JOHN 1:11 - LEKHARABU INTHENG (BSI)

¹¹ Ama aram mihei hneng kajōng, tâk ami he’n ama leirahlâng mak hei.

JOHN 1:11 ပူးပေါင်းရင်းမြစ်များ

MATTHEW 15:24

Khava sōa Jesu’n amasôn hei, “Kei Israel mihei kemōng inhmanghei rōk hnenga ajōng-intir eng kae.”

LUKE 19:14

Tûnchu, ama mikhet he’n anleihōt jo, khava jâra reng hmun kapek sikpa hneng tirle antira, ‘Ama kanreng kachang sik a madu mak ung’ anva manti jo.

JOHN 1:10

Ṭong kha raleichunga leika-om, Pathen in ama inṭangna vâng vânhnōi asyem, tâk vânhnōi in ama leimanhret mak.

JOHN 1:12

Achang inum, mi ṭhahrep in, ama anlei rahlânga antaksen; khava jâra Pathen sa anchangna sik ratha apek hei.

JOHN 19:27

Khava sōa ama’n sonle hneng khan, “Amanu kha nanu kae,” ati. Khava pha inphut a sonle khan amanu kha a-inna ka-om sik a aṭhōi jo.

JOHN 3:32

Ama’n ahmu leh athei ṭong kha ahri, tâk tûte’n aṭong lopek mak hei.

ṬŌNTLOHEI 13:26

“Abraham sōn, Israel kasōpuihei leh Pathen inmuk sik a hiva hmun a ka-om Jât-hlop hei: hiva hukmanhringna ṭong hi eini sik mônga ajōng-intir jo kae!

ṬŌNTLOHEI 13:46

Achang ravâng kangam chet a Paul leh Barnabas in kaṭongsōt jo hei: “Nangni hnenga Pathen ṭong hi hri masa pen sik arangei. Tâk-kha nanrahlâng mak jâra leh kumsôt hringna kachen sik a nanbinga rahōi kasōkmak a nan indon jâra, kantadahlon cheia Jât-hlop hei hnengting jôk akase sik jo ung kae.

ṬŌNTLOHEI 21:6

Khava sōa inkhat leh inkhat inchibeitō unga, keini seng kha rakōnga kahlut unga anmani chu innting inle jo hei.

ROMANHEI 15:8

Ajârchu, ke’n kamanthei chei hi kae, anpu sōnhei hnenga Pathen ṭongtep hei kha hui ajōng tlungna sik, Pathen hi taksenthei kachang ti malârtheina sik, Christa hringkhō ṭōntlo kha Jehudihei kahlanga kae,

ROMANHEI 9:1

Ke’n akadik kha kahri kae; Kei Christa ta eng kae, kamalei seimak. Rathla Intheng tamanse, kei mandon ṭhen theina hinum, kamalei seimak ti kha amanchên,

ROMANHEI 9:5

anmani hi rahming inthang pusōn heia ajōng kakōn hei kae; khan chu Christa kha mihring inkhat a anmani phung kae. Heirakip chunga vaikarôn Pathen kha ahei tik a choi ka-âna om rasoh! Amen.

GALATIANHEI 4:4

Tâk-kha achaina pha kaṭhahrep kha ahong tlung jo pha, Pathen in ama khet Sapa ajōngtir jo. Ama Jehudihei Dân thōia nuhmei inkhat sapa kapōa kajōng jo.