JEREMIAH 7:33 - LEKHARABU INTHENG (BSI)

³³ Ankathi kalōnghei kha va leh ramshahei thlaisâk kachang sik hei, ankahnong sōt sik tûte om mak ning.

JEREMIAH 7:33 ပူးပေါင်းရင်းမြစ်များ

ISAIAH 18:6

Ansepei hei kalōng kha vahei leh ramshahei sik a dahlona ka-om sik. Khōlum pha vahe’n ansâk sik, khana phebi pha sha he’n ansâk sik hei.

JEREMIAH 12:9

Ke’n kakadei mihei kha va inkhat kapōa, hmukhai he’n akir rakip a inphut anmanlōi jo. Ramshahei kha revei sâktlânga anhongna sik bek hei roh.

JEREMIAH 14:16

Khava ṭong antahri pek mihei kha’m, anmani leh in-anga that sik hei kae. Ankalōng hei kha Jerusalem hlampui heia hlonsōt sik hei, khana ankahre sik tûte om mak hei ning. Hivahi mi rakip chunga kasōk sik–annuhmei, ansapa, ansanuhei inveisa sik hei. Anmani ṭhatmak jâra hivahi a’npe sik hei kae.”

JEREMIAH 15:3

Rōngpu ke’n ṭit ka-om ṭōnse inlak 4 hi anchunga mathlung sik a kamantluk jo: anmani rehmun a antha sik hei; ankalōng uihe’n ankei radâk sik hei; vahe’n ansâk sik hei, ramsha he’n a’nhleibanghei kha ansâk sik hei.

JEREMIAH 16:4

Anmani ṭit ka-om hrisea kathi sik hei, khana anmani hei sik a tûte inkhat in ṭajai suimak ning, vûmmak hei ning. Ankathi kalōng kha raleia akabōk manbukṭak kapōa inte lele sik hei. Anmani re shunga a-emak leh vonṭâma kathi sik hei, ankalōng hei kha vahei leh ramshahei sâk leh in kachang sik hei.

JEREMIAH 19:7

Hiva hmun a hin Judah leh Jerusalema mihei lungdo kha hui mathlung mak ning. An-indōipui hei kamantor sik hei, khana rehmun a kamanthat sik hei. Ankathi kalōnghei kha ramshahei leh vahei tasâk sik a kapek sik hei.

JEREMIAH 22:19

Shakōrtung kathi kajana malârna kapōa ama kha ankeisôn sik, Jerusalem hmesō kot vângting anhlonsōt sik.”

JEREMIAH 25:33

Khava ning khan Rōngpu’n athasōt mihei kalōnghei kha raleichung achaina hmun inkhat a inphut inkhat katlunga inthek inchai sik hei. Tûte’num anmani sik a ralûm demak hei ning, khana ankalōng hei kha vûmmak hei ning. Anmani kha chommanbuk pi ka-ang sik hei.

JEREMIAH 34:20

Ke’n anmani ankathat hnōm, an-inrepuihei kut a kapek sōt sik hei, ankalōng hei kha ramshahei leh vahe’n ansâk sik hei.

JEREMIAH 9:21

Thina’n ni-inn thlikot heia hongkahlut jo nireng-innpui hongkahlut jo; hlamlena naipanghei, khana jōrtlâng laia rether naihei atuk rachen jo hei.

JEREMIAH 9:22

Kathi kalōng in hmun rakip a inchai kathek jo hei, hlei laia ralei thai manbuk ka-ang jo hei, sâng ka-ât he’n an-âtsō leh antadahlon ka-ang jo hei, tûte’n antakhôm mantûp mak hmuchi kha ka-ang jo hei. Rōngpu’n kahnenga amanthei eng hri sik ṭong kha hivahi kae.”

EZEKIEL 29:5

Nang leh nga rakip kha nêrdiram a kahlon kathek sik chei. Nakalōng kha raleichunga katla sik khana hreloa dahlon sik kae. Khavakha vahei leh shahei tasâk sik a kapek sik hei.

EZEKIEL 39:4

Gog leh aremi khana ama inthōpui hei kha Israel tlâng chunga kathi sik jo hei, ankalōng kha sha rakip leh va rakip hei samsâk kamanchang sik.

DÂNRABU INHNINA 28:26

Nanthi pha, va leh ramsha he’n nankalōng kha ansâk sik hei, khahei kahnong sōt sik tûte om mak hei ning.

DÂNRABU INHNINA 8:20

Rōngpu kha aṭong nanjuimak inchu, nantajōn sik ram a jât-hei asuk manhmang sik hei kapōa, nangni asuk manhmang sik cheia kae.