JOHN 11:19 - LEKHARABU INTHENG (BSI)

¹⁹ khana Judea mi katamtak Mary leh Martha hneng ansōpuipa thi jâra lungmōng kathlâk sik a kahong hei.

JOHN 11:19 ပူးပေါင်းရင်းမြစ်များ

A’NPHUTNA 37:35

Asapahei leh asanu rakip lungmōng kathlâk sik a kahong hei, tâk ama’n lungmōng thlâkna kha leihnōm mak a, “Kei chu kasapa ṭajai sui pum a kathiram akase sik eng kae,” ati. Khang’khan asapa jâi adeṭhak a leika-om.

SAMUEL INHNINA 10:2

Rn David in ati, “Apa Nahash in aleitlo kapō enga, asapa Hanun chunga ṭhōn maritna kanei sik.” Khava jâra David in ṭongkarôn mi atir heia alungsetna amalâra kae. Anmani Ammon khō antlung jo pha,

THUHMINGHEI INKHATNA 10:12

Inngamna kaneitak mihei kase heia Saul leh asapahei kalōng anvajonga Jabesh a anheichoi hei. Anmani kha sasōkung thōia anvûm heia ni 7 buhngōina anneia kae.

JOB LEKHARABU 2:11

Job ṭhōn 3 hei kha Teman khōpuia inphut Eliphaz, Shuah ram a inphut Bildad, khana Naamah ram a inphut Zophar hei hi kae. Job in khangtuk hrep a khōdeng athei jo kha anthei pha, anmani khan ahnenga vasea lungmōng thlâk sik a intluk jo hei.

JOB LEKHARABU 42:11

Job sōpui pase leh nuhmeihei khana aṭhōn marō hei seng kahong heia anhong phâk jo khana a-inna rehōi sâktlâng antlo joa kae. Anmani’n ama chunga inreng khōdeng theinahei seng Rōngpu’n alei mathlungna jâra anmalung natna ṭong leh lungmōng thlâkna anleihri pek a kae. Anmani inkhat et in ahnenga sêr ṭhahrep leh sana kutkhi anleipek a kae.

MI INTHEIPA 7:2

Reveina inna se kanek a kathi inna se kaṭha jôk, ajârchu akahring he’n ankhenga thina’n ahngâk hei ti hi anbinga mandonna anneia kae.

ISAIAH 51:19

Inhmangna kop hni nachunga katla jo: naram kha re’n achōn rachi jo, khana namihei vonṭâm ande jo. Nahnenga lungset inlâr sik tûte om mak jo hei.

ṬAJAISUINA 1:16

“Khava jâra kahmit a hmit-rathli kasiptak kalōnga kae. Tûte’num amathlem tor mak hei; tûte’num lungngam apektor mak hei. Ka-inrepui he’n kei antor jo eng; kami om hêrmak jo hei.

ṬAJAISUINA 1:2

Jân kathang ṭajai asui; akabeng heia ahmit rathli kalōng. Hmalaia aṭhōn rakip hei kâra, inkhatbek in amanu mathlem mak. amanu inthloppui he’n ama anhōn jo khana tunchu ankhenga ama andōi jo.

ṬAJAISUINA 1:21

“Kei inkōina hi arangei pek roh; lungngamna anikapek sik tûte om mak. Nang in kachunga inrengna napek eng jâra ka-inrepui hei inpâk hei. Naṭong tepna kani kha heimatlung roh; kei kapōa khōdeng manthei hei roh.

ṬAJAISUINA 1:9

Amanu intheng makna kha kabeitak a inhmusōt, tâk-kha avâng setna kha heitea donmak a kae. Ama tlâksukna hi ṭit ka-omhêr; tute’num ama bômtor mak. Aka-en kada he’n antor jo, khana Rōngpu hneng inthōpuina sik ka-ônga kae.

ṬAJAISUINA 2:13

O Jerusalem, lungset Jerusalem, ke’n heimo kahritor aka-om? Heikhonga mo lungmōng kathlâktor sik che? Hiva kapōa tûte inkhat khōdengthei lade mak Nang châmna hichu tui-ôngpui kapō abângna kase kae; hinahin inhōrna thei om mak jo.

LUKE 10:39

Martha nainu arahming Mary inti leika-om, ama’n Rōngpu kehmatak a in-onga aman theina kha aleirangei.

LUKE 10:42

tâk madu rangeipen inkhat ka-om. Mary in akadik kha akadeisōt jo, ama a inphut inlosōt mak jo ning.”

JOHN 1:19

Jerusalema ka-om Jehudi vaikarôn he’n, “Nang tu che mo?” tia ṭong akader sik a Thempuhei leh Levihei anleitir hei.

JOHN 11:1

Bethany khōa pase inkhat arahming Lazarus intipa kha leikana a kae. Bethany hi Martha khana asōpuinu Mary omna khōpui kae.

JOHN 11:31

Mary inna lungmōng kathlâk a ka-om mihe’n Mary akangirsōt a inrangtak a asesōt kha anhmu pha akahnung anleijui. Ajârchu anmani’n Mary kha thlâna akasea avakaṭap sik tia anleimandon.

JOHN 11:33

Jesu’n amanu kaṭap leh ahe’nṭhōipui mihei kaṭap kha’m aleihmu hei, amalung atônna, inphuhronga kae.

JOHN 11:36

Mihe’n, “Enruh ama heituk a alungset mo!” anti.

JOHN 11:45

Mary hneng akahong mi katamtak he’n Jesu ṭōntlo kha anhmu pha, ama antaksen jo.

JOHN 11:8

Sonlehei khan anmasôn, “Oja, mihe’n denghlon sik a anreina che lasôt loa, sonting se nôk sik a a’ntluk che mo?”

ROMANHEI 12:15

A’npâk hei kha inpâkpui hei ruh, akaṭap hei kha ṭappui hei ruh.

CORINTHIANHEI INHNINA 1:4

Ama’n kankhōdeng theina rakip a a’nthōpui ung, khana khava inthōpuina Pathena inphut kantachen kha keini’n kanhmanga, heirakip a inrim khōdeng katheihei kha kan-inthōpuitor heia kae.

THESSALONIANHEI INKHATNA 4:18

Khava jâra hiva ṭong vâng hin nangni inkhat leh inkhat mathokna inpek ruh.

THESSALONIANHEI INKHATNA 5:11

Khava jâra nangni tûntak a nanṭōn tlo kapōa, khat leh khat inbômtō una, malung inthok tō ruh.

SAMUEL INKHATNA 31:13

Anruhei kha anchom mantûp a khōa Tamarisk thingkung thōia anvûm, khana ni 7 thlai anhngōia kae.