JEREMIAH 8:2 - LEKHARABU INTHENG (BSI)

² Anruhei kha mantûp heia vûm sik kanek a, anruhei kha ralei pi chunga ram thai kachang sik jo. Hiva mihei talungset leh tarazen hnōm hei khana anṭong jongsuina hei leh antakamuk hei kha kani, thla, khana ârsihei hmaikunga malârsōt sik hei kae.

JEREMIAH 8:2 ပူးပေါင်းရင်းမြစ်များ

RENGHEI INHNINA 17:16

Anmani’n Rōngpu an-Pathen dân rakip ansukkhōi khana kamuk sik sum-êng sehratche 2 ansyem; khana Asherah pathennu limsyem um ansyem, ârsihei ankamuk, khana Baal pathen anrazen.

RENGHEI INHNINA 21:3

Apa Hezekiah in atasuk manhmang limsyem kamukna hei kha ama’n asak nôk heia kae; Baal kamukna maichâm asyem hei khana Ahab taleitlo kapōa Asherah, intinu lim inkhat um aleisyem. Manasseh’n marvân ârsihei um aleikamuk a kae.

RENGHEI INHNINA 21:5

Bek-inna sumpuk inhnia khan ârsihei kamukna maichâm asak hei.

RENGHEI INHNINA 23:5

Judah khōpuihei leh Jerusalem hnenga hmun heia khōvelhei maichâm chunga Judah reng he’n inthoina akatōk sik a mantheng sōtna antanei thempuhei kha anṭōn hmun a inphut alosōt hei — Baal, kani, thla, vârpa ârsihei leh ârsihei hneng inthoina katōk hei kha.

HLAHEI 53:5

Tâk-kha anta leiratō phung hêrmak ṭit-inpirna kha anratō sik jo, ajârchu Pathen in ami kadōihei ru leh râng akathek kachek sik. Pathen in anmani kha ahlon sōt jo hei, achang jâra Israel he’n pui katluk a antator sik hei kae.

HLAHEI 83:10

Endora khan naleitor hei, antaksa kha raleia leikaṭop heia kae.

HLAHEI 83:11

Oreb leh Zeebhei hneng naleitlo kapōa, anre hlamkakeihei hneng tlopek hei roh; Zeba leh Zalmunna hei naleitor hei kapōa, anre hlamkakeihei kha torpek hei roh,

MI INTHEIPA 6:3

Mi inkhat in sa 100 aneithei khana pha kasôttak kahringthei, tâk-kha heituk kasôt ahring innum ama chen, inpâkna kha achen mak inchu khana kaṭhatak a anvûm mak inchu, naite ajōng intelim bât leh akathi jôk in kaṭhachet a kae, kati.

JEREMIAH 14:16

Khava ṭong antahri pek mihei kha’m, anmani leh in-anga that sik hei kae. Ankalōng hei kha Jerusalem hlampui heia hlonsōt sik hei, khana ankahre sik tûte om mak hei ning. Hivahi mi rakip chunga kasōk sik–annuhmei, ansapa, ansanuhei inveisa sik hei. Anmani ṭhatmak jâra hivahi a’npe sik hei kae.”

JEREMIAH 16:11

Khava pha Rōngpu’n hinga ahri tia manthei hei roh, ‘Nanpa-nanpu he’n kei andahlon enga, pathen ralak-hei ankamuk a anrazen hei. Kei andahlon enga, kamansena hei juimak hei.

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 16:6

Hiva ram a mikanei leh misara kathisō sik hei, tâk ankavûm sik leh ankaṭa sik tûte om mak ning. Anchunga malung inrim malârna tûte inkhat in abinga ataksa in-âttan mak ning khana asam kha vomak ning.

JEREMIAH 19:13

Jerusalem innhei, Judah renghei innhei, khana innphu chunga ârsihei hnenga marim katui karo rakip leh pathen hlop hei hnenga inthoina ju kasun hei, ankhenga Topheth kapōa intheng mak hei ning.”

JEREMIAH 22:19

Shakōrtung kathi kajana malârna kapōa ama kha ankeisôn sik, Jerusalem hmesō kot vângting anhlonsōt sik.”

JEREMIAH 25:33

Khava ning khan Rōngpu’n athasōt mihei kalōnghei kha raleichung achaina hmun inkhat a inphut inkhat katlunga inthek inchai sik hei. Tûte’num anmani sik a ralûm demak hei ning, khana ankalōng hei kha vûmmak hei ning. Anmani kha chommanbuk pi ka-ang sik hei.

JEREMIAH 31:40

Ashunga phaicham, kathi hrena leh akachok hlonna, khana Kidron Kavadung chunga hleipuk seng, nisōtinga Shakor Kekot katlung hi kei sik a hmun intheng akachang sik kae. Khōpui kha ave nôk a sukkhōi leh suk manhmang chang hêrmak jo ning.”

JEREMIAH 36:30

Khava jâra tûn Rōngpu ke’n, Reng Jehoiakim nahnenga kahri kae, David rengram a nang sōn inkhatbek in vai rônmak jo ning. Nang kalōng kha sûn leh kani tasat sik, jân leh kavur takatōm sik a hlonsōt sik kae.

JEREMIAH 9:20

Ke’n kati, “Nuhmeihei, Rōngpu ṭonghri rangei ruh, aṭong hrina chunga nanmalung manhlut pek ruh. Nansanuhei hneng heikhonga ṭajai sui sik mo, khana nanṭhōnhei hneng heikhonga invûmna hla sak sik mo ti kha manthei hei ruh.

JEREMIAH 9:21

Thina’n ni-inn thlikot heia hongkahlut jo nireng-innpui hongkahlut jo; hlamlena naipanghei, khana jōrtlâng laia rether naihei atuk rachen jo hei.

JEREMIAH 9:22

Kathi kalōng in hmun rakip a inchai kathek jo hei, hlei laia ralei thai manbuk ka-ang jo hei, sâng ka-ât he’n an-âtsō leh antadahlon ka-ang jo hei, tûte’n antakhôm mantûp mak hmuchi kha ka-ang jo hei. Rōngpu’n kahnenga amanthei eng hri sik ṭong kha hivahi kae.”

EZEKIEL 29:5

Nang leh nga rakip kha nêrdiram a kahlon kathek sik chei. Nakalōng kha raleichunga katla sik khana hreloa dahlon sik kae. Khavakha vahei leh shahei tasâk sik a kapek sik hei.

EZEKIEL 39:5

Ramhânga hleiheia kathi sik jo hei. Chunghnung Rōngpu ke’n kahri jo kae.

EZEKIEL 6:5

Israelhei kathi kalōng kha kakathek manchai sik hei; anruhei kha maichâm kimvea kakathek sik hei.

EZEKIEL 8:16

Khan chu Bek-inn shungtinga tetlânga aṭhōi jo eng. Khava hmun intheng hlutna hnenga khan, maichâm leh mi hlutna akâra, mihring 25 kapō leika-om hei. Hmun inthengting khan kahnung ansong thlōn khana nisōting inkun heia kani ahong kasōk kha ankamuk.

ZEPHANIAH 1:17

Rōngpu’n ati, “Khava kapō insuksetna kha mihringhei chunga kahei rôn sik, khachu mi rakip in hmitkachohei kapōa ankahmeia kalôn sik hei. Anmani kei dōina setna antlo jo, tûnchu anthisen tui nibun kapōa inbun sik khana ankathi kalōng raleia kaṭop sik.”

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

ṬŌNTLOHEI 7:42

Khava jâra Pathen kha anhnenga inphut inhesōt jo, sânkathem lekharabu hinga ale’nzet kapōa marvân ârsihei kha antakamuk sik a aleipek sōt jo hei: ‘Israel mipuihei! Nêrdiram a kum 40 ran nantathat a inthoina nantatōk kha kei hnenga nantatlo changmak.

DÂNRABU INHNINA 17:3

Rōngpu ṭongpek changloa, pathen lak a-emak leh kani, thla, ârsi akamuk arazen jâra.

DÂNRABU INHNINA 4:19

bōirōk a nantahmu hei kamukna leh razenna sik a intluk mak ruh – kani, thla, ârsihei. Rōngpu nan-Pathen in milak rakip hei takamuk sik a hihei hi apek hei kae.