JOHN 12:34 - LEKHARABU INTHENG (BSI)

³⁴ Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

JOHN 12:34 ပူးပေါင်းရင်းမြစ်များ

SAMUEL INHNINA 7:13

Ama kha kei sik a Bek-inn inkhat ahong kasak kachang sik khana areng phung hrui kha ahei tik a kamanjōm pek sik.

HLAHEI 110:4

Rōngpu’n ka-ôrtak a ṭongtepna aleinei khavakha losōt nôk mak jo ning: “Melchizedek thempu khanghruia kumleikōa thempu akachang sik che kae,” ati.

HLAHEI 72:7

Ahringkhō shunga dikna kha khang ṭhak rasoh, khana thla’n avârlai seng nei leh hao pung rasoh.

ISAIAH 53:8

Ama kha anleisur khana ṭong mathlâkna anneia that sik a anleikei, khana achungchânga tûte inkhatbek in leidon mak hei. Ama kha nimipuihei setna jâra anleithat jo.

ISAIAH 9:7

Areng ratha neina kakhang injôn sik; arengrama chamna ka-om ṭhak sik. Ama’n Reng David karōi kahlō inkhat a vai arôn sik, aratha neina kha ṭongdik leh ṭongtak chunga inhnga sik, tuna inphut pha inchai katlunga. Chunghnung Rōngpu’n hiseng hi tlo sik a amandon jo.

DANIEL 2:44

Khava renghei pha shunga marvân Pathen in ahei tik a a’nhmangmak sik rengram inkhat aphunsōt sik. Khavakha tûte’n hlō tor mak hei ning, khava khan rengramhei kha ankhenga asuk manhmang sik hei, khana ahei tik a ka-om ṭhak sik jo.

DANIEL 7:14

Ama kha phung leh jât ṭong rakip in anrazenna sik ama kha ratha neina, kajana khana reng ratha kha anpek jo. Ama ratha neina kha ahei tik a ka-om sik, khana arengram ahei tik a bângmak ning.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

MICAH 4:7

Anmani anke katlek a ram kahlatak a ka-om jo hei, tâk dahlona ka-om hei kha leh hringkhōther manphutna kanei sik, khana anmani jât kalentak hongkachang sik hei. Zion Tlâng chunga ke’n anmani khava pha khana inphut ahei tik a sik vai karôn sik.”

MATTHEW 16:13

Jesu Caesarea Philippia ramṭhenting kase jo, khana khan asonlehei hneng ader hei, “Mihring Sapa kha mihe’n tu mo kae anti?”

MATTHEW 21:10

Jesu Jerusalem ahlut pha, khōpui pumpui shunga rasa kachōr heia, “Ama hi tu mo?” antia mipui inder jo hei.

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

JOHN 10:34

Jesu’n amasôn hei, “Nan-Dân a Pathen tahri, hing’hin inzet: ‘Nangni Pathen chei kae.’

JOHN 12:32

Kei raleichunga inphut kake pha leh, ke’n mi rakip kahnengting kakei manke sik hei.”

JOHN 15:25

An-Dân a aleika-om: ‘Anmani’n ajâr kasea anhōt eng,’ tia ale’nzet hi hui atlungna sik a hivahei hi akasōk nger sik kae.

JOHN 8:28

Khava jâra Jesu’n anhnenga ati, “Nangni’n Mihring Sapa kha nanmakhei manshâng pha leh, ‘Kei hi kei eng kae,’ tia nanmanhret sik eng, khava sōa ke’n kabing ratha neina heite tlomak eng, tâk Pa’n hri sik a amanthei eng rōk kha kahri kae ti hi nanhong manhret sik jo.

ROMANHEI 3:19

Vânhnōi pumpui hi Pathen ṭong tanna thōia a-omtheina sik, khan chu mihring tûte rangei mandam achang makna sik, Dân thōia ka-om mihei chunga khan Dân shunga ka-om rakip kha mantlo sik a arei ti hi eini’n nimanhret.

ROMANHEI 5:18

Khan chu, khava inkhat set jâra mi rakip maset anchang jo kapōa, kha leh in-anghrep a mi inkhat ṭongjui jâra mi katamtak Pathen leh amandiksap sik hei.

HEBREWHEI 7:24

Tâk-kha Jesu khachu ahei tik a kahring ṭhak, khana thempu ṭōn kha milak inkhat kut a pek sōt mak.