JEREMIAH 7:20 - LEKHARABU INTHENG (BSI)

²⁰ Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 7:20 ပူးပေါင်းရင်းမြစ်များ

RENGHEI INHNINA 22:17

Anmani’n kei andahlon jo eng khana pathen ralak hneng inthoi-insân antlo jo, khana anṭōntlo rakip vânga khan kahnuk anmannat hêr jo. Kahnuknat kha Jerusalem chunga akhe hêr jo, khana daimak jo ning.

ISAIAH 10:17

Pathen, Israelhei vâr khan hmei kachang sik. Israelhei a’ntheng Pathen khan hmeimale hongkachang sik, ni khat shung rōk a heirakip akângsō sik, rahling chap leh thing bur hei kapha.

ISAIAH 42:25

Khava jâra ahnuk natna inhnak kha manhretna amannei me khana re shunga intuk inthat inrengna kha amande me. Ahnuknat kha hmei kapōa Israel pumpui chunga kakânga kae. tâk khahei omchen mo akasōk eini’n heite leimanhret mak me; khana inphut heite inkhat inchu na’m neimak me.

ISAIAH 66:24

“Anmani’n anhei dahlon hei pha, kei kadōihei kathi kalōng kha anhmu sik hei. Ankathi kalōng kâra rahlunghei kha thitik neimak hei ning, khan chu anmani karo hmei kha’m thitik nei hêrmak ning. Anhme hmu sik kha mihring rakip sik a mater ka-om tak kachang sik hei.”

JEREMIAH 11:16

Ke’n pha khat a olive thingbō inbur, kara kaṭhatak a a’nra hei tia kaleiphō hei, tâk tûnchu, khō inri kapōa abōhei kha hmeia kamankâng sik hei, khana abâk-hei kha kamathlek sik jo hei.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 14:16

Khava ṭong antahri pek mihei kha’m, anmani leh in-anga that sik hei kae. Ankalōng hei kha Jerusalem hlampui heia hlonsōt sik hei, khana ankahre sik tûte om mak hei ning. Hivahi mi rakip chunga kasōk sik–annuhmei, ansapa, ansanuhei inveisa sik hei. Anmani ṭhatmak jâra hivahi a’npe sik hei kae.”

JEREMIAH 17:27

Tâk-kha anmani’n kaṭong antajui nger sik kae, khana serning kani kha kani intheng inkhat a antaser nger sik kae. Anmani’n khava ning khan phurhrik heite sōngkot a anta’nrôn manhlut mak sik kae, anheirôn manhlut inchu, ke’n Jerusalem sōngkot-hei kha hmei vâng karo sik hei kae. Hmei khan Jerusalem innpuihei kakâng sik hei, tûte’n hmei kha thator mak hei ning.”

JEREMIAH 17:4

Kapek chei ram hi nantamasō sik kae, khana nangni’n nantamanhret hêrmak ram a nan-inrepuihei sepa kamantlo sik jo chei, ajârchu kahnuknat hi hmei kasûk kapō kae, ahei tik a kasûk ṭhak sik.”

JEREMIAH 18:23

Tâk-kha, Rōngpu, kei thatna sik a anṭōn mantluk rakip nang in namanhret. Anṭhatmakna leh ansetnahei rangei mandam mak hei roh. Tor hei inna hlon mathlâk hei roh khana nahnuknatpuma razen hei roh.”

JEREMIAH 42:18

“Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

JEREMIAH 44:6

Khava jâra ke’n kahnuknat leh kahnuk inthakna kha Judah khōpuihei chunga leh Jerusalem hlampui heia hmei vânga karo hei kae. Khahei kha tuning katlunga inhmanga, hmit a enngamlotak a ka-om jo hei.

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

JEREMIAH 6:12

An-innhei kha milak hneng inpek sik hei, khana anhleihei leh annuhmeihei kha’m inpek sik heia kae. Ke’n hiva ram mihei hi karâkna kapek sik hei kae.

JEREMIAH 8:13

“Hlei kathlō inkhat in ahleia asâng akhôm mantûp kapōa, ke’n, kamihei kachom mantûp hnōm hei; tâk anmani kara kase vomhrui kung leh theichangkung ka-ang jo hei; anbōhei kapha kachâr jo hei. Khava jâra, vânga mihe’n aram kha antahlō sik a ke’n kaphe jo.”

ṬAJAISUINA 4:11

Rōngpu kha ahnuk kana hranghra jo; Ziona hmei amansûk a khava khan amankâng manvâm.

EZEKIEL 22:22

Ratap shunga dangka kajor kapōa, Jerusalema kajor sik hei, khava sōa Rōngpu hnuknat antachen kae tia anmanhret sik jo.”

EZEKIEL 7:12

Apha kha kajōng jo. Neinâk rachôkna leh jōrna pha omtheimak ning, ajârchu mi rakip chunga Pathen karâkna kha in-angtlinga jōng kachu sik.

EZEKIEL 7:14

Pengkun a’nhring leh mi rakip inrin et hei. Tâk-kha re katuk sik tûte inkhat sesōt mak hei, ajârchu Pathen hnuknat kha mi rakip chunga katlung sik.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

LEVI-DÂN 26:28

ka nuknat a kahei hnget sik chei, nankarâkna kha ahma kakei kanek a aja 7 kamankhôk chet nôk sik.

NAHUM 1:6

Ama hnuk natna hmun a, tu mo akahringtor sik? Ama hnuknat ṭit ka-om tak a khan tu mo akahringtor sik? Hmeimale kapō ahnuknat kha ahei bunthlōn, ahmai kunga hlunghei um innoi heia vaiphin kachang hei.

ZEPHANIAH 1:2

Rōngpu’n ati, “Ke’n raleichunga aka-om rakip kaman hmangpet sik,

ZEPHANIAH 1:3

mihring, ranhring, nga leh va ankhenga. Mikaṭhamak-hei tlâksukna katlo sik. Mihring inti rakip kasuk manhmang sik khana akahringa inkhatbek um damak ning. Rōngpu ke’n kahri jo kae.

ZECHARIAH 7:12

khana anmalung kha hlung kapōa anmansak a kae. Tenlaia sânkathemhei hneng ke’n kalei tir jo mantheina kha anrangei mak jâra kei anmani chunga kahnuk kana hêr.

MALACHI 4:1

Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.