JEREMIAH 7:26 - LEKHARABU INTHENG (BSI)

²⁶ Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

JEREMIAH 7:26 ပူးပေါင်းရင်းမြစ်များ

RENGHEI INKHATNA 14:22

Judah mipui he’n Rōngpu kadōia setna anleitlo jo khana anpu sōnhei taleitlo kanek a kakhe chet a antloa anchunga ahnuk natna kha kachōr joa kae.

RENGHEI INKHATNA 14:9

Nang hma vaikarônhei kanek a setna kalen chet natlo joa kae. Nang in nadahlon enga kamuk sik a limsyem leh thir limhei nasyem heia kahnuk namannat a kae.

RENGHEI INHNINA 17:14

Tâk-kha anmani’n aṭong juidek mak hei, anmani Rōngpu an-Pathen akataksenmak, anpu anpahei kapōa anracham kase.

RENGHEI INHNINA 17:15

Ama mansena ṭong juihnōm mak hei, anpu anpahei leh ama ṭong intepna kha juimak hei, khana ama gîkna hei kha anmani’n heitea teimak hei. Akahnem mak limsyem ankamuk, anbibinga hnemna kase kachang hei, khana Rōngpu’n ankimvea jât-hlop hei omchen anmanchu makna sik a ṭong apek hei kha juimak heia, anmani’n jât-hlop hei omchen jôk anjuia kae.

THUHMINGHEI INHNINA 30:8

Anmani kapōa ṭong inngeimak changmak ruh, tâk-kha Rōngpu kha jui ruh. Rōngpu nan-Pathen in ahei tik a sik amanthengsōt Jerusalem Bek-inna hong ruh, khana nanchunga ahnuk anat nôk makna sik a kamuk ruh.

THUHMINGHEI INHNINA 33:10

Rōngpu’n Manasseh leh amipuihei kha gîkna apek he’num, anmani’n rangei hnōm mak hei.

THUHMINGHEI INHNINA 33:23

Tâk-kha apa leh in-ang loa, ama kha insinsak mak, khana Rōngpu hneng hong inhe mak a kae; apa kanek a kakhea kasetchet a kae.

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

ṬONGCHÎK-HEI 29:1

Amandikna che kataia naracham namanse chet-chet inchu, ni khat chu nang anhrop neng sik chea kha heitik che’num ṭhamak jo che ning.

ISAIAH 48:4

Nangni nanracham kase sik thir ngara kangar sik chei khana sum-êng kapōa kasak sik chei ti kamanhret chei.

ISAIAH 5:4

Hiva rahōn sik a hin katloṭhe heikhat aka-om jo mo? Achang inchu heisik a mo, kei inhōrna, vomhrui thei kaṭha inra loa akathûr jôk a’nrasōt hi?

JEREMIAH 11:8

Tâk-kha anmani’n kaṭong rangei mak hei, khana juimak hei. Khava kanek a, mi rakip anracham kase chet heia ṭhatmak antlo chet jo. Intepna kha anjuina sik a ṭong kaleipek hei, tâk anmani’n hnōm mak hei. Khava jâra intepna shunga karâkna rakip kha anchunga kahei rôn sōt jo kae.”

JEREMIAH 16:12

Tâk-kha nangni’n nanpu sōnhei kakhe chet a ṭōnse nantloa kae. Nankhenga nanracham kase khana ṭhamak chei, kaṭong juimak cheia kae.

JEREMIAH 17:23

Anpu anpa he’n kaṭong rangei mak hei khana heitea teimak hei. Khava kanek a, anracham kasea, kaṭong juimak hei, keia inphut inthem chûkmak hei.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 25:3

“Amon sapa Josiah’n vai arônna kum 13 tlukna inphut tuning katlunga kum 23 shung hi Rōngpu’n kahnenga ṭong ahei phôngpek ṭhak eng, aṭong hri kha ke’n nanhnenga manthei loa hong om mak eng.

JEREMIAH 25:7

Tâk-kha Rōngpu khet in, nangni’n aṭong rangei hnōm mak chei ati. Khava kanek a, nanlimhei khan anhnuk nanmannat pek a, nanbing chunga karâkna kha nantamathlung kae ati.

JEREMIAH 26:5

kasōk sânkathem kahei tir ṭhak hei ṭonghri chunga nanmalung nantamanhlut a kei hi nantajui nger sik eng kae. Anmani ṭonghri kha juihêr mak hei cheia kae.

JEREMIAH 29:19

Ke’n kasōk sânkathem heia inphut ṭong kapek ṭhak hei kha anjuimak jâra anchunga hivahi akasōk sik kae. Anmani’n rangei hnōm mak heia kae.

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 34:14

anhnenga kum 6 sepa akatlo jo Hebrew sōk inkhat kha kum 7 kataia antamasō sik hei kae. Tâk-kha nanpu nanpa he’n leidon mak hei khana kaṭong hri kha leirangei mak hei.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 35:17

Khava jâra tûnchu, Chunghnung Rōngpu, Israel Pathen ke’n, Judah leh Jerusalem mipuihei chunga ṭongtepna kaneidek jo inhmangna kha kahong masō sik jo kae. Hivahi kamasō sik kae ajârchu, ṭong kahri pha rangei mak chei, khana kabek chei pha amasôn mak cheia kae.”

JEREMIAH 44:16

“Nang in Rōngpu rahminga namanthei ung hi keini’n rangei hnōm mak ung.

JEREMIAH 5:3

Rōngpu’n taksenthei kachang kha ajong kae. Ama’n nangni avōk jo chei, tâk rangei dekmak chei; ama’n asukset chei, tâk inchu hnōmdek mak chei. Nanracham kase khana nansetna inphut hei inhe mak tin chei.

JEREMIAH 6:10

Ke’n kamasôna, “Anhnenga ke’n kahria kamanse he’num, tu’n mo arangei pek sik eng? Anmani anracham kase, naṭong manrôn rangei hnōm mak hei; hri sik a namanthei eng ṭong kha anmanuisōa kae.

JEREMIAH 6:17

Khava pha pengkun gîkna rasa inngei sik a Rōngpu’n khō kahngâk akadei hei. Tâk-kha anmani’n, “Rangei mak ning,” anti.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 9:13

Rōngpu’n amasôn enga ati, “Hinga akasōk jo kae, ajârchu kami he’n kei mantheina hei kha anmasō jo. Anmani’n kaṭong juimak hei, khana kaman theinahei kha tlomak hei.

EZEKIEL 12:2

Ama’n ati, “Akathithei mihring, nang hi re indu hei kâra ka-om che. Anmani’n hmit chu annei, tâk heite hmumak hei; kōr chu annei, tâk heite theimak hei, ajârchu anmani anrahe kase.

EZEKIEL 12:3

“Tûnchu, akathithei mihring,” rekatlânhei kapōa naphur bôm mantluk roh, khana jân achangmak lai se phut jo roh. Nasesōt kha mi rakip in hmu hei che rasoh. Rahe kase mihei kha’num hmu hei che rasoh.

EZEKIEL 20:30

Tûnchu Chunghnung Rōngpu ke’n Israelhei hneng kahri hi manthei hei roh: Nanpusōn he’n anta leitlo setna kha heisa mo nantatlo nôk sik khana an-pathenhei kahnung nantalajui sik?

DANIEL 9:6

Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

HOSEA 11:7

Anmani’n keia inphut sesōt sik a antloṭhak a kae. Anrîngke rôn jâra kaṭap a ka-ông sik hei, tâk tûte’n kadomsōt pek mak hei ning.

ZECHARIAH 7:11

“Tâk-kha kami he’n hivahi rangei mak hei. Anmalung ankama kae

MALACHI 3:7

Nangni mak hma nanpu-nanpahei kapōa, kei dân a inphut inhesōt jo chei khana nitmak jo chei. Kei hneng hong inhe ruh, khan chu ke’m nanhnenga hong inhe sik eng. Tâk-kha nangni’n nander, ‘Nahnengting hong inhena sik heimo kantatlo sik?’

MATTHEW 21:38

Tâk rahōn kasânhei khan ama anhmu pha, anbinga inbe heia, ‘Ama hi ram kapupa sapa kae. Hong ruh, that rih, a’nlo sik karōihei kha eini’n chen rih!’ inti hei.

MATTHEW 23:32

Khan chu, nanpuhei taleiphut ṭōn kha tlona jui mathlung jo ruh.

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.

DÂNRABU INHNINA 8:20

Rōngpu kha aṭong nanjuimak inchu, nantajōn sik ram a jât-hei asuk manhmang sik hei kapōa, nangni asuk manhmang sik cheia kae.