JOEL 2:1 - LEKHARABU INTHENG (BSI)

¹ Zion Tlânga pengkun tum ruh; khō ôn ruh, Zion Tlânga, khava Pathen hmebung inthenga khan. Judah mihei, ṭit a in nôk ruh! Rōngpu kani kha inranga kahong jo.

JOEL 2:1 ပူးပေါင်းရင်းမြစ်များ

THUHMINGHEI INKHATNA 15:28

Khang’khan Israel rakip in inpâk a ôngna leh pengkun, sharaki, sumkutben, serângdâr manhringna leh inṭhōia Intepna Bôm kha Jerusalem katlunga anjui jo.

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 87:1

Rōngpu’n akhōpui kalen kha tlâng intheng chunga asak;

SŌKSŌT 10:14

Khahei kha arup-rup a kahong heia ram pumpui anhlōsō pet jo. Khahei kha hma ale’nhmu phung hêrmak, hnunga’m a’nhmu hêrmak sik jo khaise rup-hei kha kae.

ISAIAH 13:6

Malung kana tak a ông ruh. Akahratpen suk mansetna amasōna sik kani, Rōngpu kani kha kahnai jo.

ISAIAH 13:9

Raleichung suk mansetna sik leh mikaset-hei suk mansetna sik a ama hnuknat khôkna leh hnuk inthakna kani, Rōngpu kani kha kajōng jo.

ISAIAH 2:12

Khava ning khan akalen leh Chunghnung Rōngpu’n ratha kahratpen hei seng, a’nlensak leh a’nṭhatsak hei seng asuk manhnem sik jo hei.

ISAIAH 66:2

Ke’n vânhnōi ralei pumpui hi kasyem kae! A’nsinsak a malung insir hei khana ani kaṭit leh kaṭong kajuihei chunga kei kamalung katlai.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

JEREMIAH 16:10

“Nang in hivaseng hi nahri pek hei pha, anmani’n heisa mo hinghrep a karâkna inhnak hi pekna sik unga amantluk tia ander sik che. Anmani’n Rōngpu, an-Pathen dōina hei setna mo antatlo jo khana hei sukṭhena mo antanei jo tia ander sik che?

JEREMIAH 16:7

Mi inkhat in alungset mi athi pha, lungngam pekna sik a bu leh thlai akasâkpui sik inkhatbek om mak ning. Mi inkhat in anu leh apa athi jo kapha tûte inkhat in lungset malârmak ning.

JEREMIAH 4:5

Ram pumpuia pengkun tum ruh! Rahnaktak leh intheng senga khō ôn ruh! Judah leh Jerusalema mihei kha, rekur tukkhum khōpui heia antlânna sik hripek hei ruh.

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

EZEKIEL 12:23

Tûn khava chunga Chunghnung Rōngpu ke’n kahri sik hi manthei hei roh. Ke’n ṭongchîk kha kamanbâng sik jo. Israel shunga khavakha avea inhrimak ning. Khava kanek a hinga manthei hei roh: pha kha kahong jo, khana ṭongsânsōt kha hongkadik jo!

EZEKIEL 21:12

Inrengtak a ông roh, mihringsa; hiva chemjâm hi kamihei sik mantluk jo khana Israel hlamkakeihei thatna sik a kae. Anmani thatsō sik jo hei kae kami ankhenga leh inṭhōia. Inreng pum a nan-ôp kaben ruh!

EZEKIEL 30:3

Kanikhō kha kahnai jo, Rōngpu’n ṭōn atlosōtna sik pha kha. Jât-hei sik sumtuk jingna leh bōina kani kha kahnai jo.

EZEKIEL 33:3

Ama khan inrepui he’n anhong kha ahmu pha, ama khan mi rakip gîkna sik a ka-ônga kae.

EZEKIEL 33:6

Khana, repa kahngâkpa khan inrepui anhong kha ahmua, inrinna rasa a-ôngmak inchu, inrepui kahong sik heia kha setna karônhei kha anthat sik jo hei, tâk-kha anmani thina kha repa kahngâkpa ṭhena kamanchang sik kae.

EZEKIEL 7:10

Israel sik a inhmangna kani kha kajōng jo. Intuk inthat jōng kapung jo. Inlensakna kha alêr katlung jo.

EZEKIEL 7:12

Apha kha kajōng jo. Neinâk rachôkna leh jōrna pha omtheimak ning, ajârchu mi rakip chunga Pathen karâkna kha in-angtlinga jōng kachu sik.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

DANIEL 9:20

Ke’n kasetna hei leh kami Israelhei setna kaphôngsōt a derna kaneiṭhak, khana ama Bek-inn intheng kha asyemtherna sik Rōngpu hneng kabêr ṭhak a ka-om eng.

HOSEA 5:8

Gibeah a re tlona pengkun tum ruh! Rama a khōtlâng ôn ruh! Bethavena re tlona hranhla ông ruh! Benjamin sahei, re shunga hlut jo ruh!

HOSEA 8:1

Rōngpu’n ati, “Pengkun manhring ruh! Inrepuihei kha hmurai kapōa karam shunga jōng kaṭumsuk hei! Kami he’n anmani leh kan-intepna kha ansukkhōia kei mantheina kadōia inphin jo hei.

JOEL 1:15

Rōngpu kani kha kahnai jo; Akahratpen in inhmangna ahei rôn sōtna kha. Khava kani khan heituk ṭit ka-om mo ahei rôn sōt sik!

JOEL 2:11

Rōngpu’n aremihei rasa inhrek a ṭong pekna anei hei. Aṭong kajui remi rup-hei kha katam hei, kahrat hei. Rōngpu kani kha heituk a ṭit ka-om jo mo! Tu mo akahringtor sik?

JOEL 2:15

Zion Tlânga pengkun tum ruh; buhngōina sik leh mipui intûpna sik a ṭongpek-hei ruh!

JOEL 2:31

Ṭit ka-om Rōngpu kani kha ahong mak hma kani inthimpak sik, khana thla kha thisen kapōa kasen sik.

JOEL 3:14

Lishing raja Ṭong tanna Phaichama ka-om hei Khava khan Rōngpu kani kha inranga kahong sik.

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

AMOS 3:6

Mipui in ṭitna neiloa re pengkun kha khōpui shunga a’nhring mo? Rōngpu’n ahei tir mak inchu khōpui kha khōdeng theina akasōk sik mo?

AMOS 5:18

Rōngpu kani kahngâk hla nangni sik a heituk a ṭit ka-om kachang sik! Khava kani khan nangni sik heimo akaṭha atlopek sik chei? Ajârchu khavakha inthimna kani kachang sik akavâr kani changmak ning.

AMOS 8:2

Rōngpu’n ader enga, “Amos, heimo nahmu?” ati eng. “Hraithuk a theikara” tia kamasôn. Rōngpu’n kahnenga ati, “Kami Israelhei sik a achaina kha kahong jo. Anmani karâkna pek sik a inphut kamalung thlengmak jo ning.

OBADIAH 1:15

“Rōngpu ke’n jât rakip chunga ṭong katan sik kani kha hong kanai jo. Eh Edom, naleitlo kapōhrep kha nachunga a’ntlo nôk sik kae. Naleipek hei kha nachen male sik.

ZEPHANIAH 1:14

Rōngpu kani kha hong kahnai jo, kahnai hêr jo, inrangtak a kajōng jo! Khavakha kani kakha kachang sik, ajârchu remi kahrânghei kapha’m inrimtak a kaṭap sik hei!

ZEPHANIAH 1:16

re intukna pengkun rasa khana rekur tukkhum khōpui leh inn inshâng hei akabuhlu remihei ông rasa sipna kani kha kachang sik.

ZEPHANIAH 1:7

Rōngpu kha ṭongtan hmun a a’n-ong sik kani kha kahnai jo; khava jâra ama hmaikunga sip ti una om ruh. Rōngpu’n amihei kha inthoina tōk sik a intluk jo khana Judah kavōk-khōi sik a inrepuihei kha abek jo hei.

ZEPHANIAH 3:11

Khava pha khan, nangni, kami chei in kei chunga nanlei dōina eng jâra khan inzak sik rangei mak jo ning. A’nlensak leh ṭong inngeimak kalosōt sik hei, khana kei hmebung inthenga khan avea kei chunga adōimak jo tin chei.

ZECHARIAH 14:1

Rōngpu’n ṭongtan hmun a a’n-ongna sik pha jōng kahnai jo. Khava sōa Jerusalem chomsōt a ka-om sik, antachom hei kha nanhmai kunga insem sik hei.

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

MALACHI 4:1

Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

MIJAHEI 10:2

“Mipui bek mantûpna leh rephōr ṭhetna mipui bek mantûpna hmang sik a sekvâng hem a dangka pengkun 2 syem roh.

MIJAHEI 10:3

Pengkun 2 kha anjōngṭum sōt inchu ka-omna Pōn-inn hlutna kot kunga nankimvea vaipui a’ntûp sik hei kae.

CORINTHIANHEI INKHATNA 14:8

Khana pengkun katum khan bekna mahring kha amanchênmak inchu, re katuk sik a tu mo a’ntluk sik?

PHILIPPIANHEI 2:12

Khava jâra kaṭhōnhei, kei leh ni-omsap laia kaṭong nantajui ṭhak kapōa khan, tûn nanhnenga ka-om mak pha hin kaṭong nantajui sik hi akakhôk chet apui karôn kha kae. Nan-inhuk inhringna pui atlukna sik, ṭittak leh ratha innok pum a ṭōn tlo ṭhak ruh,

THESSALONIANHEI INKHATNA 5:2

Ajârchu inru jân a ahong hlut kapōa Rōngpu kani kha’m ajōng katlung sik kae ti hi nangni’n nanmanhret.

JAMES 5:8

Nangni’num khang’khan de akahrat sik chei kae. Nan-inhōrna kha inshângtak a da ruh, ajârchu Rōngpu jōngna sik kani kha kahnai jo.

PETER INKHATNA 4:7

Heirakip a’nchaina sik pha kahnai jo. Nangni’m nander torna sik nanbinga insurthei una insing thei ruh.

ṬONGPHÔNG 6:17

Ajârchu ahnuk natna kani ṭit ka-om tak kha tûn kajōng jo, khava sik a tu mo akangirtor sik?” anti.