JOEL 2:10 - LEKHARABU INTHENG (BSI)

¹⁰ Hmating anjōn pha ralei innok; thangvân innok a kae. Kani leh thla hong inthim, ârsi vârlep mak jo hei.

JOEL 2:10 ပူးပေါင်းရင်းမြစ်များ

HLAHEI 114:7

Jacob Pathen hmaikunga, Rōngpu kha ajōng pha raleichung nang innok roh

HLAHEI 18:7

Khava pha raleichung kha intlira innok; tlângkung hei kha intlira innok hei! Ajârchu Rōngpu kha ahnuk leikana.

ISAIAH 13:10

Ârsi khana ârsi rup-hei akavâr hei kha vârmak jo hei ning, khana kani ahei sōk pha inthim sik, khana thla kha’m vârmak jo ning.

ISAIAH 34:4

Kani leh thla, khana ârsihei kha ahar-ahak a vaiphin kapōa innoi sik jo hei. Marvân kha lekha inze kapōa inze sik joa kha inhmang sik jo, khana ârsihei kha theichangbō achangmak leh vomhrui theibō ṭi kapōa kaṭi sik jo hei.

ISAIAH 5:30

Khava kani kha ahong tlung pha, anmani’n Israel chunga tui-ôngpui rasa kapōa inhrung sik hei. Hiva ram hi enruh! Khōdengthei leh inthimna kae. Inthim in vâr kha amade jo.

JEREMIAH 4:23

Raleichung kaleithlir, inhmangna rōk kahmu; chungvân kaleithlir, vâr leiom mak.

JOEL 2:2

Khavakha khōdeng theina leh inrengna kani, inthim leh sumphai jingna kani kachang sik. Khaikhu remi katamtak kahong heia inthim kapōa tlâng anmakhusi hei. Khava kapō kha leisōk phung hêrmak, khana sōk nôk hêrmak ning.

JOEL 2:31

Ṭit ka-om Rōngpu kani kha ahong mak hma kani inthimpak sik, khana thla kha thisen kapōa kasen sik.

JOEL 3:4

“Tyre, Sidon leh Philisti ramkeia mi seng nangni’n kei hneng heimo tlo sik a nanti? Heikhat sik a kahnenga pek male sik tia nanmandon mo? Nangni’n nanmandon inchu, inrangtak a ke’n kapek male bât sik chei!

AMOS 5:8

Rōngpu’n ârsihei asyem hei, ârsi rup leh ârsi kumri asyem hei. Ama’n a’nthim kha sûn kanivâr amanchang sûn kha jân amanchang. Ama’n tui-ôngpui tui kha abek a raleia abun mathlâk a kae. Ama rahming chu Rōngpu kae.

NAHUM 1:5

Rōngpu hmaikunga tlânghei innok hei; ahmai kunga hmebunghei kajor hei. Rōngpu ahon’lâr pha ralei hi innok; vânhnōi leh amihei seng ṭit jâra innok hei.

MATTHEW 24:29

“Khava khōdeng theina kani a’nchaisōtak leh kani inthim sik, thla vârmak ning, ârsi marvâna inphut katla sik hei, khana bōirōk a ratha hratna hei kha anhlam hroa inphut hnongsōt sik hei kae.

MATTHEW 27:51

Khava sōa Bek-inna pinden pōn kha achunga inphut thōi katlung bit a her hnia inhler jo. Lingnu innok a, hlungpuihei kakik-khōi,

ṬŌNTLOHEI 2:20

Rōngpu kani kalûr leh kalenpen ajōng tlung mak hma kani inthim sik, khana thla’m thisen kapōa kasen sik.

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

ṬONGPHÔNG 6:12

Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.

ṬONGPHÔNG 8:12

Khava sōa ngeva 4 tlukna khan apengkun atum jo. Kani leh thla khana ârsi sem thuma sem khat asuk manset jo, khava jâra anvârna kha sem thuma sem khat inhmang jo; khang’khan sûn leh jân sem thuma sem khat kajing joa kae.

ṬONGPHÔNG 9:2

Khana ârsi khan dôpkhur kot kha amahlanga, hmei thlupui khu kapōa heikasōk; khava khur kōk a ahei kasōk hmeikhu khan kanivâr leh bōirōk a thli amanthim joa kae.