JEREMIAH 9:24 - LEKHARABU INTHENG (BSI)

²⁴ Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

JEREMIAH 9:24 ပူးပေါင်းရင်းမြစ်များ

HLAHEI 20:7

Ṭhahrep he’n re tlona shakor gâri jâra inngam hei, khana alak ṭhahrep in anshakorhei jâra inngam hei, tâk eini chu Rōngpu ni-Pathen rathahrat ni’n ngampui.

HLAHEI 34:2

Ama ṭōn leitlo jâra khan ke’n kachoi ka-ân sik; suk manrima ka-om rakip he’n rangei hei sona inpâk hei rasoh!

HLAHEI 34:3

Rōngpu lenna kha kei leh hrimanthang rih; arahming kha choi ka-ânsap rih!

HLAHEI 44:8

Keini’n nang kanchoi ka-ân ṭhak sik che khana ahei tik a kanmanpâk ṭhak sik che.

HLAHEI 44:9

Tâk-kha tûnchu, nang in nahlon sōt jo ung khana mi namantor jo ung; kanremihei hma nampui mak jo hei che.

HLAHEI 51:1

Nalungset inthlengmak vâng khan marit a arôn roh, Eh Pathen. Namaritna kalen vâng khan kasetna ahni manthengpek roh!

HLAHEI 91:14

Pathen in ati, “Ani’nlungset hei kha kahuk sik hei khana Rōngpu kae tia ani kahnōm hei kha kahrung sik hei.

HLAHEI 99:4

Ratha kanei Reng, akadik kha namadu; Israelhei chunga ṭongdik naphunsōt; nang in akadik akaṭha kha nahong rôn sōt.

ISAIAH 20:5

Ethiopia chunga taksenna kaneihei leh Egypt chunga a’nlensak hei kha nam mathlâk sik hei kae, an-inhōrna makhōidâk sik kae.

ISAIAH 41:16

Nangni’n thli chunga nankathok sik hei; thli’n anmani kha atlen sik jo hei. khana thlipui thlihrem in asêm kachek sik jo hei, Khava pha nangni inpâk sik jo chei ajârchu kei nan-Pathen eng kae; Israel Pathen intheng kei hi nanchoi ka-ân sik jo eng.

ISAIAH 45:25

Rōngpu ke’n Jacob sōn leh pârhei seng kahuk sik hei, khana anmani’n kei anchoi ka-ân sik enga kae.

ISAIAH 61:8

Rōngpu’n ahri, “Ke’n ṭongdik kamadu khana mi suk manrimna leh dân kaler kamater. Ke’n kamihei kha taksentak a inpâkman kapek sik hei. Khana ahei tik a sik anmani leh ṭong intepna inkhat kasyem sik.

JEREMIAH 22:16

Sarahei kadiktak a ṭong atanpek hei, mi rakip leh kahōitak a le’nṭhōi hei. Khavakha kae Rōngpu manhret inti kha.

JEREMIAH 4:2

karahminga ṭong nan-intep sik hi kadik sik. Khan chu jât rakip in vângṭhat anchenna sik a ander sik jo eng khana anmanpâk sik jo eng.

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

ROMANHEI 5:11

Tâk-kha khaseng rōk kha changmak; tûn eini Pathen ṭhōna ani kasyem ni-Rōngpu Jesu Christa a Pathen ṭōntlo jâra khan eini inpâk a katlai jo me.

CORINTHIANHEI INKHATNA 1:31

Khava jâra ṭong intheng in ahri, “Tu achang inum a’nlensak hnōm a-om inchu Rōngpu tatlo chunga inlensak rasoh.”

CORINTHIANHEI INHNINA 10:17

Tâk-kha ṭong intheng in ahri dungjuia, “Tu achang inum a’nlensak hnōm mi a-om inchu Rōngpu ṭōntlosa chunga khan a’nlensak sik kae.”

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

GALATIANHEI 6:14

Kei sik a chu, ni-Rōngpu Jesu Christa thingrake jâr rōk a inlensak sik eng; ajârchu ama thingrake jâra, vânhnōi hi kei sik a chu kathi jo, khana kei vânhnōi raleia kathi jo eng.

PHILIPPIANHEI 3:3

Ajârchu, anmani changmak a eini jôk in vuntan kadiktak kha nichen kae, ajârchu Pathen kha ama Rathla vâng nikamuk a khana nihringkhō shunga Christa leh inchunna khan inpâk a ka-om mea kae. Eini’n vâng pônga ṭōn intlona chunga nitaksen changmak.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.