JEREMIAH 7:24 - LEKHARABU INTHENG (BSI)

²⁴ Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 7:24 ပူးပေါင်းရင်းမြစ်များ

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 81:13

Kami he’n kaṭong antarangei sik hi heituk a kamadu jo mo; kaṭong antajui sik hi heituk a kamadu jo mo!

JEREMIAH 13:10

Hiva mikaṭhamak-hei hin kaṭong jui sik hnōm mak hei. Anmani alerchet a anracham kase khana ṭhamak jo hei, pathen hlop hei ankamuk a anrazen jo hei. Khava jâra tûnchu, anmani hei hi anṭhatna heite aka-om mak jo tōka kabong hei kapōa kachang sik jo hei.

JEREMIAH 13:11

Tōka kabong vânga nikhōn nisui manhnet tlit kapōa, hiva Israel leh Judah mihei seng in kahnenga anmatu manhnet tlitna sik a karei heia kae. Ke’n hinga katlona hi, anmani kami anchangna sik khana karahming kajana leh choi ka-ânna anhei choina sik a kae, tâk anmani’n kaṭong juimak jo hei.”

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 16:12

Tâk-kha nangni’n nanpu sōnhei kakhe chet a ṭōnse nantloa kae. Nankhenga nanracham kase khana ṭhamak chei, kaṭong juimak cheia kae.

JEREMIAH 17:23

Anpu anpa he’n kaṭong rangei mak hei khana heitea teimak hei. Khava kanek a, anracham kasea, kaṭong juimak hei, keia inphut inthem chûkmak hei.

JEREMIAH 17:9

“Tu’n mo mihring malung amanhret tor sik? hiva kapō mikahōn alak heite om mak, hiva nat mandam sik hi inri hêr jo.

JEREMIAH 18:10

tâk-kha khava jât khan kaṭong ajuimak a, akaṭhamak atlo’nchu, katlo sik kati kha tlomak ning.

JEREMIAH 18:12

Anmani’n anmasôn sik, ‘Ethei mak, heisa mo kantabâng sik? Keini kankhenga racham intak leh akaṭhamak kha kantamadu dungjuia kantlo sik.’”

JEREMIAH 2:27

Thingkung kha kanpa khana hlungpui kha kannu kati nankhenga inzak nanratō sik. Hivahi hong kasōk sik ajârchu kei hnenga nanhong inhe sik kanek a keia inphut katlânsōt jo cheia kae. Tâk-kha khōdengthei nanratō pha leh chu kei hi kahong leh kahukna sik cheia nanbek enga kae.

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 23:17

Kei ṭonghri inngei hnōm mak hei khan, heirakip injenpet sik antipek hei. Khana racham kase hei hneng inrengna khan tônhêr mak hei ning tia mi rakip hneng anhri pek hei.”

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 3:17

Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 32:33

Anmani’n hnung ansungsi eng, ke’n kamanthei ṭhak hei ravâng, anmani’n rangei mak hei, inthem chûkmak hei.

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 6:16

Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

JEREMIAH 8:5

Kha achang inchu, kamihei, heisa mo kahnenga hong inle hêrlo cheia keia inphut a’nhesōt jo chei? Nangni’n nanlimhei nankakō tlit a, kei hnenga he’nle sik kha hnōm mak chei.

JEREMIAH 9:14

Khava kanek a, anracham kasea anpu anpa he’n Baal limsyem kamukna sik antamanthei hei kha ankamuk jôk a kae.

EZEKIEL 20:13

Tâk-kha anmani’n nêrdiram a kapha andōi eng. Akajui rakip hnenga hringna kapek sik kadânhei kha anvōkkhōia kae. Anmani’n Châmhngat kani um kajamak hei. Nêrdiram shunga kahnuk natna inhnak kha anmanhretna sik a tlo sik leh suk manhmangna sik a le’ntluk eng.

EZEKIEL 20:16

Ke’n khava intepna kha kasyem, ajârchu anmani’n kaṭong pek anhlonsōt, kadân anvōkkhōi, khana Châmhngat kani anmanbōk, anmani’n anlim hei kha kamuk sik a anmadu chet.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

EZEKIEL 20:8

Tâk-kha anmani’n kei dōina kangir hei khana ṭong rangei hnōm mak hei. Anmani’n anlim mater ka-om hei kha hlonsōt mak hei khana Egypt hei pathen inmuk bângmak hei. Egypt ram a kahnuk natna inhnaktak kha anmanhretna sik ṭōn tlo sik a kei le’ntluk eng.

DANIEL 9:6

Kanrenghei, kanvai karônhei, kanpu sōnhei leh kanjât pumpui hnenga narahminga ṭongkahri nasōk sânkathemhei ṭong rangei mak jo ung.

HOSEA 10:6

Limhei kha Assyria reng kalenpa hnenga rengkat sik a anchoi sik. Israel khan miṭong ajui jâra inzakna leh hmaimôkna achen sik jo.

HOSEA 4:16

Israel mihei hi shakor kasîn racham kase kapōhrep hei kae. Heikhonga mo ramhânga kemōnghei kapōa kaveitor sik hei?

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

ZECHARIAH 7:11

“Tâk-kha kami he’n hivahi rangei mak hei. Anmalung ankama kae

DÂNRABU INHNINA 29:19

Tuning hiva hmun a ka-om mi inkhatbek in, ama bing hlam a ṭong rangeiloa aleise jo’num, hiva kalûrtak a ngekna hi atheisō leh heirakip hi ama ṭhattheina sik a kae tia a’nhlângmak nan-om makna sik a intluk ruh. Khava khan akaṭha leh akaṭhamak nankhenga asuk manhmang sik chei.