JOEL 1:12 - LEKHARABU INTHENG (BSI)

¹² Vomhrui leh theipōng kung kachâr jo hei; theikung rakip invōisō heia kathi jo hei. Mihei inpâkna katlangsō jo.

JOEL 1:12 ပူးပေါင်းရင်းမြစ်များ

HLAHEI 4:7

Tâk-kha napek eng inpâkna khan vomhrui ju leh thlai katamtak kaneihei inpâkna kha akhechet.

HLAHEI 92:12

Mikadik-hei khachu kahno kung kapōa kakhang sik hei; Lebanona cedar thingkunghei kapōa kakhang sik hei.

HLAHEI HLA 2:3

Ratu thingkâra theikhup thingkung kapōa, pase ralak-hei leh nitekâk inchu kalungdipa kha kachanga kae. Ama daihlim thōia in-ong sik kha kamadu, khana ama kara kha kamantama kathlum hêr.

HLAHEI HLA 4:13

khana khan thingkunghei kahmông kakhang hei. Kapothei kunghei kapōa kahmông hei, khana kara kaṭhapen inra hei. Khava hmun a marim kahōi henna leh nard invât mak,

ISAIAH 16:10

Hleihmun kaṭhahei chunga tûte inpâk om mak jo. Vomhrui thei rahōn shunga hla kasak, aka-ông tûte om mak jo. Vomhrui ju syemna sik a tûte’n chōn kahnur mak jo; inpâkna rasa kabâng jo.

ISAIAH 24:11

Mihei khan ju a-om mak jâra hlampuia kapeng hei. Hōina kha ahei tik chen sik a kasesōt jo; ram a inphut hnongsōt jo kae.

ISAIAH 24:7

Vomhrui hruijâm invōi hei, khana ju inrik hêr jo. Vōi khat inpâkna aleikachen rakip kha tûnchu inreng jo hei,

ISAIAH 9:3

Rōngpu, nang in inpâkna kalentak napek jo hei. Nang in inpâk theia nasyem jo hei. Mihe’n anhlei anlōksō pha, achangmak leh annei chom kha ansem leh a’npâk hei kapōa naṭōn tloa khan inpâk jo hei.

JEREMIAH 48:3

Horonaim mihei kapeng heia anti, ‘Invōkna rōk! Suksetna rōk!’

JEREMIAH 48:33

Moab ram a ralei ṭhatna inphut hōina leh inpâkna kha inlosōt jo. Ke’n vomhrui thei-epna inphut ajōng kalōng theiju kha kamanhai jo; theiju kasyem sik leh inpâk a aka-ông sik tûte om mak jo.

JOEL 1:10

Hleichi hei kaching jo hei; ralei in ṭajai asui jo ajârchu hmuchi inhmangsō jo hei, vomhrui thei kachâr jo hei, khana olive thing invōisō jo hei.

JOEL 1:16

Kansapâr hei a’nhmang jâra atloje omloa kanlei en. Kan-Pathen Bek-inna inpâkna om mak jo.

JONAH 4:7

Tâk ajîng kania jîngkâra, Pathen ṭongpek a, rahlung in hruijâm kha asâk a kathi jo.

HAGGAI 2:19

“Hmuchi aleiom mak jo tâk inum, khana vomhrui thei, theipōng kung, kapothei, khana olive thei ala’nra mak inum, tuna inphut ke’n vâng kapek sik chei kae.”

MALACHI 3:11

Khaiphâr in nanhmuchi karahei manhmang pek mak tin, khana nanvomhrui kunghei thei katamtak inra sik hei.

MIJAHEI 13:23

Anmani Eshkol Phaichama kahong hei, khana khan vomhrui bâk inkhat antuktan, abōr akahrik hêr inkhat kakai, mi 2-in sungtlōn vâng anhei kadom. Kapothei leh theichang kara’m ṭhahrep anheirôn.