JOHN 1:33 - LEKHARABU INTHENG (BSI)

³³ Khava katlunga ke’n leimanhret mak eng, tâk tuia tuimanhlut katlo sik a anijōng katir Pathen in, kahnenga, ‘Nang in Rathla kha mi inkhat chunga ajōng kaṭum nahmu sik; Rathla Inthenga tui manhlutna akatlo sik kha ama kae,’ atipek eng.

JOHN 1:33 ပူးပေါင်းရင်းမြစ်များ

MATTHEW 3:11

Nanmalung thleng malârtheina sik tui vânga ke’n tui hlutna katlo chei; tâk kei kanek a akalen, ratha kaneitak inkhat kakahnunga kahong, akekōk heikachoi sik bek a’m kei rahōi changmak eng; ama’n nangni Rathla Intheng leh hmei vâng tui amanhlut sik chei.

LUKE 3:16

Khava jâra anhnenga John in ahri, “Ke’n tui vâng tuimanhlut katlo chei, tâk kei kanek a akalen jôk kha kakahnunga kajōng. Kei ama kekōk hrui kasōt sik bek um karahōi sōk mak. Ama’n nangni Rathla Intheng leh hmei vâng manhlutna atlo sik cheia kae.

JOHN 1:31

Ke’n ama tu achang sik leimanhret mak eng, tâk Israel mihe’n ama anmanhretna sik tui inhlut katlo sik a kei akajōng eng kae.”

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

JOHN 3:5

Jesu’n amasôn, “Kadiktak a kahri pek che kae, tui leh Rathla a a’ntemak tûte inkhatbek Pathen Rengram hlut tor mak ning.

JOHN 7:39

Jesu’n hiva ahri hi ama kataksen he’n hnunga Rathla antachen sik kha atina kae. Khava pha khan chu Rathla kha la’npek mak hi ajârchu ama kha kalûrtak a keimanke lachang mak a kae.

ṬŌNTLOHEI 1:5

John in tui manhlutna aleitlo, tâk nangni chu kanikhō ṭhahrep shunga Rathla Inthenga manhlutna akachang sik jo chei kae.”

ṬŌNTLOHEI 2:4

Anmani Rathla Intheng kasip phet jo hei, khana Rathla khan ṭong theina apek hei jâra, ṭong hlop-hlop a kaṭong inphut jo hei.

CORINTHIANHEI INKHATNA 12:13

Khava kapōa, eini nikhenga, Jehudi, Jât-hlop, sōk, masō nichang inum nikhenga taksa pumkhat shunga Rathla inkhat rōk a tui amanhlut jo me, khana eini nikhenga Rathla inkhat rōk kha in sik a apek jo me kae.