JEREMIAH 8:10 - LEKHARABU INTHENG (BSI)

¹⁰ Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

JEREMIAH 8:10 ပူးပေါင်းရင်းမြစ်များ

JOB LEKHARABU 31:10

kanuhmei in pase hlop inkhat bu vasōngpek rasoh, khana pase hlop inkhat rakhuma vaje rasoh.

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 57:17

Kei, anmani setna leh anphâmhrai set jâra anchunga kahnuk leikana, khava jâra ke’n karâkna kapek heia kaleidahlon jo hei. Kha’num anmani anracham kasea antamadudu antloṭhak a kae.

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 14:18

Kei hleiheia kase pha, re shunga antatha hei mihring kalōng kahmu hei; khōpui heia kase pha, sâk loa akathi mi kahmu hei. Sânkathemhei leh thempu he’n anṭōn tlona insaler hei, tâk-kha anmani’n heimo antatlo manhret mak hei.”

JEREMIAH 17:11

Malung intheng loa sêr kahao mi kha, ratui chu thlâkloa valak-hei ratui aka-o, va inkhat kapō kha kae. Ahringkhō aṭima anei kha amanhmangsō sik, a’nchaina ama kha heite emak ning, tâk-kha mikamo kachang sik.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

JEREMIAH 38:22

Khana khan Judah innpuia aka-om nuhmeihei ankhenga Babylon rengpa ṭōnkarônhei hneng antakei hei kha kahmu hei. Anmani’n ansepum a antahri ṭong kha rangei roh, ‘Rengpa ṭhōn kaṭhapen he’n ama kha hlam kalet a anṭhōi jo, achunga vai anrôn jo. Khana tûnchu akehei bōnthlōk shunga kahlut jo, ama kha aṭhōn he’n andahlon jo.’”

JEREMIAH 42:1

Khana remi rakip hlamkakeihei, Karea sapa Johanan khana Hoshaiah sapa Azariah inveina mi rup rakip kahong heia

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

ṬAJAISUINA 4:13

Tâk-kha hivahi kasōk jo, ajârchu anthempuhei kaset hei khana ansân kathemhei ṭhena annei, ṭhenakase hei thina sik antlo jâra kae.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

AMOS 5:11

Sarahei nanmanrim hei, ansâng hei nankasut hei. Khava jâra a’nnejap hlung inna om mak tin chei, khana vomhrui thei kaṭha nantaling rahōn heia inphut vomhrui ju inmak tin chei.

MICAH 2:4

Khava pha kha ahong pha, mihe’n nangni thuhming kha inrengna tekhing inkhat a anhmang sik, nangni taleithōk chungchânga hiva inrengna hla hi anmani’n anhongsak sik: Keini inhmang cher jo ung! Rōngpu’n kanram alopek jo ung Keini rehringa anikasur hei hneng apek jo ung.”

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MICAH 3:5

Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng Rōngpu’n ati,

HABAKKUK 1:6

Khava rahe kasetak, châm inhnga tet lo hei Babylon mihei kha ratha kamannei sik hei. Anmani vânhnōia kase heia milak-hei ram hlōna sik a antlo sik.

ZEPHANIAH 1:13

Annei ansum mi’n anchom sik khana an-innhei sukmathlek sik hei kae. An-inn sakna shunga khan anmani om tor mak hei ning khana anvomhrui lingna rahōnna inphut theitui inmak hei ning.”

TITUS 1:11

Anmani ṭonghri kha manbâng sik hei kae, ajârchu anmani’n antahri mak sik ṭong anhria innshung rakip anmanchok jo, khana inzakpui ka-om tak a sêr jongna sik anmantluk jo.

TITUS 1:7

Ajârchu bekrup hlamkakei inkhat kha Pathen innshung ṭōnkarôn achang jâra, a-omchen nōrna kase akachang sik kae. Ama racham kase, hnuk kanabei, ju inrui, chokchi katlo, sêr leh sum phâmrai kase akachangmak sik kae.