JOHN 11:4 - LEKHARABU INTHENG (BSI)

⁴ Jesu’n kha athei pha, “Hiva natna hin Lazarus kha akathi sik changmak; Pathen lûrna sik a akana kae; ama akathi sik changmak; hinna inphut Pathen Sapa khan lûrna achen sik kae,” ati.

JOHN 11:4 ပူးပေါင်းရင်းမြစ်များ

SŌKSŌT 16:7

Ajîng jîngkâra Rōngpu a-omna vâr kadi rik-rak kha nanhmu sik. Nanhri masetna hei kha atheisō, kadik, ama chunga kae, ajârchu keini’n ama ṭongpek rōk kanhei tlosōt a kae,” ati.

JOHN 10:38

Ke’n aṭōn kha katloa nantaksen mak enga achang inum, Pa kha keia ka-om, kei hi Pa a ka-om eng ti hi nanmanhret thangna sik kaṭōntlo bek khachu taksen ruh.”

JOHN 11:40

Jesu’n amanu hneng, “Nang in nataksen inchu, Pathen lûrna kha nahmu sik timak che eng mo?” ati.

JOHN 12:28

Apa, narahming jōng manlûr roh!” Khava pha marvâna inphut rasa inkhat in, “Ke’n kamanlûr jo, khana ke’n khang’khan kamanlûr nôk sik,” ajōng tia kae.

JOHN 17:1

Jesu’n hi ahrisō pha, marvânting a-enna ati, “Apa, pha hi jōng katlung jo, Sapa’n nang amanlûr theina sik che, Sapa kha manlûr jo roh.

JOHN 17:10

Kanei rakip hi nangta hei kae; khana nanei rakip kha keita hei kae; khana anmania inphut kalûrna hi a’nlâr kae.

JOHN 17:5

Apa, ralei insyem mak hma nang leh inṭhōia lûrna nilei neisap kha leh in-anghrep a, tûn nahmai kunga lûrna kha apek jo roh.

JOHN 2:11

Hiva ṭōn-inlak hma inkeipen hi Jesu’n Galilee ram a Cana khōa atlosōt a kae; khana khan alûrna aphônga, asonle he’n antaksen jo.

JOHN 5:23

Khava jâra mi rakip in Pa antakaja kapōa Sapa kha antakaja sik kae. Tu achang inum Sapa injamak mi khan, ajōng katir a-Pa kha akaja mak kae.

JOHN 8:54

Jesu’n amasôn hei, “Kei kabinga a’nlûrsak kachang inchu, kabing inlûrsakna kha heite emak. Nan-Pathen kae nantati kapa amatak khan amanlûr eng kae.

JOHN 9:24

Ahmit aleikachoa akavâr jo mipa kha vōi 2 tlukna anbek male nôk a, ahnenga, “Pathen hmaikunga intep ina akadik kha hri roh! Khava mipa kha mikase ti keini’n kanmanhret,” anti.

JOHN 9:3

Jesu’n amasôn hei, “Ama hmitkacho hi ama set jâra a-emak leh anu-apa set jâra heite changmak. Pathen ratha hratna kha ama chunga hin ṭōna hmuthei achangna sik a ahmit akacho kae.

ROMANHEI 11:11

Khava sōa ke’n kader: Jehudihei an-inpai inthlûk pha, inhmangna shunga akatla inhlut thang jo hei mo? Kha changmak! Anmani setna antlo jâra, Jât-hlop hei hneng hukmanhringna kha kajōng jo, khavakha Jehudihei thangsetna sik a kae.

PHILIPPIANHEI 1:11

Pathen lûrna leh choi manshângna sik a, Jesu Christa rōk in ahei choisōt kadiktak a akaṭha tlotheina khan nanhringkhō kha kasip phet sik jo.

PHILIPPIANHEI 1:20

Kathi’num kahring inum, kahringkhōa inphut hin Christa kha kajana achang theina sik kalungria kamadu leh ka’nhōrna kha hi kae, khachu, kaṭōntlo hi kabânsam mak sik, pha rakip a, tûnlaitak hin, inngamna kasip phet kanei sik hi kamadua kae.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

PETER INKHATNA 4:11

Tu achang inum ṭong kahrile khan Pathen ṭong kha ahrile sik kae; mi inzen kha’num Pathen tapek aratha neina dungjuia arazen sik kae, khavakha heirakip chunga Jesu Christa jâra Pathen kha manpâk a a-omtheina sik a kae, lûrna leh ratha hratna ahei tik a Christa ta kae. Amen.

PETER INKHATNA 4:14

Nangni inzakna anpek chei pha inpâk ruh, ajârchu Christa kahnung kajui chei kae; hivahi nanchunga Pathen Rathla, lûrna Rathla kha nanchunga inhnga tina kae.