JOHN 10:31 - LEKHARABU INTHENG (BSI)

³¹ Khava sōa ama denghlonna sik a mipui he’n hlung anleihrut nôk a kae.

JOHN 10:31 ပူးပေါင်းရင်းမြစ်များ

SŌKSŌT 17:4

Moses’n malung kana tak a Rōngpu hneng derna aneia, “Hiva mipuihei hi heimo kamanlo sik jo hei? Anmani’n kei hlung vâng denghlon sik a intluk jo hei,” ati.

MATTHEW 12:14

Khava sōa Phariseehei kasesōt jo hei khana Jesu thatna sik ṭōn anmantluk jo.

MATTHEW 21:35

Rahōn kasânhei khan asōk-hei kha anleisur hei, inkhat anvōk a, inkhat anthat a, khana alak inkhat kha hlung vâng andenga kae.

MATTHEW 23:35

Khava tloman chu, ṭhenakase rakip nanthat hei jâra karâkna kha nanchunga akatlung sik kae, ṭhenakase Abel a inphut Berachiah sapa Zacheriah katlunga maichâm leh hmun intheng kâra nanthat hei.

JOHN 1:19

Jerusalema ka-om Jehudi vaikarôn he’n, “Nang tu che mo?” tia ṭong akader sik a Thempuhei leh Levihei anleitir hei.

JOHN 10:24

khava pha mihei ahnenga hong intûp heia, “Heituk kasôt mo kanmalung namankei chio sik? Nang Messiah che mo, inthengtak a amanthei roh?” anti.

JOHN 10:32

Jesu’n anhnenga, “Ke’n tlo sik a Pa tapek eng ṭōn kaṭha hingja nanhmai kunga katlo jo; khava jâr pena mo denghlon sik a nantarei eng?” ati hei.

JOHN 11:8

Sonlehei khan anmasôn, “Oja, mihe’n denghlon sik a anreina che lasôt loa, sonting se nôk sik a a’ntluk che mo?”

JOHN 5:18

Hi ahria hin Jehudi he’n ama alerchet a anthat hnōma kae; ajârchu ama’n Châmhngat kani dân rōk kha asukkhōi changloa Pathen kha apa amanchanga, Pathen leh ama in-anga ahri jâra kae.

JOHN 8:59

Khava sōa anmani’n adengna sik hlunghei anleihrut; tâk Jesu abinga inthup a Bek-inn adahlon jo.

ṬŌNTLOHEI 7:52

Sânkathem inkhatbek nanpi leh nanpuhei tasuk manrim mak aleika-om hei mo? Amak hma pek a Asōk kadik ajōng sik aleikaphông, Pathen ṭongkarônhei kha anleithat hei. Khana tûn nangni’n ama khet kha nanpek sōt a nanleithat a kae.

SAMUEL INKHATNA 30:6

David kha amalung inrim hêr jo, ajârchu amihei kha ansahei inhmang jâra khan ama anhōt jo, khana hlung vânga denghlon sik a anmaṭhit jo; tâk Rōngpu apathen in mathokna apek a kae.