JOEL 2:26 - LEKHARABU INTHENG (BSI)

²⁶ Tûnchu sâk sik pui katluk a nannei sik, khana katlai sik jo chei. Rōngpu nan-Pathen, nangnihei sik a ṭōn-inlak katlo, ama kha nanmanpâk sik jo. Kamihei kha ahei tik a’m hmumasia om mak jo hei ning.

JOEL 2:26 ပူးပေါင်းရင်းမြစ်များ

A’NPHUTNA 33:11

Nang sik a kahei choi kutchoi hi lungset a arahlâng pek roh; Pathen in lum alo enga karangei rakip hei kha aleipek eng,” ati. Ama’n arahlâng mak kârseng Jacob khan ajôr ṭhak joa kae.

NEHEMIAH 9:25

Namipui he’n rekur tukkhum khōpuihei, ram ṭhatna hei, karōi kasip innhei, antakhōrsa tuikhurhei, Olive kunghei, theikung hei leh vomhrui rahōnhei kha anhlō hei. Antamadu chenna ansâk a katur jo hei; nang in neinâk kaṭha napek hei seng kahōia anhmang jo.

HLAHEI 103:5

Khangdônga ka-om theina sik khana mârhmu kapōa kahratna sik, kahringkhō hi ṭhatna vâng amansip eng.

HLAHEI 116:7

Kamalung inngam roh, ajârchu Rōngpu kha kei sik hingtuk hrep kaṭha jo.

HLAHEI 13:6

O Rōngpu, nang manpâkna hla kasak sik, ajârchu nang hi kahnenga hong kaṭha jo chea kae.

HLAHEI 22:26

Sara he’n anmadu chen a ansâk sik; Rōngpu hneng akahong hei khan ama anchoi ka-ân sik; Anmani are-rea akahao chang hei rasoh!

HLAHEI 37:19

Pha ṭhatmakna ahong inum khōdeng theimak hei ning; Ṭâmpui a-om inum sâk sik vâtmak hei ning.

HLAHEI 67:5

Mihe’n choi ka-ân hei che rasoh, Eh Pathen; mi rakip in choi ka-ân hei che rasoh!

HLAHEI 72:18

Israelhei Pathen Rōngpu kha choi ka-ân ruh! Ama rōk in hiva det-hla hei hi atlosōt kae!

ṬONGCHÎK-HEI 13:25

Mikadik he’n sâk sik katluk a annei, tâk mikaṭhamak he’n ahei tik a vonṭâm ande.

HLAHEI HLA 5:1

Karahōn shunga kahlut jo eng kalungdinu, kalômnu. Marim katui kareibō thingbō kakhôm manchun hei; Kakhōihning leh khōithlar hei kasâk hei; Kasene leh kaju ka-in hei. Lungset a nan inrui mak hma seng in ruh, sâk ruh kalungset hei seng.

ISAIAH 25:1

Rōngpu, nang ka-Pathen che kae; ke’n nang kaṭit kakaja sik che, khana narahming kachoi ka-ân sik. nang in ṭōn inlak-hei natlo jo; tenlaia nang in naleimantluksa jo hei kha taksen theitak a natlosōt jo hei.

ISAIAH 29:22

Khava jâra tûn khōdeng theina inphut a Abraham kahuksōt Israel Pathen Rōngpu’n ahri, “Kamihei, nangni pha kasôttak hmeset inpek mak jo ning, nanhmai kha inzak jâra dângper mak jo ning.

ISAIAH 45:17

Tâk Israel chu Rōngpu’n ahuk a kae, khana aretorna kha are-rea sik kae; amihei kha ahei tik a themmôna chenmak hei ning.’”

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ISAIAH 54:4

Ṭimak roh, nang avea inzakna inpek mak jo tin. nang sukmanhnema inda mak jo tin che. Nang in nuhngâk hmōither laia taksenthei nachang makna, khana nang in renghmeinu inkhat a binga na’nvaina kha namahngi sik jo.

ISAIAH 55:2

Von khopna aka-emak sik a khan heisa mo sêr nanta mathlang? Vonṭâm ṭhakna sik a khan nanratha heisik a mo nanta mathlang? Kaṭong rangei ruh khana heimo kahri kha tlo ruh, khana thlai katui pen kha nanchen sik.

LEVI-DÂN 25:19

Ram khan hmuchi kara amanpung sik, nanta madu chen nansâk sik, kahōia ka-om sik chei.

LEVI-DÂN 26:26

Nansâk leh nan-in ahlam kha kakhâr sik, nuhmei 10 he’n anbuhlom nei seng syemna sik a ratap inkhat rōk anhmang sik. Khavakha ansempek sik chei, nansâksō pha, nanvonchu lakaṭâm ṭhak sik.

LEVI-DÂN 26:5

Nanhmuchi khangtuk hrep katam sik nanvomhrui ṭhōt pha ahongtluk katlunga sâng nanla khôm sik, khana sachi vorpha ahongtluk katlunga vomhrui kara nanlaṭhōt sik. Nantasâk hnōm chenna nannei sik, nanrama kahōia ka-om sik chei.

MICAH 6:14

Nangni’n nansâk sik, tâk khoptor mak tin, kadiktak a chu nanvon kaṭâm ṭhak sik. Nangni’n ṭōn nantlosōt sik, tâk khahei kha damanbuk tor mak tin chei; nangni’n nantabuk hei kha ke’n rea kamanhmang sik hei.

ZEPHANIAH 3:11

Khava pha khan, nangni, kami chei in kei chunga nanlei dōina eng jâra khan inzak sik rangei mak jo ning. A’nlensak leh ṭong inngeimak kalosōt sik hei, khana kei hmebung inthenga khan avea kei chunga adōimak jo tin chei.

ZECHARIAH 9:15

Chunghnung Rōngpu’n amihei ahrung sik hei, khana anmani’n an-indōipui hei kha ansuk manhmang sik jo hei. Anmani’n ju-inruihei kapōa rehmun a ka-ông sik hei an-indōipui hei thisen anmasō sik; inthoina thisen kapōa kalōng sik kōkleia inphut maichâm chunga jōngsun inthla kapōa.

ZECHARIAH 9:17

Heituk akaṭha leh enhnōm ka-om ram mo akachang sik! Aram kara leh aram theitui an-ina khangtherhei kha anratha kahrat chet sik jo hei.

ROMANHEI 10:11

Ṭong intheng in, “Tu achang inum ama kataksen mi kha malung tlâksam mak ning,” ati.

ROMANHEI 5:5

Hiva inhōrna hin malung tlâksamna apek mak, ajârchu Pathen kutchoi pek me Rathla Intheng vâng khan Pathen in alungsetna kha nimalung shunga ajōngsun mathlâk pek mea kae.

ROMANHEI 9:33

Ajârchu hing’hin Ṭong Inthenga inhri: “Enruh, ke’n Ziona hlung inkhat mipui inpaina sik kada, hiva hlung hin mihei amanpai intluk sik hei. Tâk-kha tu achang inum ama kataksen khachu amalung tlâksam mak ning.”

DÂNRABU INHNINA 11:15

khana nanranhei sik a phi kadông kasōk sik hei.

DÂNRABU INHNINA 12:12

Khana khan ama hmaikunga, nansahei leh nansōk-hei khana nankhōpuia ka-om Levihei leh inpâk ruh; Levihei chu ram chen neimak hei ning, manhret ruh.

DÂNRABU INHNINA 12:18

Rōngpu nan-Pathen in kamukna sik a akadei hmun a khan Rōngpu nan-Pathen hmaikung rōk a hiva inthoinahei hi nangni leh nansahei, nansōk-hei, nankhōpuia ka-om Levihei leh nantasâk sik kae. Nanṭōn tlona rakip a khana khan inpâkna nanchen sik.

DÂNRABU INHNINA 12:7

Khana khan nangni mahâmṭhat nankapek, Rōngpu nan-Pathen hmaikunga, nangni leh nan-innshung in nanṭōn tlona kara akaṭha kha nantasâk a nanta hōipui sik kae.

DÂNRABU INHNINA 8:10

Nantasâk hnōm rakip nannei sik, khana ram kahōi apek chei jâra khan Rōngpu nan-Pathen kha nanmanpâk sik.

TIMOTHY INKHATNA 6:17

Hiva hringkhō neinâk a akahaohei kha an-inlensak makna sik, tâk an-inhōrna kha akahnetmak nei leh hao chunga changloa, eini hōina sik a heirakip pek hnōmtak a anikapek Pathen chung jôk a anneina sik ṭong kha pek hei roh.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.