JOEL 2:23 - LEKHARABU INTHENG (BSI)

²³ “Zion mihei, inpâk ruh, Rōngpu nan-Pathen in nangni sik a atlopek chei jâra khan inpâk ruh. Ṭhe-thla khōsûr katluk a apek jo chei; nangni sik a phebi khō amansûr pek jo chei, khana hmalai kapōa zerkhō amansûr pek jo chei.

JOEL 2:23 ပူးပေါင်းရင်းမြစ်များ

RENGHEI INKHATNA 8:36

marvâna inphut theipek hei roh. Rengpa leh Israel mipuihei setna rangei mandam hei roh. Akadik kha antlona sik a manthei hei roh. Khava sōa, O Rōngpu nang in namihei hnenga ahei tik a ankarōi sik napek jo hei hiva naram shunga hin khō jōng mansûr roh.

JOB LEKHARABU 33:23

Pathen ngeva lishing raja kâra inphut ngeva inkhat einihei tlohlam kasōk mandonsōtna anikape khan anmani kabôm sik a kajōng theia kae.

JOB LEKHARABU 37:13

Pathen in raleia tui manchorna sik a khō ajōng mansûr; khavakha einihei karâkna sik ajōngtir thei, achangmak leh eini chunga lum lona malârna inkhat a ajōngtir theia kae.

HLAHEI 104:34

Kahlasak a khan ama tlaina chang rasoh, ajârchu kei inpâkna hi ama a inphut kae.

HLAHEI 147:8

Ama’n bōirōk a sumtuk amazer, raleichunga khō amansûr tlâng chung heia kahar amanhmông.

HLAHEI 149:2

Nankasyempa jâra Israel inpâk ruh; Nanrengpa jâra Zion mihei hōi ruh!

HLAHEI 28:7

Rōngpu’n, kei asan enga ahrung eng; ke’n ama kataksen. Ama’n inthōpuina apek eng, khana amanhōi eng. Hla kahōihei sakpuma kachoi ka-ân.

HLAHEI 32:11

Rōngpu ṭōn leitlo chunga khan mikadik-hei seng tlai ruh, inpâk ruh! Ama ṭong kajuihei inpâk a ông ruh.

HLAHEI 84:6

Anmani’n Baka phaicham kachâr kha anhei hro jo leh chu, tuihnâr kapût hmun hongkachang jo; sûrkhō khan tuikhurhei kha amansip jo.

ṬONGCHÎK-HEI 16:15

Rengpa ôpna khachu zerkhō sumtuk in ahei rôn khōsûr kapō kae, khana khan hringna ka-om.

ISAIAH 30:21

Nangni hlam invaia veiting changting nanse’nchu, nankahnung ting arasa hinga ati nanthei sik, “Hin hlam ka-om. Jui ruh.”

ISAIAH 30:23

Nangni’n hmuchi nanvor akaia, Rōngpu’n akhangna sik khō ajōng mansûr sik a kha kara katamtak nankhôm sik, khana nanran he’n phihmun katamtak anchen sik.

ISAIAH 41:16

Nangni’n thli chunga nankathok sik hei; thli’n anmani kha atlen sik jo hei. khana thlipui thlihrem in asêm kachek sik jo hei, Khava pha nangni inpâk sik jo chei ajârchu kei nan-Pathen eng kae; Israel Pathen intheng kei hi nanchoi ka-ân sik jo eng.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

JEREMIAH 3:3

Khava jâra khō sûrmak jo, zerkhōa khō pherpher kha jōngtla mak jo. Nang hi noti hmaisō napō, inzak ti hi’m manhret mak jo che.

JEREMIAH 5:24

Ke’n ṭhekhō leh zerkhō khōsûr kahei tir inum, akum katai sâng khôm pha kapek chei inum, kei kajana sik mandon dekmak chei.

ṬAJAISUINA 4:2

Zion retherhei kha keini sik a chu sana kapōa anman katam, tâk tunchu anmani kha matlak bephu kapōa anlo jo hei.

EZEKIEL 34:26

“Ke’n vâng kapek sik hei khana kei tlâng intheng kimvea kaman om sik hei. Khana khan tui anrangei pha khō kamansûr sik.

HOSEA 6:3

Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

LEVI-DÂN 26:4

aphahrep a khō kamansûr sik, ram hin hmuchi leh theikara kamanra sik.

AMOS 4:7

“Nansâng he’n khōtui anrangei laitak khō kakhama kae. Khōpui inkhat a khō kamansûr, tâk ahlop inkhat a chu mansûr mak eng. Hleipuk inkhat a khō kasûr, tâk hleipuk inkhat chu kachâra kae.

ZECHARIAH 10:1

Kum shunga zerkhōa sûrtui atlâkna sik Rōngpu hneng der ruh. Mi rakip hleipuk a sabō man-êmna akasyem, khō sumtuk leh khō rahme aheikatir kha Rōngpu kae.

ZECHARIAH 10:7

Israel mihei kha remi kapōa kahrat sik hei, ju ka-in mihei kapōa inpâk sik jo hei. Ansōn leh pâr he’n hiva retorna hi anhong mandonsōt sik, khana Rōngpu ṭōn leitlo jâra khan inpâk sik hei.

ZECHARIAH 9:13

Judah hi remi inkhat, sai kapōa kahmang sik Israel khan, the kapōa kahmang sik. Zion mihei kha chemjâm kapōa kahmang sik hei, Greek remihei re kadōi sik a.”

ZECHARIAH 9:9

Inpâk ruh, hōi ruh, Zion mihei. Jerusalem mihei inpâk a ông ruh! Enruh, nanrengpa kha nanhnenga kajōng jo! Ama khan chung sōkna leh torna aneia kahong tâk-kha insinsak tak a shakōrtung aheichōng– shakōrtung tere inkhat aheichōng.

ṬŌNTLOHEI 14:17

Tâk-kha pha rakip a ṭōn kaṭha atlona vânga akahring ṭhak achangna kha amalâr: marvâna inphut khōtui amansûr pek chei, khana aphahrep a hmuchi-bechi amanra a, thlai apek cheia nanmalung inpâkna amansip pek chei.”

DÂNRABU INHNINA 11:14

Khanga nantlo’nchu nanram shunga khō nanrangei pha ajōng mansûr sik, ṭhekhō leh zerkhō heia, khana nansik a hmuchi, vomhrui theiju, khana olive thai,

DÂNRABU INHNINA 28:12

Jât katamtak hneng bat nanmanpûkna sik hei ama’n marvâna anei bukna inphut aphahrep a khō ajōng mansûr sik, nanṭōn rakip a vâng apek sik chei, tâk nangni chu tûte hnenga pûkmak tin chei.

DÂNRABU INHNINA 32:2

Kei mantheina hi khōtui kapōa katla sik, raleichunga radaitui ka-ang sik. Kaṭong hi hardông chunga khō rahme kapōa katla sik phidông chunga khōtuidi ka-ang sik.

PHILIPPIANHEI 3:1

Achaina, kasōpuihei, Rōngpu leh nan-inchunna khan inpâk hêr ruh. Hma inkeia kaheimazet chei kha avea heimazet nôk sik chei hi hōimak sakmak eng, khana hinga katlo’nchu nangni inhrung theidet sik chei.

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

PHILIPPIANHEI 4:4

Rōngpu leh nan-inchunna shunga khan ahei tik a a’npâkṭhak chei chang rasoh. Avea kahri nôk, inpâk ruh.