JOEL 2:16 - LEKHARABU INTHENG (BSI)

¹⁶ Mipui mantûp hei ruh; inthenga intûpna sik a mantluk hei ruh; Katerhei heiṭhōi hei ruh; naipanghei mantûp hei ruh, khana naite hei katlunga. Lu kahongbi hei kha’m an-innden dahlona akahong sik hei kae.

JOEL 2:16 ပူးပေါင်းရင်းမြစ်များ

THUHMINGHEI INHNINA 20:13

Judah mi rakip, annuhmei leh ansahei, Bek-inna khan kangir hei.

THUHMINGHEI INHNINA 29:5

khana khan anhnenga ṭong ahri pek hei. Ama’n ati, “Levi nangni nanbinga intheng sōtna nantatlo sik kae khana Rōngpu, nanpu sōnhei Pathen Bek-inn kha manthengna nantatlo sik kae. Bek-inn bukna akachang neinâk rakip kha losōt hei ruh.

THUHMINGHEI INHNINA 30:17

Ajârchu mi katamtak beklanga intheng mak hei, Rakan Kût kemōnghei kha thattor mak hei, khava jâra anmani sik a Levihei khan antlo pek hei khana kemōnghei kha Rōngpu hnenga tōkna anneipek heia kae.

THUHMINGHEI INHNINA 30:19

“O Rōngpu, kanpu sōnhei Pathen, nang ṭhatna vânga khan hiva malung pumpuia nang inmuk hei hi, beklanga inthengna annei mak inum rangei mandam hei roh.”

THUHMINGHEI INHNINA 35:6

Rakan revei kemōng leh kehei nangni’n nantathat sik kae. Tûnchu nangni beklanga intheng sōtna kha tlo ruh, Moses hnenga Rōngpu mansena kha nansap changpui Israel he’n anjuina sik a inthoina neinâk-hei kha mantluk hei ruh.”

JOB LEKHARABU 1:5

Revei kahnunga jîngkâr kataia, Job hmatak a kathōia asahei mantheng sōtna sik a inthoina tōkna anei ria kae. Ama’n hivahi atlo ṭhak ajârchu asahei kâra inkhat in manhret theiloa Pathen hnōisena atloa leikaset-thei tia amandona kae.

HLAHEI 19:5

jîngkâra kani khan a’npâk hmōipa kapōa a-inna inphut heikasōk, Ratha kahroktak a a’ndei mi inkhat kapōa katlân ri.

SŌKSŌT 19:10

khana Rōngpu’n ahnenga, “Mipuihei hneng se roh khana kamukna sik a tuning leh jîng hi insu inthengna hmang hei rasoh. Anpōn leh ander antasôp mantheng sik kae,

SŌKSŌT 19:15

khana Moses’n anhnenga, “Ajîng atip ning khan inrin ruh, khava shunga khan nuhmei-pase hmun inchun mak ruh,” ati.

SŌKSŌT 19:22

Thempuhei kapha’m kahnenga akahong hei kha anbing et a a’nsu intheng sik hei kae, achangmak inchu karâkna kapek sik hei kae,” ati.

JOEL 1:14

Bu anhngōina sik ṭong pek hei ruh; mipui intûpna sik bek ruh! Hlamkakeihei leh Judah mi rakip Rōngpu nan-Pathen Bek-inna mantûp hei ruh khana ahnenga ôn ruh.

MATTHEW 21:16

Khava jâra Jesu hneng, ‘Hihei hin heimo antahri hi theimak che mo?’ anti. Jesu’n anhnenga ati, “Ôk kathei, hiva ṭong inthenga a’nzet hi nangni-e teiphung mak chei mo? Hinga hrina hi, ‘Pui katluk a manpâkna pekna sik a naipanghei leh naidônghei nanman themchûk hei.’”

MATTHEW 9:15

Jesu’n amasôn heia, “Hmōipa khan ahmelâk-hei leh an-omsaplai anmani kachâma ka-om sik a nantahlamrin mo? Khanga changthei mak ning! Tâk anhnenga inphut hmōipa ṭhōisōtna pha lakahong sik, khava pha bu antahngōi sik kae.

CORINTHIANHEI INKHATNA 7:5

Pha ṭhahrep derna hmang sik a inhnōmtōna thōia inkârchot tei loa khat leh khat indōitō mak ruh; khana khava sōa angaia inchun nôk ruh. Kha achang inchu binga insur tor mak jâra Seitan mathlemna inphut, inkhâmtor sik chei.

JOSHUA 7:13

Thōi roh! Mipui suk manthengsōt hei roh khana kahnenga anhongna sik a mantluk hei roh. Ajîng kania an-intluk dekna sik manthei hei roh, ajârchu Rōngpu kei, Israelhei Pathen in hivahi hri sik a kanei: ‘Israel, ke’n manhmang ruh tia ṭong kapek chei neinâk ṭhahrep nanhnenga ka-om jo! Khava neinâk-hei kha nanhnenga inphut nanlosōt mak inchu nan-inrepuihei kadōia ngir tor mak tin chei!’

JOSHUA 8:35

Moses Dân ṭongpek rakip Joshua’n a’ntûp seng, nuhmei leh naipang, khana ankâra ka-om jât-hlop hei hneng atei jo.

SAMUEL INKHATNA 16:5

“Ôk,” tia amasôn. Rōngpu hnenga inthoina tōk sik a akahong eng kae. Nanbinga inthengsōt una ahei jui ruh.” Ama’n Jesse leh asahei kha’m an-inthengsōtna sik amanthei hei, khana inthoina sik a abek hei.