JEREMIAH 8:5 - LEKHARABU INTHENG (BSI)

⁵ Kha achang inchu, kamihei, heisa mo kahnenga hong inle hêrlo cheia keia inphut a’nhesōt jo chei? Nangni’n nanlimhei nankakō tlit a, kei hnenga he’nle sik kha hnōm mak chei.

JEREMIAH 8:5 ပူးပေါင်းရင်းမြစ်များ

ṬONGCHÎK-HEI 4:13

Na’nthem chuk kha pha rakip a mandonsōt ṭhak roh. Nathemna kha nahringkhō kae, kaṭhadek a hrung roh.

ISAIAH 1:20

Tâk-kha kaṭong nanjuimak inchu akathi sik a da jo chei kae, Rōngpu ke’n kahri kae.

ISAIAH 30:10

Anmani’n sânkathemhei kha kadai hngera an-omna sik a anhri. Anmani’n anti, “Kanhnenga akadik kha hrimak ruh. Keini tathei hnōm kha ahri pek ruh. Keini marûk ṭong kha jui rung.

ISAIAH 44:20

Ravut nisâk kapōa lothei kae. Ama mona mandonna khan akeiṭhōia atloje omlo kha kachang jo. Ama’n ata’nchoi limsyem kha pathen changmak ti hi abibinga hnōm mak a kae.

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.

JEREMIAH 3:5

Nang chu pha rakip a nahnuk natṭhak mak ning; ahei tik a kachunga narahe seṭhak mak ning?’ Israel, nang in khang’khan nati, tâk-kha nator chen a akaṭhamak khachu natlo ṭhak a kae.”

JEREMIAH 5:27

Shachâng kaleng inkhat in avoshunga va amansipphet kapōa, an-innhei kha marûk neinâk anmansip phet hei. Khava jâra tlotorna annei khana kahaohei,

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 6:17

Khava pha pengkun gîkna rasa inngei sik a Rōngpu’n khō kahngâk akadei hei. Tâk-kha anmani’n, “Rangei mak ning,” anti.

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

HOSEA 11:5

“Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

HOSEA 11:7

Anmani’n keia inphut sesōt sik a antloṭhak a kae. Anrîngke rôn jâra kaṭap a ka-ông sik hei, tâk tûte’n kadomsōt pek mak hei ning.

HOSEA 13:2

Anmani’n kamuk sik a thir vânga lim ansyema kae, dangka limhei, mihring mandonna hei leh mihring kut vânga ansyem heia kae. Khan chu anmani’n anti, “Khahei hnenga inthoina tōk ruh!” Heikhonga mo mi inkhat in amajôptor sik hei, khava sehratche limsyem mama kha!

HOSEA 4:16

Israel mihei hi shakor kasîn racham kase kapōhrep hei kae. Heikhonga mo ramhânga kemōnghei kapōa kaveitor sik hei?

ZECHARIAH 7:11

“Tâk-kha kami he’n hivahi rangei mak hei. Anmalung ankama kae

JOHN 5:40

Achang ravâng hringna nanchenna sik kahnenga honghnōm mak chei.

THESSALONIANHEI INKHATNA 5:21

Heirakip entetōk ruh: akaṭha kha ching ruh

HEBREWHEI 12:25

Khava jâra ṭong kahripa ṭong kha nanthei kada makna sik insing thei ruh. Raleichunga rathla ṭong kapekpa inngeimak kha leitlânsōt tor mak. Kha achang inchu marvâna inphut ṭong jōng kahripa ṭong kha nirangei mak inchu heituk kakhe chet a tlânsōt a’ntak sik mo!

ṬONGPHÔNG 2:25

Tâk, kajōng mak kârseng, nangni’n nantanei kha kahnettak a leimatu tlit ruh.