JOHN 10:3 - LEKHARABU INTHENG (BSI)

³ Kekot kahngâkpa khan ama sik kot kha amahlâng pek; ama’n akemōnghei kha anrahminga abek hei pha arasa kha akemōnghei khan anmanhret, khana ama’n aṭhōisōt hei.

JOHN 10:3 ပူးပေါင်းရင်းမြစ်များ

HLAHEI 80:1

Eh Israelhei Kakhempa, arangei roh; kemōng rup hlamkakeipa, athei pek roh. Mathla kanei ranhringhei chunga, nalen in-ongna chunga a’n-ongpa,

SŌKSŌT 33:17

Rōngpu’n Moses hneng ahri, “Naderna kapōa ke’n katlo pek sik che, ajârchu ke’n nang kaṭhatak a kamanhret che khana nachunga kamalung katlâi.”

ṬONGCHÎK-HEI 27:23

Nator chenna nakemōng leh nake kha ching kaṭhahei roh.

HLAHEI HLA 8:13

Kalungdinu, rahōn shunga inphut narasa kha amanthei roh; kaloi kare he’n narasa kha rangei sik a anhngâk hla.

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

JOHN 10:14

Kei kemōng kakhem kaṭha eng kha kae. Ke’n Pa kamanhret a, Pa’n kei amanhret eng kapōa, ke’n kakemōnghei kamanhret hei khana kakemōng he’n kei ani manhret. Khana kei anmani sik a kathi ngam eng.

JOHN 10:16

Hiva kemōng rōng shunga teilo kemōnglak um kalanei hei; anmani’m kavaṭhōi manhlutsa nger sik hei; anmani’n karasa anmanhret sik a kha kahong sik hei, kemōng kakhem inkhat thōia kemōng rup inkhat kachang sik hei.

JOHN 10:4

Ama’n aheiṭhōisōt hei pha, anhma akeia akemōng he’n akahnung anjui, ajârchu anmani’n arasa anmanhret.

JOHN 10:9

Kei kot eng kha kae. Tu achang inum keia kahlut mi kha hukmanhring kachang sik; khana kahlut kasōk sik heia kha kahar dôngna hmun anhmu sik.

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

JOHN 6:45

Sânkathem he’n hing’hin anleimazet, ‘Pathen in mi rakip amanthei sik.’ Tu achang inum Pa hnenga inphut aṭong kathei leh a’nchû mi kha kahnenga kahong.

ROMANHEI 8:30

Khana Pathen in ahlop a adasōt hei kha abek hei; ama’n abek hei kha, ama leh inṭhōia kadik a adasap hei; khana alûrna kha anmani achanpui sap hei.

CORINTHIANHEI INKHATNA 16:9

Hiva hmun a hin anikadōi antam inum ṭōn kalen leh rahōi kasōk tlona sik hi kot inhlânga kae.

PHILIPPIANHEI 4:3

Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

COLOSSIANHEI 4:3

Kha leh inṭhōia Christa chungchânga a’n-ip ṭong kha hritheina sik pha kaṭha Pathen in apekna sik ung keini sik aderpek ruh. Ajârchu khava sik a kei tûn kurkhum a aka-om eng kae.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INTHUMNA 1:14

Inrangtak a nangni leh inhmubei sik me tia inhōr eng, khava pha leh taksakhet a inbektō sik jo me.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 3:20

Rangei roh! Kei kot kunga kangir enga kot karaki; karasa katheia kot inhlâng mi inkhat a-om inchu, kei a-inna kahlut sik enga kha ama leh kasâksap sik, ama’n kei leh asâksap sik a kae.

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”