JOHN 10:16 - LEKHARABU INTHENG (BSI)

¹⁶ Hiva kemōng rōng shunga teilo kemōnglak um kalanei hei; anmani’m kavaṭhōi manhlutsa nger sik hei; anmani’n karasa anmanhret sik a kha kahong sik hei, kemōng kakhem inkhat thōia kemōng rup inkhat kachang sik hei.

JOHN 10:16 ပူးပေါင်းရင်းမြစ်များ

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 86:9

Naleisyem jât rakip hei kha kahong sik hei khana nahnenga hong-inkun sik hei; nalenna kha anchoi ka-ân sik jo.

MI INTHEIPA 12:11

Mikasing ṭonghri hei hi, kemōng kakhempa kemōng khemna khōnghre kangei kapō kae, khana ṭongchîk chom mantûp hei hi kahnettak a hem mankop jôtpi kapō kae. Eini nikhenga ni-Kakhempa inkhat kha, anmani hnenga Pathen in apek jo hei.

ISAIAH 11:10

David reng hruia inphut rengther inkhat jât-hei sik a mêrchîkna ahong changna sik kani kha kahong. Anmani reng khōpuia intûp sik hei khana ama kajana antapek sik kae.

ISAIAH 43:6

Anmani anhei manhongna sik a ke’n sak intong hneng kahri sik khana kamihei ankhâm makna sik thlâng hnenga kahri sik. Ram kahlatak heia inphut kamihei he’nle hei rasoh, ralei rakir rakip a inphut he’nle hei rasoh.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 56:8

Hnongsōt a aka-om ami Israelhei inna anhei kaṭhōi inlepa, Chunghnung Rōngpu’n mi ralak he’m anmani leh a’nchun sik a alaheiṭhōi sik hei tia ahri.

EZEKIEL 34:12

Kemōng kakhem hin ankemōng an-ensui heia a’nchek hei kha amantûp nôk hei kapōa katlo sik. Khava inthimna leh inrengna anlei inchai kathek hmun heia inphut kaheiṭhōi male sik hei.

EZEKIEL 34:23

Ke’n kasōkpa David kapō anmani kemōng kakhem sik a reng inkhat kapek sik hei, ama’n a-ensui sik hei.

EZEKIEL 34:6

Khava jâra kakemōnghei kha tlâng leh bung inshânga kalôn lele jo hei. Raleichunga inchai katheksō jo hei, tûte inkhat in jongmak hei, ajongna sik a’m tlomak hei.

EZEKIEL 37:22

Ke’n anmani kha ram shunga, Israel tlâng chunga inpunkhôma kada sik hei. Reng inkhat rōk annei sik jo. Anmani jât inhnia a-emak leh ram inhnia inṭhen mak jo hei ning.

EZEKIEL 37:24

Kasōkpa David kapō inkhat in anreng kachang sik. Anmani vaikarôn inkhat thōia inchun sik jo hei khana taksentak a kaṭong anjui sik jo.

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

MATTHEW 17:5

Khang’khan ama aṭonglai khan sumtuk kabang hlom inkhat in amakhusi heia khana sumtuk kâra rasa inkhat in, “Ama hi Kasapa marit kae, achunga kamalung katlai, aṭong hri rangei ruh,” ajōng tia kae.

LUKE 15:8

“Nuhmei inkhat in dangka 10 aneia dangka inkhat amanhmang inchu, amanu’n heimo atlo? Ama’n thaihmei adet a, a-innshung aphetpet a ahmu mak kârseng kaṭhadek a ajonga kae.

JOHN 10:11

“Kemōnghei sik akathi ngam, kemōng kakhem kaṭha kha kei eng kae.

JOHN 10:2

Kot a kahlut mi kha kemōnghei kakhempa kha kae.

JOHN 10:27

Kakemōng he’n karasa anmanhret, ke’n anmani kamanhret hei, khana anmani’n anijui.

JOHN 10:3

Kekot kahngâkpa khan ama sik kot kha amahlâng pek; ama’n akemōnghei kha anrahminga abek hei pha arasa kha akemōnghei khan anmanhret, khana ama’n aṭhōisōt hei.

JOHN 10:4

Ama’n aheiṭhōisōt hei pha, anhma akeia akemōng he’n akahnung anjui, ajârchu anmani’n arasa anmanhret.

JOHN 10:5

Kemōnghei khan mihlop inkhat kahnung juimak hei ning; jui kanek a, arasa anthei phungmak jâra, ama inphut katlânsōt sik hei.”

JOHN 11:52

Khana anmani sik rōk changloa, Pathen sahei seng inthek inchaia ka-om hei kha taksa pumkhat a ṭhōi manchuna sik um kae. 3

JOHN 17:20

“Anmani sik rōk a kader changmak tâk anṭonghri katheia kei kataksenhei sik a’m kadersa kae.

JOHN 6:37

Kapa’n apek eng hei seng kahnenga kahong sik hei. Kahnenga akahong mi kha tu achang innum ke’n hnongsōt hêrmak ning,

ṬŌNTLOHEI 15:14

Ama ta kachang sik mihei kha ankâra inphut alosōt heia, heituk-hrep mo Pathen in Jât-hlop hei kha amankhôk sak hei ti kha tuna khan Simon in ahri manchên jo.

ṬŌNTLOHEI 18:10

ajârchu ke’n ka-ompui che. Tûte’n nang sukset tor mak hei tin, ajârchu hiva khōpuia hin kami hingja ka-om hei.”

ṬŌNTLOHEI 22:14

Ama’n, ‘Nipusōnhei Pathen khan alungdo inhret sik a, akadik Asōkpa akahmu sik a leh akaresōkhet a aṭong hri kathei sik a akadeisōt jo che kae.

ROMANHEI 11:25

Kasōpuihei, nangni’n nantamanhret sik a kamadu akadik a’n-ip inkhat ka-om, ajârchu khava khan nan-insingsakna khana inphut ahrung sik chei. Khachu hi kae: Israel mihei malung kasak kha akasakthang sik changmak; tâk Pathen hneng Jât-hlop hei kakip a anhonghlut sō mak kârseng rōk sik kha kae.

THESSALONIANHEI INHNINA 2:13

Rōngpu talungset sōpuihei, nangni jâra keini’n ahei tik a, Pathen kantamanpâk ṭhak sik kasōk. Ajârchu nangni’n akadik kha nantaksen jâra Rathla rathahrat vâng Pathen in ama mi intheng amanchangna sik chei hma inkeia hukmanhring sik a akadei jo chei kae.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

PETER INKHATNA 2:10

Pha khat a nangni Pathen mi leichang mak chei, tâk tûnchu ami kachang jo chei; pha khat a nangni Pathen maritna leimanhret mak chei, tâk tûnchu amaritna chei kha nanchen joa kae.

PETER INKHATNA 2:25

Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.

ṬONGPHÔNG 3:20

Rangei roh! Kei kot kunga kangir enga kot karaki; karasa katheia kot inhlâng mi inkhat a-om inchu, kei a-inna kahlut sik enga kha ama leh kasâksap sik, ama’n kei leh asâksap sik a kae.