JOHN 10:11 - LEKHARABU INTHENG (BSI)

¹¹ “Kemōnghei sik akathi ngam, kemōng kakhem kaṭha kha kei eng kae.

JOHN 10:11 ပူးပေါင်းရင်းမြစ်များ

SAMUEL INHNINA 24:17

David in mikathat ngeva kha ahmu, khana Rōngpu hneng ati, “Kei akaṭhe eng kha kae. Akadik mak katlo kha kei eng kae. Hiva misarahei hin heimo antatloa? Kei leh ka-innshung jôk nakarâk sik ung kae.”

HLAHEI 23:1

Rōngpu kha kakakhempa kae; ke’n karangei rakip kahmu.

HLAHEI 80:1

Eh Israelhei Kakhempa, arangei roh; kemōng rup hlamkakeipa, athei pek roh. Mathla kanei ranhringhei chunga, nalen in-ongna chunga a’n-ongpa,

ISAIAH 40:11

Ama’n kemōng kakhem kapōa akemōnghei kha a-en kaṭha sik hei; Ama’n kemōnghei kha akhôm manchun sik hei khana abân vâng akadom sik hei; malung innemtak a anpui hei kha hlam akei sik hei.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

EZEKIEL 34:2

Ama’n ati, “Akathithei mihring, Israel hlamkakeihei dōina ṭonghri roh. Anhnenga ṭongsân hri roh, Chunghnung Rōngpu ke’n anhnenga kahri hi manthei hei roh: nangni inhmang jo chei, Israel kemōng kakhem nangni! Nanbinga in-en kaṭha chei, kemōnghei chu khemmak chei.

EZEKIEL 34:23

Ke’n kasōkpa David kapō anmani kemōng kakhem sik a reng inkhat kapek sik hei, ama’n a-ensui sik hei.

EZEKIEL 37:24

Kasōkpa David kapō inkhat in anreng kachang sik. Anmani vaikarôn inkhat thōia inchun sik jo hei khana taksentak a kaṭong anjui sik jo.

MICAH 5:4

Ama ahong phatak leh, Rōngpu leh Rōngpu Pathen ama khet a alûrna inphut ratha hratna akajōng khan ama’n amihei vai arôn sik kae. Ama mihei kamōng tak a ka-om sik hei, ajârchu raleichung pumpuia mihe’n ama lenna anhnōm sik a kae,

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MATTHEW 20:28

Mihring Sapa kapōa, mi tarazen sik a changloa, mi inzen sik jôk leh mi katamtak intlensōt sik a ahringkhō kapea akajōng kapōa khan atlo sik kae.”

JOHN 10:2

Kot a kahlut mi kha kemōnghei kakhempa kha kae.

JOHN 15:13

Mi inkhat in aṭhōnhei sik lungsetna kalenpen anei tor khachu, anmani sik ahringkhō aphesōt kha kae.

EPHESIANHEI 5:2

Christa khan eini alungset mea, Pathen malung tlaina marim katui tōkna leh inthoina inkhat kachanga ama abinga eini sik jâra anpek sōt kapōa nangni um lungset in ching chei rasoh.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.

JOHN INKHATNA 3:16

Lungset hi heimo kae ti nimanhretna khachu: Christa khan ahringkhō eini sik apek sōt hi kae. Khava jâra eini’m nisōpuihei sik a nihringkhō nipek sōt sik kasōk!

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”