JOHN 12:32 - LEKHARABU INTHENG (BSI)

³² Kei raleichunga inphut kake pha leh, ke’n mi rakip kahnengting kakei manke sik hei.”

JOHN 12:32 ပူးပေါင်းရင်းမြစ်များ

SAMUEL INHNINA 18:9

Manhret manloa Absolom in David mi ṭhahrep a’nsuktōpui jo hei. Absolom in shakor muksen inkhat achōnga sasōkung kalentak inkhat hnōia asena thing bâk heia khan alusam a intok a in-ôk inkhei jo. Shakor muksen khachu katlânthang joa Absolom chu chunga inkheia ka-om jo.

HLAHEI HLA 1:4

Kei hi aṭhōi jo roh, tlânsōt jo rih; karengpa kha chang ina na-inn den shunga aṭhōi manhlut jo roh. Eini 2 kahōisap sik me, katluk a ju ni-in sik, khana inlungsetna inlertak a ka-om sik me. Nuhmei rakip in nang anmadu che, inlak sakna sik om mak!

ISAIAH 11:10

David reng hruia inphut rengther inkhat jât-hei sik a mêrchîkna ahong changna sik kani kha kahong. Anmani reng khōpuia intûp sik hei khana ama kajana antapek sik kae.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

HOSEA 11:4

Ke’n lungset leh marit a kahnenga kakei manhlut hei, Ke’n kakadom heia kakabeng leh kasuktō hei; Kei inkun enga kavei mankhop hei.

MIJAHEI 21:9

Khava jâra Moses’n sum-êng mari inkhat lim asyema thingtlōn inkhat a atâr jo. Tu mo inkhat mari’n amachuk jo mi khan a-en inchu akadam sik kae.

JOHN 1:7

ṭong kha mi rakip in antheina sik leh antaksenna sik, vâr chungchânga akahrile sik a ajōngtir kae.

JOHN 12:34

Mipui he’n anmasôn, “Nidân inchu Messiah kha ahei tik a akahring sik a ahri pek me. Kha achang inchu heikhong mo Mihring Sapa kha makheihlona aka-om nger sik kae nati tor? Khava mihring Sapa kha tu mo?”

JOHN 18:32

(Hivahi heikhonga akathi sik mo tia Jesu’n aleihrisōt kha hui atlungna sik a omchen hi akasōk jo kae.)

JOHN 19:17

Jesu’n athingrake akadoma, kasōk a “Lurōk hmun,” inti, (Hebrew ṭonga, “Golgotha,” inti.) katlung jo.

JOHN 3:14

Moses’n ram thōia sum-êng mari kha sungtlōn inkhat chunga aleimakhei manshâng kapōa mihring Sapa kha’m antamakhei sik kae,

JOHN 6:44

Anijōng katir ka-Pa’n kahnenga aheikei manhlut tei loa tûte kahnenga hongtor mak; khana a’nchai ning kani khan kahringa kakei mathōi sik kae.

JOHN 8:28

Khava jâra Jesu’n anhnenga ati, “Nangni’n Mihring Sapa kha nanmakhei manshâng pha leh, ‘Kei hi kei eng kae,’ tia nanmanhret sik eng, khava sōa ke’n kabing ratha neina heite tlomak eng, tâk Pa’n hri sik a amanthei eng rōk kha kahri kae ti hi nanhong manhret sik jo.

GALATIANHEI 3:13

Tâk-kha Dân tarôn sōt hâksêrna kachen kha Christa kachang joa, eini hâksêrna inphut ning leh hnōma Christa khan amasō jo me; ṭong intheng in hinga, “Tu achang inum thinglera a’nkheihlon kha hâksêr kachen kae,” ati.

TIMOTHY INKHATNA 2:6

mi rakip intlensōt sik a abinga a’npek sōt kha kae. Pathen in mi rakip hukmanhring sik hi amadu ti hi aphahrep a manchênna kha kae,

HEBREWHEI 2:9

Tâk-kha Pathen maritna jâra mi rakip sik a athi theina sik a pha bongkhat ngevahei kanek a thōi katla det a aleisyem Jesu khachu nihmu. Ama’n khava thina intak kha aleide jâra kajana leh lûrna khana lenlukhu a’nkhu kha eini’n tûnchu nihmu joa kae.

PETER INKHATNA 2:24

Eini hi setna shunga nithi theina sik khana akadik a nihring theina sik Christa amatak in nisetnahei kha ataksa chunga thingrakea arôn pek me kae. Asungbi rôn vâng khan nangni amandam jo chei kae.

PETER INKHATNA 3:18

Ajârchu, nangni Pathen hneng aṭhōi theina sik chei, mikaṭha inkhat kha mikaṭhamak-hei sik, Christa kha setna jâra aheitik a sik vōi khat kathi jo. Ama taksa a anleithat jo, tâk rathla a manhring jo kae.

JOHN INKHATNA 2:2

Khana niset inthengna kha Christa ama khet kha kachang jo, einihei setna rōk changmak, tâk mi rakip setna kha’m kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.