JEREMIAH 9:10 - LEKHARABU INTHENG (BSI)

¹⁰ Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

JEREMIAH 9:10 ပူးပေါင်းရင်းမြစ်များ

ISAIAH 41:15

Ke’n nangni savōk maṭhina cheirông, atherbia arahling kangei akakop kapōa kasyem sik chei. Nangni’n tlângbunghei nanvōk sik khana nanmanhmang sik hei; khana hmebunghei kha ahar-ahak a, vaiphina, nanmasō sik hei.

ISAIAH 49:19

“Naram kha suk manset leh dahlon leikachang, tâk-kha tûnchu khana aka-om sik a akahong hei sik a khavakha kasin rei sik jo. Khana nang sukset a ani kadahei kha nanga inphut kahlatak a hnengsōt sik hei kae.

JEREMIAH 12:10

Ram hlop a vaikarôn katamtak he’n kavomhrui rahōn ansuksetsō jo; anmani’n kahlei kha anchōn rachi jo; kamaner ram kha nêrdiram anmanchang jo.

JEREMIAH 12:11

Anmani’n ramhâng anmanchang jo; kahmai kunga kadaih ngera ka-om jo. Ram pumpui kha nêrdiram kachang jo, tûte’n donmak jo hei.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 14:6

Ram shakōrtung hei kha hmebung chunga kangir hei ram-ui kapōa thli anmahâp a anhnar anrakhōng; anhmit kajing jo hei ajârchu thlai sâk sik neimak heia kae.

JEREMIAH 2:15

Shabakkaihei kapōa ahnenga inhrung hei; aram kha nêrdiram anmanchang pek, akhōpuihei inram kachang jo hei, dahlonpet a ka-om jo hei.

JEREMIAH 2:6

Ke’n anmani Egypt a inphut kahuksōt heia, nêrdiram thōia: nêrdi leh khur kōk omna ram, ram chârna leh thitheina ram, khana mihring tûte omakna hmun, khana tûte lônlele makna sik ram a khan kaṭhōisōt he’num anmani’n heitea asakmak hei.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 50:3

“Sak tinga ka-om jât inkhat, Babylon kabuhlu sik a kajōng, khana hleichi nêrdiram amanchang sik. Mihei leh sahei katlânsō sik hei, khana khan tûte om mak jo ning.”

JEREMIAH 7:29

“Jerusalem mihei, ṭajai sui ruh; nansam vo una hlonsōt ruh. Hmebung chung heia kathi hrena hla sak ruh, ajârchu Rōngpu kei kahnuk kana jo, khana kamihei kahlonsōt jo hei.

JEREMIAH 8:18

Kei malung inrim hi dam tor mak ning, Kei kamalunga akana eng kae.

ṬAJAISUINA 1:16

“Khava jâra kahmit a hmit-rathli kasiptak kalōnga kae. Tûte’num amathlem tor mak hei; tûte’num lungngam apektor mak hei. Ka-inrepui he’n kei antor jo eng; kami om hêrmak jo hei.

ṬAJAISUINA 2:11

Kaṭap reina kahmit inthling jo, karathla hi inrim jo. Kamihei suk inhmangna jâra inrenga katluber eng. Naipang leh naidông he’n khōpui hlamdunga sorsam invei hei.

ṬAJAISUINA 5:18

ajârchu Zion Tlâng abinga dahlona ka-om jo ram a ka-om ram-ui he’n khava suksetna kâra khan kalôn lele hei.

EZEKIEL 14:15

“Achangmak leh ke’n ram a sha mikathat sik kajōngtir sik hei, ram kha thi leh inhmangna kasyema tûte inkhat in petan tor mak hei ning,

EZEKIEL 27:2

“Akathithei mihring, tûnchu Tyre chungchânga ṭajai suina hla sak roh,

EZEKIEL 29:11

Khava shunga khan mihring leh sha inkhatbek lônmak ning. Kum 40 khana khan heite om mak ning.

EZEKIEL 33:28

Ram kha ramkarōksaia kada sik, khana anratha neina an-inlensakna kha’m kamanchai sik jo. Israelhei tlânghei kha ramse kachang sik a kha tûte inkhat petan tor mak hei ning.

EZEKIEL 6:6

Anmani maichâm leh limsyem rakip vōk mannōisōna sik, anmani marim katui maichâmhei suk mansetsōna sik, khana anta leisyem heirakip manhmangsōna sik a Israelhei khōpui rakip suk manhmang sik hei kae.

HOSEA 4:3

Khava jâra ram shung hi hong kachâr sik, hiva chunga aka-om rakip karampet sik hei. Ramsha leh vahei khana ngahei kapha kathi sik hei.”

JOEL 1:13

Maichâma ṭōnkatlo thempuhei, borapōn insi unna ṭap jo ruh! Bek-inna se unna jân kathang ṭajai sui ruh! Nan-Pathen hneng tōk sik a hmuchi leh ju om mak jo.

JOEL 1:19

Rōngpu nahnenga kaṭap eng, ajârchu hmei in akângsō hei kapōa thingkung leh phihei kachârsō jo hei.

AMOS 5:1

Rangei ruh, Israelhei, nangni sik a ṭajai suina hla kasak hi:

AMOS 5:16

Akahratpen Chunghnung Rōngpu’n ati, “Khōpui hlamlen heia in-ôina leh ṭap rasa kasip sik. Kathi ṭajai kasui sik antanêk hei leh inṭhōia ṭajai kasuisap sik a hlei kathlōhei kapha anbek sik hei.

MICAH 2:4

Khava pha kha ahong pha, mihe’n nangni thuhming kha inrengna tekhing inkhat a anhmang sik, nangni taleithōk chungchânga hiva inrengna hla hi anmani’n anhongsak sik: Keini inhmang cher jo ung! Rōngpu’n kanram alopek jo ung Keini rehringa anikasur hei hneng apek jo ung.”

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.