JOHN 10:36 - LEKHARABU INTHENG (BSI)

³⁶ Pa khan kei akadei enga raleichunga ajōngtir eng kae. Ke’n Pathen Sapa eng kae kati jâra Pathen hnōi nase heikhong mo nantati eng?

JOHN 10:36 ပူးပေါင်းရင်းမြစ်များ

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

ISAIAH 42:1

Rōngpu’n ati, “Ke’n kamanhrat kasōkpa kha hin ka-om– achunga malung tlaina kanei, ke’n kakadei jo inkhat kha kae. Ama kha karathla vânga kamansip, khana ama’n jât rakip hnenga akadik kha arôn sōt sik.

ISAIAH 42:3

Ama’n peng inhrop inkun kha dortan mak ning. khana thaihmei kathi de-de kha sêmthat mak ning. Ama’n mi rakip hneng aka-om ṭhak sik ṭongdik kha ahong rôn sōt sik.

ISAIAH 55:4

Ke’n ama kha jât-hei hlamkakei leh ṭong kapek inkhat a kasyem kae, khana ama a inphut ke’n anhnenga karatha neina kamalâra kae.

JEREMIAH 1:5

“Hringkhō kapek mak hma che khan ke’n kakadei jo che kae, khana na-intet mak hma khan jât rakip sik a sânkathem inkhat a kakadei jo che kae.”

MATTHEW 27:43

Ama’n Pathen ataksen khana Pathen sapa eng kae atia kae. Kaṭha jo, en jo rih, Pathen in ahuk hnōm sik mo!”

MATTHEW 27:54

Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.

LUKE 1:35

Ngeva khan amasôn, “Rathla Intheng nachunga kajōng sik khana Pathen ratha hratna nachunga jōng inhnga sik a kae.

JOHN 10:35

Ṭong intheng tahri khachu ahei tik a kadik ṭhak ti eini’n nimanhret; khana aṭong intheng karônhei kha Pathen in pathenhei atia kae.

JOHN 17:18

Nang in kei raleichunga najōngtir eng kapōa, ke’n anmani vânhnōi raleichunga katir jo hei.

JOHN 17:21

Anmani ankhenga pumkhat anchangna sik a kader che. O, Apa, nanga kei ka-om enga, keia nang na-om kapōa anmani einia pumkhat a an-oma, nang in najōngtir eng hi vânhnōi in anmanhretna sik a kader che.

JOHN 17:8

Ajârchu nang in napek eng ṭongpui kha ke’n anmani kapek heia, anrahlâng jo; nang in najōngtir enga nanga inphut kei kajōngna ṭong hi kadik tia anmanhret jo.

JOHN 19:7

Mipui he’n anmasôn male, “Keini’n dân inkhat kannei, khava jâra ama akathi nger sik kae, ajârchu ama abinga Pathen Sapa eng kae ati.”

JOHN 20:28

Thomas in “Ka-Rōngpu leh Ka-Pathen!” tia amasôn.

JOHN 20:31

Khana nangni’n Jesu hi Messiah, Pathen Sapa kae ti nantaksen theina sik, khana ama nantaksenna vâng khana hringna nanneitheina sik hivahei hi a’nzet hei kae.

JOHN 3:17

Ajârchu Pathen in ralei ṭong katan sik a asapa ajōngtir changmak; tâk akahuk inhring sik a ajōngtir kae.

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

JOHN 5:30

“Ke’n kabing rōk rachama heite tlotor mak eng; Pathen tamanthei eng dungjuia ke’n ṭong katan. Khava jâra kaṭong tan kadik, ajârchu ke’n kamadu kha tlo sik reimak eng, tâk anijōng katirpa tamadu rōk kha katloa kae.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 6:38

ajârchu kei anijōng katirpa lungdo katlo sik a marvâna inphut kei akajōng eng kae; kalungdo katlo sik a akajōng changmak eng.

JOHN 6:57

Akahring ṭhak Pa khan ajōngtir eng, khana kei um ama jâra akahring eng kae. Khava kapōa khan tu achang inum kei anikasâk mi kha kei jâra kahring sik.

JOHN 6:69

Khana tûn nang Pathena inphut akahong a’ntheng inkhat nachang kanmanhret a kantaksen che.”

JOHN 8:42

Jesu’n anhnenga ahri, “Takkhet a Pathen kha nanpa achang inchu, kei nanlungset sik eng, ajârchu kei Pathen hnenga inphut a kajōng enga tûnhin ka-om eng. Kei kabing rachama akajōng eng changmak, tâk ama’n ajōngtir eng kae.

ROMANHEI 1:4

khana a’ntheng Rathla achangna dungjuia thina inphut keimathōina leh Pathen Sapa achangna kha ratha kahrattak a amalâr jo.

ROMANHEI 8:3

Ralei mihring hi angaia atlâksam jâra, Dân in atlo tor mak kha Pathen in atlo jo. Setna kator sik a, set kasip mihring ngai kapōa kajōng, Asapa khet kha ajōngtir, mihring ngai shunga setna kha maset apek jo.

ROMANHEI 9:5

anmani hi rahming inthang pusōn heia ajōng kakōn hei kae; khan chu Christa kha mihring inkhat a anmani phung kae. Heirakip chunga vaikarôn Pathen kha ahei tik a choi ka-âna om rasoh! Amen.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.