhat leh inkhat sōpui kapōa marittak a inlungset ruh, khana inkhat leh inkhat injatō chetna sik malung manhlut ruh.

ROMANHEI 13:10

Nangni’n tu mo inkhat nanlungset inchu ahnenga ṭhatmak tlohêr mak tin chei. Khava jâra lungset inti hi Dân pumpui juimathlukna kha kae.

ROMANHEI 13:8

Tûte inkhat hneng ṭōnbat neimak ruh, ṭōnbat inkhat rōk nantanei khachu khat leh khat inlungset sik kha kae. Khava katlo mi kha Dân ajui jo kae.

GALATIANHEI 5:22

Tâk-kha rathla kara khachu lungset, inpâk, chamna, dehrat, lumlo, ṭhatna, taksenthei kachang,

GALATIANHEI 5:6

Ajârchu Christa Jesu leh ni’nchunna shunga, vuntan leh tanmak a’n-ang makna om mak jo; lungsetna vâng ṭōn katlosōt taksen rōk kha akakhôk kae.

GALATIANHEI 6:10

Khava jâra pha nineilai hin, injônjet a mi rakip hneng akaṭha kha tlo rih, adek a taksenna shunga, ni-innshung mihei hneng tlodet rih.

GALATIANHEI 6:2

Inkhat leh inkhat rônkahrik inbômtō ruh, khana hing’hin Christa dân kha nantajui sik kae.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

COLOSSIANHEI 1:4

Ajârchu nangni’n Pathen mi rakip nantalungset leh Jesu Christa a nantaksenna kha kantheia kae.

THESSALONIANHEI INKHATNA 3:12

Nangni inkhat leh inkhat chunga leh mi rakip chunga keini’n kanlungsetna chei alen kapōa manlen pek chei rasoh.

THESSALONIANHEI INHNINA 1:3

Sōpuihei, nangni jâra keini’n Pathen kantamanpâk ṭhak sik kae. Ajârchu nangni inkhat et in milak sik a lungsetna nantanei kha kalen chet-chet a, khana nantaksenna kha hingtuk hrep akhangtou jâra Pathen kantamanpâk sik hi akadik kae.

HEBREWHEI 13:1

Christa a sōpui kapōtak a khat leh khat inlungset ṭhak ruh.

JAMES 2:8

Ṭong Inthenga a’nhmu, “Nang nabinga na’nlungset kapōa, nakhō naven lungset roh,” inti Rengram dân hi nangni’n nanjui inchu, akadik kha nantlo sik.

PETER INKHATNA 1:22

Khava jâra tûnchu aṭong nanjui jâra nanbinga insuk intheng jo chei, khana akataksen loihei chunga inthengtak a lungsetna nannei jo; nanmalung pumpuia lumlotak a khat leh khat inlungset jo ruh.

PETER INHNINA 1:7

bek-ôina chunga Christian rangeina; rangeina chunga inlungsetna besa ruh.

JOHN INKHATNA 3:11

A’nphutbia inphut nantaleithei ṭong manrôn kha hi kae: eini khat leh khat a’nlungset sik me kae.

JOHN INKHATNA 3:23

Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

JOHN INKHATNA 4:21

Christa ṭong pek me kha hi kae: Pathen inlungset mi rakip khan asōpui kha’m alungset nger sik kae.

JOHN INHNINA 1:5

Khava jâra marit ka-om nuhmei: eini khat leh khat inlungset rih tia kahei ngek che kae. Hivahi ṭongpek therbing kaheimazet che changmak; a’nphutbia inphut eini’n nileineisa ṭongpek kha kae.