JOHN 1:51 - LEKHARABU INTHENG (BSI)

⁵¹ Khana ama’n anhnenga ati, “Kadiktak a kahri pek chei kae, marvân inhlânga, Pathen ngevahei khan Mihring Sapa chunga ajōng kaṭum leh akake hei nantahmu sik kae.”

JOHN 1:51 ပူးပေါင်းရင်းမြစ်များ

A’NPHUTNA 28:12

Arahmanga raleia inphut marvân katlung keirâk inkhat intung khava chunga ngevahei akaketou leh akaṭumsuk aleihmu hei.

EZEKIEL 1:1

Kum 30 tlukna thla 4 changna, ni 5 tluk ning, Buzi sapa, thempu Ezekiel kei Babylona Chebar tuidung panga rehring sura aka-om Jehudihei leh leika-omsap ung. Marvân kot inhlânga, Pathen hmangtalâr kaleihmu.

ZECHARIAH 13:7

Akahratpen Rōngpu’n ahri, “Thōi roh, chemjâm, khana kei sik a ṭōnkatlo kemōng kakhempa so vabuhlu roh! Ama so that roh, khana kemōnghei inchai kathek sik jo hei. Ke’n kamihei kabuhlu sik jo hei

MATTHEW 25:31

“Mihring Sapa kha Reng kapōa marvân ngevahei leh inṭhōia ajōng pha, alen in-ongna chunga in-ong sik,

MATTHEW 26:24

Mihring Sapa kha ṭong intheng tahri kapōa akathi sik kae, tâk Mihring Sapa kha mikut chunga akapek sōt sikpa kha heituk a ṭitpek aka-om jo mo! Ama ale’ntet hêrmak achang inchu ama sik a akaṭha jôk sik kae!” ati.

MATTHEW 3:16

Jesu tui ahlutsō lim leh tui shunga inphut hong kasōk jo. Marvân kha inhlânga vaṭhu kapō Pathen Rathla kajōnga achunga ajōng kachōng kha John in aleihmu.

MATTHEW 4:11

Khanachu Diabol khan Jesu adahlon jo; khana marvân ngevahei kajōng heia anjōng inthōpui jo.

MATTHEW 8:20

Jesu’n amasôn, “Ram-ui he’n khurhei annei, khana vahe’n rabuhei annei, tâk Mihring Sapa khan lu manhngatna leh châmhngatna hmun neimak,” atipek.

MATTHEW 9:6

Kha achang inchu Mihring Sapa khan raleichunga set rangei mandam torna ratha anei ti hi kamanhmu sik chei,” ati. Khan chu lang kangōipa hneng, “Thōi roh, najena rakhum inlo roh, na-inna se jo roh!” ati.

MARK 1:10

Jesu’n tuia inphut ahei sōk lim leh marvân inhlânga khana vaṭhu kapō Rathla achunga ajōng kachu kha ama’n aleihmua kae.

MARK 14:62

Jesu’n amasôn, “Kae eng, khana Mihring Sapa kha Akahratpen changting in-onga khana marvân sumtuk leh inṭhōia ajōng ṭum kha nankhenga nanhmu sik.”

LUKE 2:13

Khava laitak khan manhret manloa marvân ngeva remi katamtak khava ngeva kha leh jōng inlâr heia, Pathen choi ka-ânna hla hi ansak:

LUKE 2:9

Anhnenga Rōngpu ngeva kha jōng inlâra, Rōngpu lûrna khan anchunga ara-âng manvâr hei. Anmani kaṭihêr jo hei,

LUKE 22:43

Marvâna inphut ngeva inkhat jōng inlâra aratha amanngarpek jo.

LUKE 22:69

Tâk-kha Mihring Sapa kha tuna inphut Akahratpen Pathen kut changting a’n-ong sik jo kae,” ati.

LUKE 24:4

Khava chunga inhmak a anngirlai, manhret manloa pōn kachek kasi pase 2 anhnenga jōng kangir hei.

LUKE 3:21

Mi rakip tui anhlutsō pha, Jesu’m tui kahlut jo. Ama’n derna aneilai marvân kot jōng inhlanga,

JOHN 1:50

Jesu’n, “Theichangkung thōia na-omlai kahmu che kati jâr hrep a nang in nataksen eng mo? Nang in hiva kanek a akalelen ṭōnhei nalahmu sik kae,” ati.

JOHN 10:1

Jesu’n ati, “Akadiktak kahri pek chei kae: tu achang inum kemōng rōng kot a hlut loa, hlam hlop inkhat a akakea akahlut mi kha inru leh mikachom kae.

JOHN 10:7

Khava jâra Jesu’n ahri nôk a, “Akadiktak kahri pek chei kae: kei kemōng kot eng kha kae.

JOHN 13:16

Akadiktak kahri pek chei kae: sōk he’n anrōngpu kanek a lenjôk mak hei, khana tirle he’n ankatirpa kanek a lenhêr mak hei.

JOHN 13:38

Jesu’n amasôn, “Kadiktak a nang kei sik a akathi sik a a’ntluk che mo? Akadiktak kahri pek che kae: Ârkhōng akhōng mak hma vōi 3 manhret mak eng nati sik eng kae.”

JOHN 14:12

Akadiktak kahri pek chei kae; tu achang inum kei anikataksen mi khan kaṭōn tlohei hi atlo sik; kadik, anmani’n hiva kanek a ṭōn kalen antlo sik a kae; ajârchu kei Pa hnenga kase sik jo eng.

JOHN 16:20

Akadik kha kahri pek chei kae: nangni ka-ônga kaṭap sik chei; tâk vânhnōi chu a’npâk sik hei kae; nangni chu inrim sik chei, tâk nan-inrimna kha inpâkna ahong kachang sik kae.

JOHN 16:23

“Khava kani kha ajōng tlung pha, nangni’n kei hneng heite adermak jo chei ning. Akadik kha kahri pek chei kae: Pa hnenga karahminga nantader rakip kha ama’n apek sik chei.

JOHN 21:18

Akadik kha kahri pek che kae; naipang nachanglai nang intluk chea namadu-duna hmun a leikase che; tâk-kha upa nahong chang jo pha, nakut nakeisōt a mihlop inkhat in akhit sik che, nase hnōmmakna hmun a aṭhōi sik che,” ati.

JOHN 3:3

Jesu’n amasôn, “Kadiktak a kahri pek che kae; tu achang inum avea a’nte thermak inchu Pathen Rengram kha hmutor mak ning.”

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

JOHN 5:19

Khava jâra Jesu’n anmani amasôn hei, “Akadiktak kahri pek chei kae, Sapa khan abing rachama heite tlotor mak; apa tatlo ahmu hei rōk kha atlo kae. Apa tatlo kha, Sapa kha’num atlo kae.

JOHN 5:27

Khana ama’n Sapa kha ṭong tanna ratha kha apek jo, ajârchu ama kha Mihring Sapa kae.

JOHN 6:26

Jesu’n amasôn hei, “Akadiktak kahri pek chei kae: ṭōn-inlak katlohei ariṭong nanmanhret jâra nantajong eng changmak, buhlom kha kakhōp a nansâk jâra nantajong eng kae.

JOHN 6:32

Jesu’n, “Akadik kha kahri pek chei kae: Moses’n aleipek chei kha marvâna inphut buhlom changmak; marvâna inphut buhlom kadiktak anikapek khachu kapa kae.

JOHN 6:47

Akadiktak kahri pek chei kae: akataksen mi khan kumsôt hringna anei jo.

JOHN 6:53

Jesu’n anhnenga ahri, “Akadiktak kahri pek chei kae; nangni’n Mihring Sapa taksa ravōi nansâk mak a, athisen nan-inmak inchu, nanbinga hringna neimak tin chei.

JOHN 8:34

Jesu’n anhnenga ati, “Akadiktak kahri pek chei kae; tu achang inum setna katlo mi kha setna sōk kae.

JOHN 8:51

Akadik kha kahri pek chei kae. Tu achang inum kei mantheina kajui mi kha thihêr mak ning.”

JOHN 8:58

Jesu’n amasôn hei, “Akadiktak kahri pek chei kae: “Abraham intet mak hma aleika-omsa jo eng kae.”

ṬŌNTLOHEI 10:11

Ama’n marvân ahe’n hlânga arakir manlia a’nkhit apheng kalentak kapō heimo inkhat hi raleia ahe’nkhei inthla aleihmu.

ṬŌNTLOHEI 7:56

Ama’n, “Enruh! Ke’n marvân kot a’nhlânga, Mihring sapa kha Pathen changtinga angir kahmu!” aleiti.

THESSALONIANHEI INHNINA 1:7

khana nangni khōdeng kathei chei kha leh keini’m hōina apek sik me. Hivahi Rōngpu Jesu khan amarvân ngeva kalenhei leh inṭhōia ajōng inlâr pha leh hi atlosōt sik jo,

THESSALONIANHEI INHNINA 1:9

Anmani Rōngpu lûrna kalentak leh ahmai kunga inphut ṭhensōt a ka-om sik heia kha, kumleikōa suk manhmangna karâkna kha antathōk sik kae,

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

JUDE 1:14

Adam a inphut khang 7 tlukna Enoch in hmalaia inphut hing’hin aleihri: “Rōngpu kha angeva intheng lishing katamtak leh inṭhōia akajōng sik kae

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.

ṬONGPHÔNG 4:1

Hiva chungchânga hin marvân kot inkhat a’nhlânga hmangtalâr inkhat ke’n kanei. Khana pengkun mahring rasa kapō inkhat kathei, hma inkeia kahnenga ṭong ajōng kahri khan, “Kahnenga hin hong roh, hnunga ahong kasōk nger sik kha ke’n manhmu che rong,” atia kae.