JOHN 12:27 - LEKHARABU INTHENG (BSI)

²⁷ “Tûnchu kei kamalung inrim jo, heimo kahri sik? Hinga mo kati sik? ‘Apa, hiva pha hi kei chunga ajōng mathlung pek mak roh,’ tia. Tâk-kha hiva khōdeng theina pha akathōk sik jâr pena kei akajōng eng kae.

JOHN 12:27 ပူးပေါင်းရင်းမြစ်များ

HLAHEI 6:3

kataksa pumpui kachâm hêr jo eng; O Rōngpu, kei inthōpui sik kha heituk mo alakasôt sik?

HLAHEI 88:3

Khōdeng theina hingja kachunga a-om jo jâra, thina khan ahnai jo eng.

ISAIAH 38:15

Ke’n heimo kahritor sik? Rōngpu’n hiva atlona chunga hin. Kamalung kana hranghra, jethei mak eng.

ISAIAH 53:3

Keini’n ama kanhnōisea kahlonsōt; ama’n inrengna leh natna ade. Tûte inkhat in a-en bek um enmak hei, ama kha heite aka-emak kapōa heisak mak me.

MATTHEW 11:25

Khava pha khan Jesu’n, “Apa, marvân leh ralei Rōngpu, kamanpâk che, ajârchu mikasing leh mikathemhei hneng naleithup kha akathemmak hei hneng namalâr jo.

MATTHEW 11:26

Kadik, Apa, akasōk sik a namadu kha hi leikae.

MATTHEW 26:42

Vōi khat nôk Jesu kasea avader, “Apa, hiva inrengna kōklei hi kei ta-inmak sik a losōtthei achangmak inchu nang racham kha chang jo rasoh.”

MATTHEW 26:45

Khava sōa sonlehei hneng he’nlea anhnenga, “Tûn katlung châm a’nhnga cheia alakaje chei mo? Enruh! Mihring Sapa kha mikasehei ratha neina thōia pek sōtna sik pha kha hong katlung jo.

LUKE 22:44

Ama’n adehla reia, malung kahlutchet a ader a arathlen thisen rahme kapōa raleichunga jōngkatla jo.

LUKE 22:53

Bek-inna anikatâi nangni leh leika-omsap me, nangni’n sur sik a aleirei mak chei. Tâk-kha khō inthim vairônna pha, tûn hi nangnihei ṭōn tlona pha jo kha kae.”

JOHN 11:41

Anmani’n hlung kha anlosōt jo, khana Jesu’n chungting a-ena, “Apa, kaderna nathei pek eng jâra kamanpâk che.

JOHN 12:23

Jesu’n amasôn hei, “Mihring Sapa khan lûrna kalentak arahlângna sik pha tûn jōng katlung jo.

JOHN 13:21

Jesu’n hiseng ahrisō pha, amalung inrim joa, inphôngtak a “Akadik kha kahri pek chei kae; nangni kâra inkhat in mikut chunga apek sōt sik eng kae,” ati.

JOHN 18:37

Khava jâra Pilate in ama ader, “Khan chu nang reng inkhat che mo?” Jesu’n amasôn, “Nang in kei reng inkhat che nati eng. Hiva akadik inkhat akahri sik jâra kei ajōng inte enga raleichunga akajōng eng kae. Akadik a ka-om seng khan kaṭong anrangei.”

TIMOTHY INKHATNA 1:15

Pui katluk a rahlâng sik leh taksen sik a akadiktak ṭong inhri kha hi kae: Mikaset-hei kahuk inhring sik Jesu Christa kha vânhnōia kajōng. Ankâra akasetpen kha kei eng kae,

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

HEBREWHEI 5:7

Ama thina inphut tu’n mo ahuksōt tor sik, tia Pathen hneng Jesu’n raleichunga ahring lai hmit-rathli pum a ka-ônga angêk a kae. Ama insinsak tak a a’npek sōt achang jâra, Pathen in aderna athei pek jo.