JEREMIAH 7:23 - LEKHARABU INTHENG (BSI)

²³ Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

JEREMIAH 7:23 ပူးပေါင်းရင်းမြစ်များ

JOB LEKHARABU 36:11

Anmani’n Pathen ṭong kha anjuia asepa antlo’nchu, anmani kamōnga kakhanga ka-om heia kae.

HLAHEI 119:3

Anmani’n akadik mak tlophung mak hei; anmani’n Rōngpu hlam kha anjui.

HLAHEI 40:6

Nang in inthoinahei leh tōksōt hei madu mak che; akapu maichâm chunga pumro sik a dermak che a-emak leh set inthengna sik inthoina dermak che. Khava kanek a naṭong hri katheina sik kōr napek eng,

HLAHEI 81:13

Kami he’n kaṭong antarangei sik hi heituk a kamadu jo mo; kaṭong antajui sik hi heituk a kamadu jo mo!

SŌKSŌT 15:26

Ama’n ahri, “Nangni’n kaṭong nanjuia ke’n kadik kati kha pui katluk a ṭōn vânga nantlosōt inchu, Egypt mihei chunga hrise kaleimasō inkhatbek vâng khan nangni karâkmak chei ning. Kei nan-indampa, Rōngpu eng kha kae.”

SŌKSŌT 16:32

Moses’n, “Egypt a inphut aheiṭhōisōt mea nêrdiram a sâk sik a thlai aleipek me kha nisōn he’n anhmu theina sik, Manna kha anmani hei sik a ṭhahrep daṭhen sik a Rōngpu’n ṭong apek me,” ati.

ISAIAH 3:10

Mikadik-hei kha kahōi sik hei, anmani sik a heirakip inzen sik. Anṭōn tlona chunga inpâkna anchenpui sik.

JEREMIAH 11:4

Hivahi anmani hei sik a hmei taro mankâng kapō ram, Egypt a inphut kaheiṭhōisōt lai hei anpu sōnhei leh kaleisyem jo intepna kha kae. Anmani’n kaṭong anjuina sik a khana kaṭong pek rakip antlosōtna sik a kalei manthei hei. Anmani’n kaṭong anjui inchu, anmani kami kachang sik hei, kei an-Pathen kachang sik eng, tia kahri pek hei.

JEREMIAH 11:7

Ke’n anpu sōnhei Egypt a inphut kaheiṭhōisōt lai hei khan, kaṭong anjuina sik a kaṭhatak a kamanse hei, khana tuning katlung mipuihei kalamanse ṭhak heia kae.

JEREMIAH 13:11

Tōka kabong vânga nikhōn nisui manhnet tlit kapōa, hiva Israel leh Judah mihei seng in kahnenga anmatu manhnet tlitna sik a karei heia kae. Ke’n hinga katlona hi, anmani kami anchangna sik khana karahming kajana leh choi ka-ânna anhei choina sik a kae, tâk anmani’n kaṭong juimak jo hei.”

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 22:3

“Rōngpu, ke’n akadik leh a’ntlun kha nantlona sik ṭong kapek chei. Mi tahōn mathlâk inkhat kha akahōn inthlâkpa inphut huksōt ruh. Miram mihei, nu leh pa kaneimak hei, renghmeihei kha êngset a tlomak hei ruh; khana hiva hmun inthenga hin ṭhena kaneimak hei kha that mak hei ruh.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

JEREMIAH 32:23

Achang ravâng anmani hiva ram a anhei tlunga khana anhlō jo pha hin, anmani’n naṭongpek juimak hei, naman theina dungjuia om mak hei; antatlo sik a ṭong napek hei kha anmani’n heite tlomak jo hei. Khava jâra anchunga hiva ṭōnse seng hi namasō pek jo hei.

JEREMIAH 38:20

Ke’n kahri, “Anmani kut chunga nang pek sōt mak hei tin. Rōngpu ṭong kha najui sik a kangek che; khan chu heirakip nang sik a akaṭha kachang sik, khana nahringkhō huksōt kachang sik.

JEREMIAH 42:6

Kantlaina sik achanga khana kantlai makna sik achang inum, ahnenga aderpek roh kantati Rōngpu ni-Pathen kha keini’n kanjui sik. Keini’n ama kanjui inchu heirakip kaṭhachôm sik.”

ZEPHANIAH 3:2

Rōngpu ṭong rangei mak khana ama mansena kha rahlâng mak a kae. Rōngpu hnenga taksenna neimak khana inthōpuina inder mak.

ZECHARIAH 6:15

Ram kahlatak a mihei kahong sik heia kha Rōngpu Bek-inn kha anhong sakpui sik. Khavakha ansak sōtō leh kei hi Chunghnung Rōngpu’n nanhnenga ahei tir eng kae ti hi nanmanhret sik. Hiva rakip hei hi nangni’n Rōngpu nan-Pathen ṭongpek kha pui katluk a nanjui inchu ahei kasōk pet sik kae.

ZECHARIAH 7:7

Jerusalem khōpui akhang sōt lai, mi kasip a an-omlai, khōpui kimvea rōk changloa thlâng ting ramkeia leh tlaitlâk ting hmebung pang heia mi katamtak anleiom lai hmalaia sânkathem heia inphut Rōngpu’n ajōng hri kha hivahi kae.

ROMANHEI 16:26

Hei-achang inum khava akadik kha sânkathemhei lekha mazet a inphut inlârsō jo; mi rakip in antaksena aṭong anjuina sik, akahring ṭhak Pathen ṭongpek dungjuia jât rakip manthei jo hei kae.

CORINTHIANHEI INHNINA 10:5

Pathen man-hretna hlam kakhâra a’nlensak rakip, inshângtak a makhena kathemhei kha, kantasuk machim hei kae; khana sōk changna antakhit malung rakip kanmasō heia Christa ṭong kanmanjui hei.

DÂNRABU INHNINA 11:27

tuninga kapek chei Rōngpu nan-Pathen ṭongpek kha nanjui inchu, mahâmṭhatna kae;

DÂNRABU INHNINA 13:4

Rōngpu kha jui ruh khana kaja ruh; aṭong jui ruh khana aṭongpek-hei kha nit ruh, ama kamuk ruh khana ahnenga taksenthei chang ruh.

DÂNRABU INHNINA 13:5

Nansōk changna Egypt a inphut nankahuksōt Rōngpu dōina sik rahmang inle khana sânkathemhei kha that hei ruh. Khang khava mihei kha ṭhamak hei, Rōngpu’n nangni hringdân sik aṭong pekna cheia inphut nan-inhesōtna sik ankei cheia kae. Khava ṭhatmak a inphut nan-inhesōt theina sik anmani kha that sik hei kae.

DÂNRABU INHNINA 30:2

Nangni leh nansōn he’n Rōngpu hneng nanhong inlea tuninga kapek chei ṭongpek-hei hi malung kahlut a nanjui inchu,

DÂNRABU INHNINA 30:20

Rōngpu nan-Pathen kha lungset ruh, ama jui ruh khana taksenthei chang ruh, nanpu nanpa Abraham, Isaac leh Jacob hei hneng pek sik a ale’ntepna ram a khan pha kasôttak ka-om sik chei.”

DÂNRABU INHNINA 30:8

khan chu nangni’n ama nanjui nôk sik jo khana ke’n tuning kapek chei aṭongpek rakip hi nannit sik jo.

DÂNRABU INHNINA 4:10

Sinai Tlânga Rōngpu nan-Pathen omna nanngirlai ama’n kahnenga aleihri, ‘Mipuihei mantûp hei roh. Anhring lai seng kaṭong juina hi an inchuna sik leh khava kapōhrep a tlona sik a ansahei anmantheina sik kaṭong hri sik hi antarangei sik a kamadu heia kae.

DÂNRABU INHNINA 4:40

Tuninga kapek chei adân rakip kha jui ruh, khan chu nangni leh nansōnhei sik a heirakip kaṭha sik. Ahei tik a nanchen sik a Rōngpu nan-Pathen in apek jo chei ram shunga ka-om ṭhak sik jo chei.”

DÂNRABU INHNINA 5:16

“‘Rōngpu nan-Pathen ke’n ṭong kapek chei kapōa, nannu nanpa kaja hei ruh, kha achang inchu heirakip nangni sik a akaṭha kachang sik khana ke’n kapek chei ram shunga pha kasôttak ka-om sik chei.

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 5:33

Nansik a heirakip aṭhatna sik leh nanta hlō sik ram shunga nan-om ṭhak theina sik a, khahei rakip kha jui ruh.

DÂNRABU INHNINA 6:3

Israel mipuihei, khahei kha rangei ruh khana jui hei ruh! Khan chu nangni sik heirakip kaṭha sik, ratha kaneitak jât hongkachang sik chei khana nipusōnhei Pathen, Rōngpu intepna kapōa khava ram thai omna leh kara sōkna khan ka-om sik chei.

HEBREWHEI 5:9

Ama pui katluk achang sō pha, ama kataksen rakip sik kumleikō hukmanhringna kung kha kachang jo,

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.