JEREMIAH 9:8 - LEKHARABU INTHENG (BSI)

⁸ Anmaleihei kha thinathei the kapō hei kae, ahei tik a maleisei rōk anhri. Mi rakip in anvena mihei hneng ṭhōn leh re ṭonga anrakôk hei, tâk adiktak a chu anmani sik a châng ankama kae.

JEREMIAH 9:8 ပူးပေါင်းရင်းမြစ်များ

SAMUEL INHNINA 3:27

Abner kha Hebron aheitlung jo pha, Joab in kotting aṭhōisōt, marûk katia inbekpui sik kapōa, khana avonlaia akadôtpek jo. Khanga Abner kha Joab naipa Asahel aleithat jâra aphuhlōna ama kha athat joa kae.

HLAHEI 12:2

Ankhenga inkhat leh inkhat maleisei inhrina hei; khana hmûrthem vâng khat leh khat inhōn hei.

HLAHEI 12:3

Khava hmûr kathemhei kha sip manti hei roh, O Rōngpu! Khana khava mi’nlensak hei bei kha hippek hei roh.

HLAHEI 120:3

Malei kaseihei nanchunga Pathen in heimo atlo sik? Heikhong hrep mo karâkna apek sik chei?

HLAHEI 28:3

Malung kaṭhamak-hei leh ṭhatmak katlohei, anbeisō chu ṭim leh re ṭong kahrihei, tâk anshunga chu enkadana kasip hei kha leh maset aman chensap mak roh.

HLAHEI 35:20

Anmani’n ṭim leh re ṭonghri ngaia hrimak hei; khava kanek a intōk inchamna indu hei chunga maleisei hingja anjongsōt.

HLAHEI 55:21

Aṭong hri hei kha sene thai kanek a inne, tâk alungri chu mi enkadana rōk kha kae; aṭonghei kha thai kapōa inne, tâk chem kangei hei kapōa atuktana kae.

HLAHEI 57:4

Mihring ravōi akasâk hnōm shabakkaihei kapōa, kei inrepuihei khan ankatōm eng. Anha hei kha kasei leh thepui kangei ka-ang hei; khana anmaleihei kha chemjâm kangei ka-ang hei.

HLAHEI 62:5

Pathen hneng rōk a kei in-ngai eng; ahnenga inhōrna kanei.

HLAHEI 64:8

Khava anṭonghri jâra amanhmang sik hei; anmani kahmu rakip in anlu ankachuk sik.

ṬONGCHÎK-HEI 25:18

Akadik mak a mi maherna hichu chemjâm, tîngpumbe a-emak leh akangeijap the kapōa thinathei hmangchâk kae.

JEREMIAH 5:26

“Kamihei kâra ṭhatmak katlohei kha ka-om hei; vahei surna sik a châng kado hei kapōa mi anhngâk a ka-om hei, khana mihei surna sik a anchâng hei kha ando hei.

JEREMIAH 5:9

Hivahei sik jâra ke’n karâkna kapek mak sik hei mo, khana hiva kapō jât-hei chunga ke’n phu kahlō mak sik mo?”

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

JEREMIAH 9:4

Mi rakip in anṭhōnhei dōina inhrung sik hei, tu inkhat in an-u annaihei kha taksen tor mak hei; ajârchu u leh nai rakip Jacob kapōa mikahōn rōk hei kae, khana mi rakip in anṭhōnhei anhrimaset hei.

JEREMIAH 9:5

Anmani ankheng in anṭhōnhei hlamlea anṭhōi hei; tûte inkhat in akadik inti hrimak hei; maleisei hrina sik a anmalei kha anman themchûk, anset tlo kha haimak hei ning. Anmani’n innâk-inse inkhat bânna inkhat, mihōnna inkhatsō leh inkhat antloa kae. Rōngpu’n atia ami he’n ama anhlonsōt jo.

MICAH 6:12

Mikahao nangni he’n misarahei nanmanbōi heia kae, nangni nankhenga malei kasei chei kae.