JOEL 3:12 - LEKHARABU INTHENG (BSI)

¹² “Jât-hei kha a’nrin heia, Ṭong tanna Phaichama sik akahong nger sik hei kae. Khana khan Rōngpu ke’n akimvea ka-om jât-hei chunga ṭong tanna sik in-ong sik eng.

JOEL 3:12 ပူးပေါင်းရင်းမြစ်များ

THUHMINGHEI INHNINA 20:26

Nimanli changna anmani Beraka Phaichama intûp heia Rōngpu ṭōntlo rakip chunga manpâkna aneia kae. Khava jâra phaicham kha “Beraka” tia anphō jo.

HLAHEI 7:6

O Rōngpu! hnuknat pum a hongthōi roh. Kei inrepuihei hnuk setna kadōi sik a ngir sōt roh; nabinga hongthōisōt ina a’nthōpui roh, ajârchu nang tamadu khachu ṭongtan kadik kha kae,

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 22:1

Hivahi Hmangtalâr Phaicham chunga ṭongrôn kae. Heimo akasōk jo? Heisik a mo khōpuia mihe’n innphu chunga rehōi antatlo?

ISAIAH 3:13

Rōngpu’n aṭong tanna sik a intluk; amihei ṭong katan sik a intluk a kae.

EZEKIEL 30:3

Kanikhō kha kahnai jo, Rōngpu’n ṭōn atlosōtna sik pha kha. Jât-hei sik sumtuk jingna leh bōina kani kha kahnai jo.

EZEKIEL 39:11

Rōngpu’n ati, “Hihei rakip hi asōk pha, ke’n Gog kha Israel ram shunga avûmna sik thlân, Akathi Tuipui nisōtinga Khōhmehei Phaichama kapek sik. Gog leh aremi rakip khana khan anvûm sik hei, khana phaicham kha ‘Gog Remihei Phaicham’ inti sik jo.

JOEL 3:14

Lishing raja Ṭong tanna Phaichama ka-om hei Khava khan Rōngpu kani kha inranga kahong sik.

JOEL 3:2

Jât rakip kamantûp sik hei Ṭong tanna Phaichama kaheiṭhōi sik hei. Kamihei chunga anleitlona rakip jâra khana khan anṭong katan sik. Anmani’n Israelhei kha mihlop-hei ram a anchai kathek hei, khana, Israel karam kha insemṭhen heia kae.

MICAH 4:3

Ama’n hmun akahla leh akahnaia ratha kaneihei kâra innâk-insena ṭong atanpek sik hei. Anchemjâm hei lângkôn lôngkhuma ankheng sik ankasei hei theikung bâk manhlingna chemcha a ankheng sik hei. Jât he’n rea sehêr mak hei ning, re tlona sik intluk hêrmak jo hei ning.

ZECHARIAH 14:4

Khava pha Rōngpu’n Jerusalem nisō langa Olive Tlânga khan jōng kangir sik. Khava sōa Olive Tlâng kha phaicham kalentak hnenga, nisōa inphut tlaitlâk katlunga aher hnia inṭhen sik. Tlâng aṭim inkhat kha sak ting inhnengsōt sik khana ahar inkhat khan thlang ting inhnengsōt sik.

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.