JEREMIAH 9:3 - LEKHARABU INTHENG (BSI)

³ Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

JEREMIAH 9:3 ပူးပေါင်းရင်းမြစ်များ

A’NPHUTNA 39:16

Joseph kapu kha ahong mak hma seng pōn kha amanu’n a’nda a kae.

ṬONGCHÎK-HEI 12:5

Malung intheng he’n kaṭhatak a anrazen sik che, mikaṭhamak-hei rōk in hōn sik chea anmadu.

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 3:5

Inkhat in inkhat chunga hnemna anjong et sik. Khangdông he’n an-upahei kajana neimak hei ning, khana mi kahnemmak he’n anchunga mihei kajamak hei ning.

ISAIAH 6:5

Ke’n kati, “Kei sik a inhōrna om mak! Kei inhmang jo eng ajârchu kabeia ṭong ahei kasōk rakip setna kasip, khana setna kasip ṭongkahri mihei kâra kei ka-om eng. Kha’num Reng Rōngpu Chunghnung kha kahmu jo!!”

ISAIAH 9:18

Mihei ṭhatmak kha hmei kapōa kakânga rahling chap, thing bur hei amanhmangsō apō. Ratu hmei kakânga hmeikhu hlom chungting kaketou apōa kae.

JEREMIAH 12:6

Na-innkō shunga mihei, nasōpui kapha he’num anhōn jo che; nang dōina buhluna khan inchunpet jo hei. Ṭim leh re kapōa ṭong anhri che’num, taksen mak hei roh.”

JEREMIAH 22:16

Sarahei kadiktak a ṭong atanpek hei, mi rakip leh kahōitak a le’nṭhōi hei. Khavakha kae Rōngpu manhret inti kha.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 5:4

Khan chu ke’n kamandon, “Hihei hi sara leh a’nhret mak rōk hei kae. Anmani kamotak a kachôn hei; an-Pathen in heimo arangei ti hi manhret mak hei, An-Pathen in heimo amantlo hnōm hei ti kha manhret mak hei.

JEREMIAH 5:5

Kei ratha kanei mihei hneng kase sik eng khana anmani leh inbek sik ung. Anmani’n an-Pathen tamadu kha, an-Rōngpu tamantlo hnōm hei kha anmanhret sik.” Tâk-kha ankhengpet in Rōngpu tlotorna kha donmak jo hei khana juihnōm mak hei.

JEREMIAH 6:28

Anmani racham kasea inphin hei, sum-êng leh thir kapōa kangar hei. Anmani ankhenga ṭhamak hei, kalônle heia mi anhrimaset a kae.

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

JEREMIAH 9:5

Anmani ankheng in anṭhōnhei hlamlea anṭhōi hei; tûte inkhat in akadik inti hrimak hei; maleisei hrina sik a anmalei kha anman themchûk, anset tlo kha haimak hei ning. Anmani’n innâk-inse inkhat bânna inkhat, mihōnna inkhatsō leh inkhat antloa kae. Rōngpu’n atia ami he’n ama anhlonsōt jo.

JEREMIAH 9:8

Anmaleihei kha thinathei the kapō hei kae, ahei tik a maleisei rōk anhri. Mi rakip in anvena mihei hneng ṭhōn leh re ṭonga anrakôk hei, tâk adiktak a chu anmani sik a châng ankama kae.

EZEKIEL 8:13

Khava sōa Rōngpu’n kahnenga ati, “Nang in hiva kanek a mater ka-om ṭōn antatlona nalahmu sik kae.”

DANIEL 11:27

Khava pha reng 2 hei kha thlaisâk sik a dokhâng inkhat a in-ongsap sik hei, tâk anmalung rôn chu ṭhamak ning, khat leh khat maleiseia inbek sik hei. Anmani tamadu kha chenmak hei ning, ajârchu khava sik a pha latluk mak a kae.

LEVI-DÂN 19:11

“Inru mak ruh, mi hōnmak ruh, maleisei hrimak ruh.

MARK 8:38

Mi inkhat in hiva bekṭong kase leh ṭhatmak pha shunga hin kei leh kaṭong mantheina chungchânga a’nzak inchu, Mihring Sapa khan Apa lûrna shunga ngeva intheng hei leh anjōng pha achungchânga a’nzak sik kae.

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

ṬŌNTLOHEI 24:9

Jehudi rakip inum maherna kha anlei manjoma khahei rakip kha kadikpet anleiti.

ROMANHEI 1:16

Kei Christa ṭong kaṭha sik a inzak mak eng; hivahi ahma inkeipena Jehudihei, khana Jât-hlop he’m akataksen rakip hukmanhringna sik Pathen rathahrat kha kae.

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

ROMANHEI 3:13

Anṭonghei kha thinathei mihōnna kasip; ṭhatmak maleisei in anmalei kha ahmang, anbeia inphut mari tûr kapō thinathei ṭong kasōk;

CORINTHIANHEI INKHATNA 15:34

Malung dikna tinga he’nle ruh, khana setna hlam dahlon ruh. Hivahi nan-inzakna sik a kahri kae, ti chu nangni kâra mi ṭhahrep in Pathen manhret phâkmak cheia kae.

PHILIPPIANHEI 1:28

Nan-inrepuihei kha ṭitmak hei ruh; ahei tik a inngamtak a om ruh, hivahin anmani katlu sik hei khana nangni’n nantor sik hei tina kha amanchên pek sik hei kae, ajârchu torna anikapek kha Pathen kae.

TIMOTHY INHNINA 3:13

mikaṭhamak-hei leh a’nṭhat hlemsak-hei kha anbinga inhōn inthla sik hei, khana milak um anhōn sik hei, mise anchangna inphut akasechet kachang sik hei.

JUDE 1:3

Kaṭhōn marit hei, eini nikhenga in-anghrep a nichen jo hukmanhringna chungchânga, vōi khat rōk a ahei tik a sik a Pathen in amihei apek jo hei khava taksenna sik a hin re nantuk manjônna sik mazet sik chei hi arangei ti kamandon pha, tûn nanmathokna katorchena kaheimazet chei kae.

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGKATANHEI 14:17

Amanu’n rehōi ni 7 shunga kaṭap a ka-om jo. Ni 7 tluk ning chu amanu hneng amanthei jo, ajârchu rahnaktak ader joa kae. Khava sōa Philistihei hneng amanthei jo hei.

ṬONGKATANHEI 2:10

Khava khang ankhenga kathisō jo hei, abân khang he’n Rōngpu Israel sik a aleitlo pek hei kha anmahngi jo.

SAMUEL INKHATNA 2:12

Eli sapahei kha malung kadikmak hei kae. anmani Rōngpu kha heite donmak hei