JEREMIAH 9:20 - LEKHARABU INTHENG (BSI)

²⁰ Ke’n kati, “Nuhmeihei, Rōngpu ṭonghri rangei ruh, aṭong hrina chunga nanmalung manhlut pek ruh. Nansanuhei hneng heikhonga ṭajai sui sik mo, khana nanṭhōnhei hneng heikhonga invûmna hla sak sik mo ti kha manthei hei ruh.

JEREMIAH 9:20 ပူးပေါင်းရင်းမြစ်များ

JOB LEKHARABU 22:22

Ama’n amanthei che kha rahlâng roh, aṭong kha namalunga inda roh.

ISAIAH 3:16

Rōngpu’n ati, “Enruh, Jerusalem nupuihei heituk-hrep a a’nlensak jo hei mo! Chungting anhnar anmantanga kalôn hei. Ahei tik a mihei keimathlâkna sik a antlo. Inṭhatsak a ke anchoi, ankea paisereng rasa anmasōk a kae.

ISAIAH 3:4

Rōngpu’n mihei kha pui alakatluk mak pase naihei vai amanrôn sik hei.

JEREMIAH 14:16

Khava ṭong antahri pek mihei kha’m, anmani leh in-anga that sik hei kae. Ankalōng hei kha Jerusalem hlampui heia hlonsōt sik hei, khana ankahre sik tûte om mak hei ning. Hivahi mi rakip chunga kasōk sik–annuhmei, ansapa, ansanuhei inveisa sik hei. Anmani ṭhatmak jâra hivahi a’npe sik hei kae.”

JEREMIAH 23:16

Chunghnung Rōngpu’n Jerusalema mihei hneng ahri, “Sânkathemhei ṭonghri kha rangei mak ruh; akadik mak inhōrna vâng anmansip chei. Anmani’n kei tahri kha hrimak hei, anmani tamandon kha anhri pek cheia kae.

JEREMIAH 23:28

Rahmang kanei sânkathem khan hiva hichu rahmang hrep kae ati sik, rahmanga ahmu hrep rōk kha hri rasoh, tâk kaṭong kathei sânkathem khan chu taksen theitak a ṭong kha ahri manthang sik kae. Sahûm leh sapôt tekâk kha heimo aṭhatchômna ka-om?

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

JEREMIAH 7:29

“Jerusalem mihei, ṭajai sui ruh; nansam vo una hlonsōt ruh. Hmebung chung heia kathi hrena hla sak ruh, ajârchu Rōngpu kei kahnuk kana jo, khana kamihei kahlonsōt jo hei.

JEREMIAH 8:2

Anruhei kha mantûp heia vûm sik kanek a, anruhei kha ralei pi chunga ram thai kachang sik jo. Hiva mihei talungset leh tarazen hnōm hei khana anṭong jongsuina hei leh antakamuk hei kha kani, thla, khana ârsihei hmaikunga malârsōt sik hei kae.

JEREMIAH 9:12

Ke’n kader, “Rōngpu, heijâra mo ram hi a’nhmangsō jo khana nêrdiram kapōa akachâr jo, khana tûte’m khava khan se leh hong antatlo mak jo? Hiva inhret tor sik tu mo akasingdet aka-om? Tu hneng mo hivahi namanthei heia, khahei khan hiva ṭong hi milak hneng antahri pek tor sik hei?”

ṬAJAISUINA 2:19

Jân kathang ave-avea har ina, Rōngpu hneng ông roh; Namalung pek manhlut ina nasahei sik a lungsetna kha inder roh Hlamdung rakir rakip a naipanghei kha sâk lo inloa kathi jo hei!

ṬAJAISUINA 2:21

Hlamdunga upa naipang kathi ka-om jo hei, Retherhei leh nuhngâk-hei inrepuihei chemjâm vâng kathi jo hei. Nahnuknat ning khan anmani kha lungsetna kasea nathat hei.