JOHN 1:14 - LEKHARABU INTHENG (BSI)

¹⁴ Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

JOHN 1:14 ပူးပေါင်းရင်းမြစ်များ

HLAHEI 2:7

Rengpa khan ahri, “Rōngpu tamalâr kha ke’n kahrisōt sik. Ama’n kahnenga ati: ‘Nang kasapa che kae; tuning kei napa kachang jo eng.

HLAHEI 45:2

Nang pasehei kâra hme kaṭhapen che kae; ṭonghri kathem pen che kae; Pathen in ahei tik a mahâmṭhat apek jo che!

HLAHEI 85:9

Ama kajana kaneihei huksōtna sik ama intluk ṭhak a ka-om, khana ama huksōtna kha nirama ka-om ṭhak sik a kae.

ISAIAH 40:5

Khava pha Rōngpu lûrna kha inphông sik, khana mihring rakip in anhmu sik. Rōngpu amatak in hiva ṭong hi a’ntep kae.

ISAIAH 53:2

Hivahi Rōngpu lungdo kae khachu asōkpa kha ralei kachâra rajung kathō thingkung kapōa kakek sik. Ama’n kaja theina leh hmeṭhatna heite neimak eini’n ama nimanhret theina sik om mak. Ama hnenga malung keiman hlutna a’nhret heite neimak, ama nisor hnōmna sik rahōi kasōk heite neimak.

ISAIAH 7:14

Kha achang inchu kaṭha jo, Rōngpu ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

EZEKIEL 37:27

Khana khan anmani leh ka-om sik ung; kei anmani Pathen kachang sik eng, anmani kei mi kachang sik hei.

LUKE 2:11

Tuningtak hin David khōpuia nankahuk inhringpa Christa Rōngpu kha jōng inte jo.

LUKE 2:7

Khana ahma inkei sapase inkhat amatet jo, pōn vâng akatōma ranthlai sâkna shunga amanje jo, anmani sik hme tlungna inn leirōk mak a kae.

LUKE 9:32

Peter leh aloihei seng chu leikaje hnger jo hei, tâk an-inṭhang pha Jesu kha kalûrtak a pase 2 leh anngirsap kha anhmu heia kae.

JOHN 1:1

A’nphutbia ṭong kha leika-om jo; ṭong kha Pathen leh leika-omsap hei; ṭong kha Pathen leikae.

JOHN 11:40

Jesu’n amanu hneng, “Nang in nataksen inchu, Pathen lûrna kha nahmu sik timak che eng mo?” ati.

JOHN 14:6

Jesu’n amasôn, “Kei hlam leh akadik khana hringna eng kha kae; keia tei loa tûte Pa hneng semak.

JOHN 14:9

Jesu’n amasôn, “Hingtuk pha kasôt nankhenga ka-ompui jo chei; kha’num nantala manhret mak eng mo, Philip? Tu achang inum kei kahmu jo mi khan Pa kha ahmu jo kae. Kha achang inchu heisa mo, ‘Pa kha amanhmu roh,’ nalati?

JOHN 17:22

Nang leh kei pumkhat nichang kapōa, anmani pumkhat anchangna sik napek eng lûrna mama kha ke’n anmani kapek jo hei.

JOHN 17:24

“Apa! lûrna naleipek eng, khava kalûrna kha anmani’n anhmu theina sik nang in napek jo eng hei kha kei omna hmun a kaman om hnōm hei; ajârchu vânhnōi alei insyem mak hma nalei lungset jo eng.

JOHN 18:37

Khava jâra Pilate in ama ader, “Khan chu nang reng inkhat che mo?” Jesu’n amasôn, “Nang in kei reng inkhat che nati eng. Hiva akadik inkhat akahri sik jâra kei ajōng inte enga raleichunga akajōng eng kae. Akadik a ka-om seng khan kaṭong anrangei.”

JOHN 2:11

Hiva ṭōn-inlak hma inkeipen hi Jesu’n Galilee ram a Cana khōa atlosōt a kae; khana khan alûrna aphônga, asonle he’n antaksen jo.

JOHN 3:16

Ajârchu Pathen in vânhnōi ralei hi hingtuk hrep alungset jâra Asapa inkhat rōk kha apek jo, tu achang inum ama kataksen kha thimak ning, tâk kumleikōa hringna anei sik kae.

JOHN 3:18

Tu achang inum Sapa kataksen rakip chu aṭong intanmak ning, tu achang inum akataksenmak rakip kha ṭongtansa jo hei kae, ajârchu ama’n Pathen Sapa inkhat rōk kha leitaksen mak jo.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

JOHN 8:32

akadik kha nanmanhret sik, khana akadik khan nangni amasō sik chei.”

ROMANHEI 8:3

Ralei mihring hi angaia atlâksam jâra, Dân in atlo tor mak kha Pathen in atlo jo. Setna kator sik a, set kasip mihring ngai kapōa kajōng, Asapa khet kha ajōngtir, mihring ngai shunga setna kha maset apek jo.

ROMANHEI 9:5

anmani hi rahming inthang pusōn heia ajōng kakōn hei kae; khan chu Christa kha mihring inkhat a anmani phung kae. Heirakip chunga vaikarôn Pathen kha ahei tik a choi ka-âna om rasoh! Amen.

CORINTHIANHEI INKHATNA 15:47

Hma-inkei Adam kha raleia a’nsyem kae, raleia inphut hong kakōn; 2 tlukna Adam khachu marvâna inphut akajōng kae.

CORINTHIANHEI INHNINA 12:9

Ama’n aleimasôna eng khachu: “Kei maritna hi narangeipen kha kae, ajârchu natlâksam pha leh kei ratha hi akahratpen kae.” Christa rathla’n kachunga ahrung eng ti manhretna sik, katlâksamna chunga ka’nlensak sik kha kahōipen eng.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.

EPHESIANHEI 3:8

Kei Pathen mihei seng kâra, akasin kâra akasinpen eng kae; kha’num Christa ṭhatna bângtik kaneimak chungchânga ṭong kaṭha kha Jât-hlop hei hneng akarôn sōt sik ṭōn

COLOSSIANHEI 1:19

Ajârchu Sapa khan abing chunga Pathen changna omngai pui katluk a anei sik hi Pathen manṭhatna jâra kae.

COLOSSIANHEI 2:3

Pathen singna leh manhret theina a’nthup karōi manbukna kot mahlangna chabi kha ama kae.

COLOSSIANHEI 2:9

Ajârchu ama mihring achangna shunga, Christa khan rathla achangna pui katluktak kha ka-oma kae,

TIMOTHY INKHATNA 3:16

Eini bekṭong in-ip lenje hi tûte’n emak titheimak hei ning: Ama mihringa hong inlâr, Rathla khan kadik tia amalâr, khana ngeva he’n anleihmu. Jât-hlop hei kâra ama ṭong le’nhrile, vânhnōi pumpui in anleitaksen, khana marvâna ṭhōitoua leika-om jo.

HEBREWHEI 1:3

Ama’n Pathen lûrna kha aser manvâr, ama hi Pathen hringje leh a’n-anghrep kha kae, aṭong ratha neina vâng khan vânhnōi hi hinga aman om. Mihringhei set rangei mandamna ṭōn atorsō leh Ratha Kaneipen Pathen kut changting marvâna in-onga ka-om jo.

HEBREWHEI 1:5

Ajârchu Pathen in angeva inkhatbek hneng hinga hrimak: “Nang ka-Sapa che kae; tuning kei napa kachang jo eng.” Achangmak leh Pathen in angeva inkhat hneng hinga hrimak, “Kei a-Pa kachang sik eng, khana ama ka-Sapa kachang sik.”

HEBREWHEI 10:5

Khava jâra Christa khan raleichunga ajōng sik ting, ama’n Pathen hneng ati, “Nang in ran vânga inthoi leh tōkna madu mak che, tâk nang in kei sik taksa inkhat namantluk pek eng.

HEBREWHEI 2:11

Ama’n mihei kha ansetna inphut amantheng hei, khana ama leh amantheng senghei kha’n Pa inkhat rōk anneisap jo. Khava jâra Jesu’n anmani kha ama sōpuihei ati sik kha inzakna neimak.

HEBREWHEI 5:5

Kha leh in-anghrep a, Christa khan, Thempu Kalen inkhat changa kajana kha abinga inlomak. Tâk-kha Pathen in ati nôk, “Nang ka-Sapa che kae; Tuning kei napa kachang jo eng.”

JOHN INKHATNA 4:14

Khana Pa khan asapa kha vânhnōi kahuk inhring sik a ajōngtir kha eini’n nihmu jo khana milak-hei nihri pek heia kae.

JOHN INKHATNA 4:9

Eini’n ama a inphut hringna ninei theina sik, Pathen in Sapa inkhat rōk kha raleichunga ajōng tira eini alungsetna me kha amalâra kae.

JOHN INHNINA 1:7

Jesu Christa kha ralei mihring ajōng kachang kha akahnōm mak, mikahōn inthla katamtak vânhnōi raleichunga hong kasōk jo hei. Khava mihei kha Christa kadōi mikahōn inthla hei kha kae.

ṬONGPHÔNG 19:13

Apōn invonna kha thisen in akatōm sō. Arahming kha “Pathen Ṭong” inti.

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.