JEREMIAH 8:12 - LEKHARABU INTHENG (BSI)

¹² Kamihei, hinghiva mater ka-om tak ṭōn hi nantlo jâra inzak chei mo? Changmak, inzak hêrmak chei; nanhmai sennabek kha’m manhret mak chei.! Khava jâra mihlop-hei katlu kapōa nangni akatlu sik chei kae; ke’n karâkna kapek chei pha khan chu, khavakha nan-inchaina kachang sik jo. Rōngpu ke’n kahri jo kae.

JEREMIAH 8:12 ပူးပေါင်းရင်းမြစ်များ

A’NPHUTNA 19:34

Ajîng kania khan asanu upanu khan anainu hneng, “Jâning jân kei leh rakhum inchun jo ung, tuning jân um ju manrui nôk rih, khana nang ama leh jesap ruh. Khan chu nipa inphut sa inkhat ṭim ninei sik jo,” ati.

HLAHEI 52:1

Mikalen nang, heisa mo naṭhatmakna kha na’nlensak pui? Pathen taksenthei changna hichu kumleikō sik a kae.

HLAHEI 52:7

“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”

ISAIAH 24:2

Mi rakip in-ang et a mahâmset anchen sik, thempuhei leh mipuihei, sōk leh akapu, a’nchohei leh akajōrhei, a’npûk hei leh akabat hei, sara leh akaneihei anchen in-ang et sik.

ISAIAH 3:9

Anmalung dikmak in anmani adōi sik hei. Sodom mihei kapōa, inphôngtak a kaset hei. Anmani inhmang jo hei, hivahi anbinga anta he’n rôn sōt kae.

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 14:15

Rōngpu ke’n katir mak sânkathemhei hnenga heimo katlo sik ti kha nahnenga kahri jo, hiva ram a re leh vonṭâm sōk mak ning tia karahminga akahrisōt hei kha, re leh vonṭâma kathasōt sik hei kae.

JEREMIAH 23:12

Antajui hlam kha inne sik khana inthim sik, ke’n anmani kamanpai sik hei, khana kapûr sik hei. Ke’n anchunga ṭōnse kamasō sik; anmani karâkna anhmuna sik pha kajōng jo. Rōngpu ke’n kahri kae.

JEREMIAH 3:3

Khava jâra khō sûrmak jo, zerkhōa khō pherpher kha jōngtla mak jo. Nang hi noti hmaisō napō, inzak ti hi’m manhret mak jo che.

JEREMIAH 44:10

Tâk-kha tuning kapha nangni la’nsinsak mak chei. Nangni’n kei akaja mak chei, khan chu nanpu sōnhei leh nangni kapek jo chei dânhei dungjuia om mak chei.

JEREMIAH 6:15

Anmani’n hiva mater ka-om omchen antlo pha hin inzak hei mo? Inzak mak hei, inzak hêrmak hei; anhmu kapha anhmai senmak. Khava jâra anmani milak-hei tlûna kapōa katlu sik hei; ke’n karâkna kapek hei pha, khavakha an-inchaina kachang sik jo. Rōngpu ke’n kahri jo kae.”

JEREMIAH 6:21

Khava jâra hiva mihei hi kamanpai mathlûk sik hei kae. Nu leh pa, sahei, ṭim leh re hei, khana khō leh ven hei kathisō sik hei.”

EZEKIEL 23:18

Amanu kha mipui hmaikunga inlâr, mi rakip in amanu noti kae ti kha manhretna anhongnei jo. A-unu kaleimater kapōa amanu hi’m kamater jo.

HOSEA 5:9

Karâkna sik kani kahong jo, Israel kha a’nsuk a’nhmang sik jo kae. Israel sahei, hivahi akasōk nger sik kae!

ZEPHANIAH 3:5

Tâk-kha Rōngpu kha khōpuia laka-om ṭhak, akadik rōk kha atlo; akadik mak kha tlojen mak. Jîngkâr katai sôilo jen a amihei hnenga akadik kha ahei rôn pek hei. Tâk-kha mikadik mak he’n akadik mak kha antloṭhak khana inzak um manhret mak hei.

DÂNRABU INHNINA 32:35

Rōngpu’n phu ahlō sik hei, khana akarâk sik hei; anpûrna sik pha kha lakahong sik; an-inhmangna sik kani kha hong kahnai jo.

PHILIPPIANHEI 3:19

Anmani hmeikhura a’nchai sik hei kae, ajârchu anmani Pathen chu antaksa tamadu kha kae. An-inzakna sik chunga khan inlensakna jôk annei, khana raleia neinâk-hei chunga rōk anmandon.