JOHN 11:42 - LEKHARABU INTHENG (BSI)

⁴² Ke’n kaderna rakip nathei pek eng kamanhret, tâk hinna mi ka-om hei hin najōngtir eng kachangna hi antaksen theina sik kader che,” ati.

JOHN 11:42 ပူးပေါင်းရင်းမြစ်များ

MATTHEW 26:53

Kapa hnenga inthōpuina kadertor khana inrangtak a marvân ngeva remi legion 12 kakhe ajōngtir pek sik eng ti hi manhret mak che mo?

JOHN 11:22

Kha achang inum tûn nang in Pathen hnenga nader rakip kha apek sik che ti kamanhret.”

JOHN 11:31

Mary inna lungmōng kathlâk a ka-om mihe’n Mary akangirsōt a inrangtak a asesōt kha anhmu pha akahnung anleijui. Ajârchu anmani’n Mary kha thlâna akasea avakaṭap sik tia anleimandon.

JOHN 11:43

Ama’n hi ahrisōa rasa inhnaktak a a-ôna, “Lazarus heisōk roh,” ati.

JOHN 12:11

ajârchu Jehudi katamtak in Lazarus jâra anhlam kakeihei kha andahlon jo heia Jesu kha antaksen joa kae.

JOHN 12:17

Jesu’n thlânna inphut abeksōt a thina inphut amathōlai Jesu hnenga aka-om mipuihei khan omchen kasōk kha anvahri manthang joa kae.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

JOHN 17:25

Nunchen kadik Apa! Vânhnōi ralei in nang manhret mak hei che, tâk ke’nchu kamanhret che, khana anmani’num nang in najōngtir eng hi anmanhret.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 20:31

Khana nangni’n Jesu hi Messiah, Pathen Sapa kae ti nantaksen theina sik, khana ama nantaksenna vâng khana hringna nanneitheina sik hivahei hi a’nzet hei kae.

JOHN 3:17

Ajârchu Pathen in ralei ṭong katan sik a asapa ajōngtir changmak; tâk akahuk inhring sik a ajōngtir kae.

JOHN 8:16

Tâk-kha ke’n ṭong katan inchu kaṭong tan akadik sik kae, ajârchu kabinga ṭongkatan changmak; anijōng katir Pa kha leh kantatan kae.

JOHN 8:29

Khana anijōng katirpa khan a’nṭhōipui eng, kabinga amasō mak, ajârchu ke’n amalung tlaina aheitik a katlo ṭhak a kae.”

JOHN 8:42

Jesu’n anhnenga ahri, “Takkhet a Pathen kha nanpa achang inchu, kei nanlungset sik eng, ajârchu kei Pathen hnenga inphut a kajōng enga tûnhin ka-om eng. Kei kabing rachama akajōng eng changmak, tâk ama’n ajōngtir eng kae.

ROMANHEI 8:3

Ralei mihring hi angaia atlâksam jâra, Dân in atlo tor mak kha Pathen in atlo jo. Setna kator sik a, set kasip mihring ngai kapōa kajōng, Asapa khet kha ajōngtir, mihring ngai shunga setna kha maset apek jo.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.

HEBREWHEI 5:7

Ama thina inphut tu’n mo ahuksōt tor sik, tia Pathen hneng Jesu’n raleichunga ahring lai hmit-rathli pum a ka-ônga angêk a kae. Ama insinsak tak a a’npek sōt achang jâra, Pathen in aderna athei pek jo.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

JOHN INKHATNA 4:14

Khana Pa khan asapa kha vânhnōi kahuk inhring sik a ajōngtir kha eini’n nihmu jo khana milak-hei nihri pek heia kae.