JOEL 2:27 - LEKHARABU INTHENG (BSI)

²⁷ Khava pha, Israel, kei nankâra ka-om eng tina leh, khana Rōngpu kei hi nan-Pathen eng kae, alak heite om mak, tina hi nanhong manhret sik jo. Kamihei ahei tik a hmumasia om mak jo hei ning.

JOEL 2:27 ပူးပေါင်းရင်းမြစ်များ

HLAHEI 46:5

Khōpuia khan Pathen ka-om, suk manset chang hêrmak jo ning; jîng khōvâr hmatak a khava inthōpui sik a kahong sik.

HLAHEI 68:18

Hmebung inshânga khan ama leikake rehringa surmi katamtak aṭhōisa hei; ama’n akadōi heia inphut kutchoihei arahlâng. Rōngpu Pathen kha khan ka-om sik.

ṬONGCHÎK-HEI 1:23

Karasei che pha a rangei roh; ke’n ṭongpek kaṭha kapek sik che, khana kei themna kha chen kaneipui sik che.

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 44:8

Ṭimak ruh, kamihei! Nangni’n nanmanhret, khang marōa inphut tûn katlung ahong kasōk sik omchen rakip kalei hridek jo, khana nangni kasâkhi chei kae. Pathen ralak alaka-om hei mo? Ke’n kathei phungmak ratha kahrat pathen alaka-om hei mo?”

ISAIAH 45:18

Rōngpu’n marvân asyem– ama kha Pathen kha kae! Ama’n ralei hi ahme achâng amantluk a asyemsōt a kae– akasôttak aka-om sik a kahnet a asyema kae. Ama’n akarōk a’nhmang sik inkhat a syem mak, tâk-kha mihei omna sik hmun inkhat a asyem kae. Hinga akahri kha ama kae, “Kei Rōngpu eng kae, khana pathen ralak om mak.

ISAIAH 45:5

“Kei Rōngpu eng kha kae; pathen ralak om mak. Nang in kei namanhret mak eng inum, ke’n namadu ratha hratna kha kapek sik che.

ISAIAH 45:6

Ke’n hivahi katlo kae ajârchu raleichung a’nphutna inphut a’nchaina katlunga aka-om seng in kei Rōngpu eng kae khana pathen ralak om mak tia anmanhretna sik a kae.

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

EZEKIEL 37:6

Ke’n rathahrui leh ravōi kapek sik chei, khana vun vânga kamakhu sik chei. Nanshunga kaphuk kapek sik cheia kha hringna kapek male sik chei. Khava sō leh kei hi Rōngpu eng kae tia nanmanhret sik jo eng.”

EZEKIEL 39:22

Hiva hinna inphut Israel he’n kei hi Rōngpu an-Pathen eng kae tia anmanhret sik jo eng.

EZEKIEL 39:28

Khava sōa kami he’n kei hi Rōngpu an-Pathen eng kae tia anmanhret sik jo eng. Anmani’n hivahi anmanhret sik, ajârchu ke’n anmani rehring sura kamanse hei kae khana tûnchu inkhatbek dahlon loa anram khet a kaheiṭhōi male nôk jo hei.

EZEKIEL 39:29

Ke’n kami Israelhei chunga karathla kabun mathla sik khana anhnenga inphut inhesōt hêrmak ning. Chunghnung Rōngpu ke’n kahri jo.”

JOEL 2:26

Tûnchu sâk sik pui katluk a nannei sik, khana katlai sik jo chei. Rōngpu nan-Pathen, nangnihei sik a ṭōn-inlak katlo, ama kha nanmanpâk sik jo. Kamihei kha ahei tik a’m hmumasia om mak jo hei ning.

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

ZEPHANIAH 3:11

Khava pha khan, nangni, kami chei in kei chunga nanlei dōina eng jâra khan inzak sik rangei mak jo ning. A’nlensak leh ṭong inngeimak kalosōt sik hei, khana kei hmebung inthenga khan avea kei chunga adōimak jo tin chei.

ZEPHANIAH 3:17

Rōngpu na-Pathen khan a-ompui che! ama rathahrat khan re amantor che. Rōngpu’n nachunga inpâkna anei sik, alungsetna che shunga hringkhōther apek sik che. Nachunga inpâkpuina hla ama’n asak sik,

ZECHARIAH 2:9

“Rōngpu khet in nangni re kadōi sik chei, pha khat a nansōk kachang hei khan nangni ansukset sik jo chei.” Hivahi asōk pha, Chunghnung Rōngpu’n kei hi ajōngtir eng kae tia nanmanhret sik.

MIJAHEI 11:29

Moses’n amasôn, “Kei tatlo chunga thangsetna nanei mo? Rōngpu’n mi rakip chunga arathla pek hei sona sânkathemhei kapōa ankhenga anka-ông sik kamadu kae!”

MIJAHEI 23:21

Ke’n kaleihmu khachu hnunga Israel chunga Vângsetna leh khōdengthei heisōk mak ning. Rōngpu an-Pathen khan a-ompui ṭhak hei; Anmani’n ama hi anreng kae tia anphông.

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

DÂNRABU INHNINA 23:14

Beklanga nanrephōr kha inthenga da ruh, ajârchu Rōngpu nan-Pathen in nangni hrungna sik nanrephōra a-ompui chei khan chu nankadōihei chunga torna kha apek chei. Rōngpu’n hnung asungsina sik chei omchen kase inkhatbek tlomak ruh.

PETER INKHATNA 2:6

Ajârchu ṭong intheng in hinga ahri: “Ke’n hlung mankatam inkhat kakadei, khavakha Ziona rakir hlung kaman changa kada; khana tu achang inum ama kataksen kha a’nhōrna kōimak ning.”

ṬONGPHÔNG 21:3

Khana len in-ongna inphut rasa inhnaktak a jōng kaṭong ke’n katheia hing’hin ahri: “Tûnchu Pathen inn kha mihring leh ka-omsap jo! Ama’n anmani a-ompui sik hei, khana anmani ami kachang sik hei. Pathen khet in a-ompui sik hei, khana ama an-Pathen kachang sik.