JOEL 2:12 - LEKHARABU INTHENG (BSI)

¹² Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

JOEL 2:12 ပူးပေါင်းရင်းမြစ်များ

SAMUEL INHNINA 24:10

Tâk David in mija ateisō jo pha, amandon ṭhen theina khan amanrim manphut jo, ama’n Rōngpu hneng ati, “Ke’n hiva katlona hin ṭit ka-om tak setna katlo jo! Lungsettak a arangei mandam roh. Kamotak a kaleitlo jo.”

THUHMINGHEI INHNINA 30:6

Rengpa leh aṭōn karônhei ṭongpekna dungjuia tirlehei khan Judah leh Israel pumpuia hiva bekna ṭong hi anchoia kase jo hei: “Israel mipuihei, nangni Assyriahei ram hlōna shunga inphut kahringsōt jo chei. Tûnchu Abraham, Isaac, leh Jacob Rōngpu hnenga he’nle ruh, khana ama’m nanhnenga he’nle sik a kae.

THUHMINGHEI INHNINA 6:27

O Rōngpu, marvâna inphut leirangei hei roh khana Israel mipui, nasōk-hei setna kha rangei mandam hei roh. Khana Rōngpu hiva naram, namihei hneng ankarōi akachang ṭhak sik a napek jo ram chunga hin khōsûr heitir roh.

ESTHER 4:16

“Se roh, Susa shunga aka-om Jehudi seng mantûp hei roh; bu hngōi hei sona kei sik a aderpek hei rasoh. Sûn 3 leh jân 3 sâk leh in tlomak ruh. Kasōk nuhmeihei leh kei um khava kapōa kantlo sik. Khava sō leh dân in ahnōm mak ravâng, kei rengpa hneng kase sik eng. Hiva tlo jâra thi sik achang inum, kei kathi sik jo eng!”

SŌKSŌT 33:5

Mipuihei hneng hri sik a Rōngpu’n Moses hneng ṭong aleipek, “Nangni racham kase mi chei kae. Ke’n pha bongkhat rōk ka’nṭhōipui chei inchu, kasuk manhmang pet sik chei. Tûn nan-inretna sanahei kha losōt ruh, khan nangni leh heimo tlo sik kha kamandon sik.”

ISAIAH 22:12

Chunghnung Rōngpu’n akaṭap sik leh ṭajai kasui sik a, khan chu lu kavo leh borapōn akasi sik a abek chei.

ISAIAH 58:4

Nanthlai hngōi khan hnuk kase amanchang chei khana innâk-inse cheia kae. Hinghiva thlai hngōi derna nei hi ke’n karangei pek sik chei tia nantamandon mo?

JEREMIAH 3:22

Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 36:7

Anmani Rōngpu hnenga andera anṭhatmakna hlam a inphut hong inhe thei khet sik heia kae, ajârchu Rōngpu’n hiva mipuihei hi ama ṭit ka-om tak leh ahnuk inthakna vâng khan amaṭhit jo heia kae.”

JEREMIAH 4:1

Rōngpu’n ahri, “Israel mipuihei, nanhong inle hnōm inchu kahnenga hong inle jo ruh. Kahnenga taksenthei nanchang inchu ke’n kamater limhei kha hlonsōt hei ruh,

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

DANIEL 9:3

Khana ke’n bu kahngōia, borapōn kasia khana ravut kâra in-ong enga Rōngpu Pathen hneng malung kahluttak a kaleider.

HOSEA 12:6

Khava jâra tûnchu, Jacob sōn leh pârhei, nan-Pathen kha taksen ruh, ahnenga hong inle ruh. Ama jui ruh, kadik a om ruh, nan-Pathen ṭōn tlo sik kha dehrattak a hngâk ruh.

HOSEA 12:7

Rōngpu’n ati, “Canaan mihei malung intheng mak kapōa Israelhei anmalung intheng mak; anneinâk inchôk hei kha atena kadikmak vâng anhōn hei.

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

JOEL 1:13

Maichâma ṭōnkatlo thempuhei, borapōn insi unna ṭap jo ruh! Bek-inna se unna jân kathang ṭajai sui ruh! Nan-Pathen hneng tōk sik a hmuchi leh ju om mak jo.

ZECHARIAH 7:3

khana thempuhei leh sânkathemhei hneng hiva ṭong hi akader sik a anheitir hei: “Bek-inn a’nset jo jâra kum katamtak a kantaheitlo jo thla 5 tlukna bu hngōia ṭajai suina kha kantalatlo ṭhak sik mo?”

ZECHARIAH 7:5

Ama’n ati, “Ram a mipuihei leh thempuhei kha manthei hei roh khachu hiva kum 7 shunga thla 5 leh 7na buhngōi leh ṭajai suina kha, kei kajana changmak.

MALACHI 1:9

Tûnchu, thempuhei, Pathen kha nihnenga aṭhatna sik der ruh. Nanderna kha ama’n masôn mak ning, khavakha nangnihei ṭhena kae.

ṬŌNTLOHEI 26:20

Ahma inkeia Damascus leh Jerusalem khana abâna Judea pumpui leh Jât-hlop hei kâra ke’n ansetna inphut an-insira Pathen langa anhong inhena sik leh an-insir malârsōtna ṭōn antlona sik a kaleihrilea kae.

ṬONGKATANHEI 2:4

Ngeva khan hiseng ahrisō pha Israelhei kha ông leh ṭap anphut jo,

ṬONGKATANHEI 20:26

Khan chu Israel mi rakip Bethel a kase heia ṭajai ansui nôk jo. Khana khan Rōngpu ângkunga khōhlei katlunga bu anngōia kae. Inlôikhômna inthoina leh apum a ro-inthoina, akhenga Rōngpu ângkunga antōk a kae.

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”

SAMUEL INKHATNA 7:6

Khan chu anmani ankhenga Mizpah a intûp jo hei. Tui ajing anthea Rōngpu hnenga inthoina inkhat a anleibun khana khava ning sûn nilun bu anhngōia kae. Anmani’n anti, Rōngpu dōina keini kaset jo ung.” (Hivahi Mizpah a Israelhei kâra innâk-insena, Samuel in intōk inchamna aleitlona kha kae.)