JEREMIAH 9:11 - LEKHARABU INTHENG (BSI)

¹¹ Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

JEREMIAH 9:11 ပူးပေါင်းရင်းမြစ်များ

NEHEMIAH 4:2

Aloihei leh Samaria remihei hmaikunga ama’n ahri, “Hiva Jehudi mi inrenghei tatlo hi heimo kae? Anmani’n khōpui kha sakmanther sik tia antamandon mo? Anmani’n inthoina annei leh ṭōn kha ni khat a a’nchai torbât sik tia antamandon mo? Anmani’n hlung kakâng a’nbuk hei khana inphut insakna hlunghei antasyemtor sik mo?”

HLAHEI 107:43

Mikasing he’n hivahei hi mandon hei rasoh; Rōngpu lungset inthlengmak kha manhret hei rasoh.

HLAHEI 44:19

Achang ravâng ramshahei kâra atloje omloa nadahlon jo ung; inthimpakna shunga khan nadahlon jo unga kae.

HLAHEI 79:1

Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

ISAIAH 13:22

Inn inshâng hei leh reng-innpuihei kha ram-ui leh kahnehei inhrâm rasa jōn’thông sik jo. Babylon pha kha kajōng jo! Amanu kani inchai vet jo.”

ISAIAH 25:2

Nang in khōpuihei kha a’nhmanga nada hei anrekurhei nasuk manhmang pek hei. Kan-indōipuihei tasaksōt innpuihei ahei tik a sik a om mak jo hei.

ISAIAH 34:13

Khōpui shunga reng-innpui heia leh kurbanga khan rahling kakek sik jo, ram-ui leh simbu hei omna hmun kachang sik jo.

ISAIAH 44:26

Tâk-kha kasōk in hnungṭong asânsōt pha, kaṭōn mantlukna akaphôngsōt sik ngeva katirhei pha, Khava ṭōnhei kha ke’n kamantluk hei khana hnungṭong sânsōt hei kha kadiktak a kasōk heia kae. Ke’n Jerusalem hnenga mipuihei ashunga hong ka-om nôk sik hei, khana Judah khōpui kha athera anta hongsak sik hei kae tia kahri pek. Khava khōpuihei kha ansukset sōa inphut hongkathōi nôk sik hei.

JEREMIAH 1:15

ajârchu ke’n sak tinga aka-om jât-hei seng anjōngna sik a kabek jo hei. Anmani renghei khan Jerusalem sōngkot heia khana kurbang rape kimve heia leh Judah khōpui kimve heia reng in-ongna antamatung sik hei kae.

JEREMIAH 10:22

Rangei ruh! Ṭong kajōng jo! Sak tinga jât inkhat kâra mipui inhângna kalentak ka-om jo; anremihei khan Judah khōpuihei kha ram-uihei omna nêrdiram anmanchang sik jo.”

JEREMIAH 16:10

“Nang in hivaseng hi nahri pek hei pha, anmani’n heisa mo hinghrep a karâkna inhnak hi pekna sik unga amantluk tia ander sik che. Anmani’n Rōngpu, an-Pathen dōina hei setna mo antatlo jo khana hei sukṭhena mo antanei jo tia ander sik che?

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 25:18

Anmani kha nêrdiram, ṭit ka-om leh hmit ena malung tôn ka-om anchangna sik, tuning katlunga antatlo ṭhak kapōa anrahming kha hâksêrna ṭong inkhat a mihe’n anhmangna sik a Jerusalem leh Judah khōpui rakip, anrenghei leh anhlam kakeihei kha, hiva kōklei hi aman in jo hei.

JEREMIAH 26:18

“Hezekiah’n Judah reng achanglai, Moresheth a sânkathem Micah’n mipuihei hneng Chunghnung Rōngpu ṭonghri kha aleimanthei hei, ‘Hleipuk kapōa Zion kha ankhōi sik; Jerusalem kha sukset neinâk-hei manbukna hongkachang sik, khana Bek-inn hmebung kha ratu ramhâng hongkachang sik.’

JEREMIAH 26:9

Heisik a mo Rōngpu rahminga Bek-inn hi Shilo kapō hong kae sik khana khōpui hi inhmang sik khana tûte om mak hei ning nati?” Khava sō leh mipuihei khan ankakekhum tlit jo eng.

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 4:27

Rōngpu’n ati jo khachu, ralei pumpui hi ramthip kachang sik jo, tâk-kha manhmang cherna chu changmak ning.)

JEREMIAH 44:2

Chunghnung Rōngpu Israel Pathen in ahri, “Jerusalem leh Judah khōpui ralak-hei seng chunga suksetna kajōng mathlung kha nangni khet in nanhmu jo. Tûn katlunga’m inhmanga laka-om hei, tûte la-omna mak hei

JEREMIAH 49:33

Hazor hmun ahei tik a nêrdiram, ram-uihei rōk omna kamanchang sik. Tûte inkhatbek um khana khan avea om mak hei ning. Rōngpu ke’n kahri jo kae.”

JEREMIAH 50:3

“Sak tinga ka-om jât inkhat, Babylon kabuhlu sik a kajōng, khana hleichi nêrdiram amanchang sik. Mihei leh sahei katlânsō sik hei, khana khan tûte om mak jo ning.”

JEREMIAH 51:37

Khava ram kha neinâk inset bukna kamanchang sik, khana khan ramshahei ka-om sik hei. Khavakha enngam timak ning; tûte om mak hei ning, akahmu rakip inpir sik hei.

JEREMIAH 8:22

Gilead a hlei leh ai om mak mo? Khana khan thempu om mak hei mo? Khan chu, heisa mo kamihei akadam mak jo hei?

ṬAJAISUINA 1:4

A’ntheng kani heia Bek-inna kamukna sik a tûte hongmak hei. Tûte inkhatbek hongmak jo hei. Khava khana hlakasak nuhngâk he’m inrim hei, khana thempu he’m kaṭap hei, khana khōpui kekot-hei kha karōk pet a kangir, khana Zion inrengna athōk jo.

ṬAJAISUINA 2:2

Judah ram a khō rakip lungsetna kasea Rōngpu’n amanhmang jo Khana ram inhrungna rephōr rakip asukkhōi jo. Rengram leh avaikarônhei kha inzakna apek jo hei.

ṬAJAISUINA 3:47

Keini hi inhmangna leh inrengna shunga leika-om ung; keini ṭitna leh thina hmun a ka-om ung.

LEVI-DÂN 26:32

Nanram kha pui katluk a kasuk manhmang sik, khava hmun kahlō nan-inrepui he’m suksetna chunga anmalung atôn sik.

MICAH 1:6

Khava jâra Rōngpu’n ati, “Ke’n Samaria hi ramhânga sukset manbuk kamanchang sik, vomhrui theikung lingna kamanchang sik. Khōpuia hlunghar hei kha phaichamting kaheihlon sik, khana khōpui innhmun kha akarōksaia ka-om sik jo.

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

DÂNRABU INHNINA 29:23

Hleipuk-hei kha hleichi kachang sik hei, kat leh chi kasip sik; heite kekmak ning, phi kapha’m kekmak ning. Nanram kha Rōngpu’n ahnuk hmei kapōa anat lai Sodom leh Gomorrah, Adma leh Zeboiim khōpuihei amanhmang kapōa kachang sik hei.

ṬONGPHÔNG 18:2

Ama’n rasa inhnaktak a a-ôn: “Amanu katlu jo! Babylon Kalen kha katlu jo! Amanu kha tûnchu a’nthengmak rathla ravaihei kha’n anhnong jo; a’nthengmak mater ka-om va rakip omna kachang jo.